خفايا انثى
البارت التاسع
هند الصالحي
.......
مو ذاك الاعرفك انت من سنين اطباعك علية هواي مختلفة مدغيرة الملامح بيك والاشواك وجياتك احس مابيها اي لهفة جنت تجرح كبل يومين عندي يطيب هسة الجرح منك ابد مايشفة وجنت توكف كبل والعين تحجي العين هسة شبيها عينك شو صفت صلفة كبل حجيك ذهب والناس تمدح بيك ومن تحجي عسل تتناثر الشفة هسة اختلف حجيك كلة ذم واعتاب وبكلمن يودك كمت تتشفة على جتافي حملتك سرت بيك دروب وبنار العشك جمدوب اتحفة ونار البية منك ابد ما تطفة شمسح من ذنوبك وانت شو كل يوم تجرح بالكلب وادكلي ما اشفة طك صبري وخلص والدمع شح العين وهم البلكلب ماضن بعد يخفة
................
ورد.. بس لا الحجي توفى من ورا هاي يوكسل ماادري شسمها..
مياده.. انت تظلين مثل الحمص بكل موقف ناطة سكتي شوية انطي مجال نسمع
كملي عيني
نورجان.. من وصلت وشفت بابا متخربط خفت عليه كلش
ماما شبي بابا
نورهان... ماادري ركضي خابري بيت عمج خلي واحد يجي. امشي
نورجان... بوگفتي دخل مؤمن للبيت وصحته
مؤمن عيني الحك بابا تخربط
مؤمن.. ليش شبي شكو
نورهان.. دخيلك خاله تعال شيله وياي نخلي على القنفة حتى اروح اجيبله حبايه السكر.. اي هاي ارجان هم جا وك يمه الحك ابوك تخربط
ارجان... هم تعصب مو الف مرة گلنا صحة الحجي ماتتحمل.. ماتسمعون حجي صغار انتو
نورهان.. وانا شعليه يمه هو من ورا يامور الادبسز تعصب
نورجان بصياح... انتو تظلون تتناقشون وبابا متخربط اخذوا لفد مكان لدكتور
ارجان.. لا تصيحين لو اظربج على حلگج.. وامشي جيبيلي سويج السيارة يله
مؤمن.. شبيك ارجان نور شعليها ترى هي خايفة على عمي
نورهان... يمه مو وكت هلنقاش هاي غيبوبة سكر
نورجان .. ارجان اخذ بابا ومحمد هم وصل من الشغل وماما راحت وياهم بقينا اني ومؤمن بالبيت بحكم ابن عم واصدقاء طفولة.. أني بقيت ابچي
مؤمن.. ها شكو هلبچي ترى هاي دائما تصير وية عمي هو مريض لاتفاولين عليه
نورجان.. والله اذا صار على بابا شي الا اموته ليامور
مؤمن.. اي صدك خالتي گالت يامور شكو شصار شنو الموضوع
نورجان... يعني انت ماتعرف بصاحبك شيسوي مايسوي
مؤمن... وانت هم ويانا وصديقته اكيد هم تعرفين شكو
نورجان... لا مااعرف شكو صايرين هواي تخفون عليه اسرار خاصة موضوع هاي يوكسل من خامس اعدادي وهو عنده علاقه بيها وهاي انتو ثاني كليه يعني 3 سنوات وهسة شاد على بابا الا يخطبها يعني هي دخلت معهد سنتين وراح تتخرج هو باقيله 3 سنوات كليه طالب منين يصرف عليهم ماتگلي.. هذا مايفهم بابا مباقي عنده سيولة اغلب فلوسه خلاها بشركة محمد.. وهاي ماكله بعقله حلاوه تريد بس تجلب بواحد وتتزوجه
أنت تقرأ
خفايا أنثى
ChickLitلكل أنسان خفايا لا تعلن.. تبقى داخل القلب .. هي امنيات فرضت عليها قيود من المجتمع.. فيظهر الأنسان عكس مايتمنى ان يكون
