خفايا انثى
البارت الاخير
هند الصالحي
.........
على كف القدر نمشي ولا ندري عن المكتوب
عبارة كنت أرددها صدق من صاغ معناها
مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا
تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها
من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا
وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها
نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها
ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها
متى يحـالفـنـي الحظ ويصحح وضعـي المـقـلـوب
يعـدل قسـوة الأيام وغلطة ما ارتـكـبـنـاهـا
..................
سراء
اتفقنا قصة ورد باجر تكملها لان تعبت خطية خسارة الام والاخت بوقت قصير مو هينه ابد.. المسكينة هاي كله وبعد قصتها الشخصية ماباديه.. الله يساعدها ويصبرها شنو الشي الي شافته وخلاها ترفض فكره الزواج مرة ثانية.. رجعنا للفندق وبالطريق ورد اشترت لنا حبشكلات وگالت لازم أكمل القصة لكم لأن اني بحياتي 5 جروح مايشفن وگدام اهلي والناس ابين اني زينه ومابيه شي لكن الي خافيته بداخلي ماابينه لحد بس لرب العالمين.. وصلنا وبدلنا ملابسنا وسبحنا وصلينا وورد فرشت نايلون وبدأت تصفط الحبشكلات.. چبس بتيته عصاير چرزات.. وأكيد الگهوة من أيادي ست مياده غير شكل.. بدات ورد
ورد.. راح اعبر الاحداث الي صارت بعد وفاه نهى وكمية الالم والحزن الي سيطر علينا ولحد الان الجرح مايندمل
نورجان... بس انت ماوضحتي شلون اندعمت نهى
ورد... حسب شهاده السايق .. بعد ماكملت الدرس مالتها المدير مبلغها ترجع للبيت لان هلفترة تعبت هي منتظرة الضيوف ياخذون ضيافتهم ويطلعون يله وقعت الانصراف وطالعة ومن خبصتها ماادري شنو ناسيه من السايق ماشي ومفتر متذكرة وگايلتله انت انتظرني هنا اروح اجيب الغراض وارجع وهو باقي ينتظرها مقابل المدرسة يعني على الجهة الثانية واول مرة عابره عادي وجايبه علاگه ماادري شبيها ومن دااترجع للسيارة داتعبر وجاية سياره سريع وضاربها... وتعرفون الباقي الضربة مميته لو حتى عايشة چان انشلت .. مرات بداخلي اتمنى لو تكون مشلولة ولا ميته بعدين ارجع استغفر رب العالمين واگول هذه انانية مني ليش اتمنى ترجع تعيش وهي مشلولة. يمكن احنا نريدها تبقى ويانا بس مانفكر بمشاعرها هي شراح تگول ممكن راح تتقبل الحياه وهي بهذا الوضع.. الفراشه الي طايرة مو بس بالمدرسة بالبيت الابتسامه ماتفارقها.. شلون ممكن تعيش باقي عمرها على كرسي متحرك.. ارجع استغفر رب العالمين وأحمده واشكره بنفس الوقت لان بأرادته هو سبحانه ماخلاها تعيش ذليله.. ربي يعوضها الجنه
أنت تقرأ
خفايا أنثى
ChickLitلكل أنسان خفايا لا تعلن.. تبقى داخل القلب .. هي امنيات فرضت عليها قيود من المجتمع.. فيظهر الأنسان عكس مايتمنى ان يكون
