The Second Time (bl)

The Second Time chapter -01

♡ The Second Time ♡ chapter -1

Inneih na lawmpui tur a lo kal mipui te chu an haw darh sang sang a .Zan dar 11:37 lai a ri tawh monu leh mopa ṭhiante ve ve chuan in hnawk zual pui chu thian fai zung zung in.In neihthar te mutna khum tur chu an siam fel a. Moneitu in a riah ve ngawt thu awm heklo le mah ni in lam pan tur in pawn lam ah monu leh moneitu ṭhiante chu an chhuak khawm tel tel a. An haw dan tur leh an in thlah dan tur chu an rel chawp a .Monu hmelṭha tak leh mahni in ringtawk tak ni bawk Sangsangi chuan Mopa bestfriend leh a mah Sangsangi ngei ṭhianṭa tak ni tel bawk, Mihosa fapa mal neih chhun leh kum 28 lek ni chung a IAS officer ni thei ngat Freddy chu. A ṭhiannu an in neihna ah pawh moṭhian a tan a hman Emily tih pui rilru tak leh hope pui tak chung hian "Freddy nang in Emily hi thlah la an veng a hla si a chhungte'n an hawsan vek tawh bawk sia i thei a ngem?" A ti nui var var a a pasal vawin lam mai a ,a damchhung kawppui nitur a thu a lo tiampui tak Dinpuia ban ah chuan a kai deuh chawt reng bawk .

Mahse beisei lo deuh in Freddy chuan " Dino ka thlah dawn kan rawn kal rual a ,ka thlah leh loh ten!!!" A ti bul hmak a.Freddy hi Mopa Dinpuia bestfriend ni mahse Sangsangi leh Dinpuia in neih hma kar thlem te liam ta khan Dinpuia nen hian an in ti thiam lo a. Chuvang in Dinpuia pawh hian Freddy hi mopaṭhian ah a hmang loh phah a ni. An in tih buai chhan hi tuman an hrelo na a ,nasa deuh tak a an insual a vang in an ṭhian dun in kar siam ṭhat hi Sangsangi leh a ṭhiannu Emily pawh chuan an tum rilru ve hle a. Mahse an in ti thiamloh na hi rin aia daih a ,a lo thuk a vang in an beisei ang erawh chuan engmah a thleng thei lo. Vawin hi Dinpuia nupui neih ni anih a vang in Freddy chuan mawi hawih ah tiin a rawn tel pui ve hram chauh a ni.

Sangsangi bawk chuan nui var var chung hian Freddy ban puam ah a va chum taih a " Tihian awm tawh lo la ,in thinrim khum tawh lo teh u,a chhan kan hre ve bawk silo ,maw tikhan tum hmuk reng tawh lo teh ka nau duat " tih pah in Freddy biang a han pia sak a.

Freddy an kawngka lam a Dino rawn bai chhuak saih saih a hmuh rual chuan""" Hawng ang Lalchhanchhuah "" a lo ti lauh a. Dino chu Sangsangi chuan a va mit mei zeuh a ṭhianu Emily a melh zauh a. Dino chuan a lo hrethiam khawp mai. " Keichu ke pawn ka haw thei lawm kan in a hla lo a Emily thlah zawk rawh " a lo ti nui sap a. Freddy chuan "" Tun ang zan rei tawh a .A ke na ber kha mani in i haw nga maw ? A a lo mai teh !!! Ka han dah lawk che nga Emily chu ka thlah leh mai dawn lawm " a ti vin deuh hlar tawh Dinpui an"" Keiman Dino chu ka thlah mai ang "" a tih rual chuan Freddy leh Dino chuan " A ngailo " an lo ti rual ṭhat a. Sangsangi chuan "" Nia Dino chu Dina'n a thlah mai ang Lal Freddy kal mai mai teh " tih leh Bike lam a nawr a rual a Freddy chuan a hnial lui duh ta bik lo Emily nen chuan an in phur liam ta nge nge a. Emily chu a in thiamloh ru ṭhum pawi a tih thu chu a sawi niah niah a . Freddy lah pek chuan ""A pawi chuanglo"" tih a tum chuang ṭhak lo.

Dinpuia car ah Dino leh Dinpuia an chuang ran tawh a ,Dino chuan nuam a tih chiah lo " Sangsang lo kal ve mai la kan pa 3 in kal ila a thei tho lawm " a ti niah niah a. Sangsangi'n a chhan hma chuan Dinpuia chuan " a chiloh lo awm rawh se a mawilo a chhungte an la awm bawk si "" a lo ti deuh hluk Sangsangi chu a lo nui hak hak a. " Laldino in thlahrung duhlo mai teh o ,awmlo la tiang hun hi kan thleng nang .Lo haw har tir lo la ni mai . A mawlsi lêng hawhun a hre miah lo a nia"".a ti nui hak hak a. Dino chuan lu a bu nghat .Dinpuia chu a tlan chhuak a.

Emily chuan ṭah aw deuh lek lek hian " Ka be reng che a min chhang ṭha duh bawk silo min huat na i nei mi? "" A ti deuh tawl a. Freddy chuan " Neilo e "" a rawn ti ve hram . A ṭawngzui duh tawh chuanglo. Duh loh zawng pe na ve thawkhat tak chu a ni hmel.A upat ve tawh teh reng nen hian bike lo chu a khalh chhuak ngai meuh lo a,a neih in a tlin loh vang lam lah va ni suh.Nupui neih hun ve dawn tawh lam ah pawh a hmeichhe biak dan hi chuan pangai lam a la pan thei meuh lo . Emily thin chu a rim ru ṭun tawh a.. "" Tan ding rawh ka chhuk duh ,chuti khawp a min biak i peih loh te chuan sawi tlang law law ta che ,ka chhungte min rawn lam ru ka ti mai ang !! Ding vat rawh . "" A ti vin hlak hlak a. Freddy chuan vin deuh hluk hian " ka rilru hi hria nila min besek lo ang ngawila chuang ṭha hle hle rawh !!"* Tih leh tlan chak a rual a. Emily chuan Freddy kawng ah a va kuah chawt . Freddy bawk chuan"" kuah nghet rawh ka tlanchak dawn a nia"" a ti bul leh deuh hmuk Emily rilru chu a na rei lo ang reng Freddy kuah chu nuam a ti tak zet a. Freddy hian a flirt em ni nge a play kual ve mai mai tinge a duh zual deuh deuh theihna tur ang hian a awm ṭhin ,sual thiam ṭhin hle mahse a a duhtu thinlung ah chuan a cool in a pa ngawih ngawih tlat a lawm.