خفايا أنثى

البارت الحادي عشر

خفايا انثى
البارت الحادي عشر
هند الصالحي
..... .........

مثل الحزن
بيَّه شي .. مثل الحزن
ساكن ابروحي
مدري حسرَّه
مدري مطرَّه
مدري فد واحد ايودع
مدري سولة حب قديم
حرِّت ...
ياحسبَّه اسولفها لوحشتي
وآنه حته ابسِّر مفاتيحك غشيم
ردِّت اعاتب سولتك وسنين عمري
بس لگيت الفرح بعيونك حزين
چنت گبلك تايه ابليل القصيده
انته خليِّت العمر دنية جديده
امنين ما مال الهوى وياك أميل
وگلت خلصن كل عذابات الوكت
وما بقه الاَّ القليل
تالي ضيَّعني غيابك ..
چَن سفينه ابلايَّه مَرسَه ولا دليل
امنين ما ابحر تطگ ابروحي وحشه
وتنلچم كل الجروح
من اشوف الزعل بعيونك ..
أحير لويَّن اروح
الليل ظلمه
الدنيه زحمه
البيت .. بارد مثل حيطان الگبر
اتمايز ابروحي ..
بعد ما بيها مثل ايام الاول كل صبُر
يمته .. ؟
يل ضويتلك شباچ عمري
نمطر آنه وياك وانخضُّر عِشب
حيل مشتاق السواليفك ..
وجايبلك ترس روحي لعِب
مرَّه .. تكيتَّنه مطرت رازقي وذاب ابسطحكم
ومن عهد ليلتها صارت سولتي ابذاك السطح
گمت اشوف الناس بس ليل وعشگ وسطوح
والفرح من صيد أمس بعيوني مذبوح
امشي .. وتعبَّني الدرب وحُبك جمر بالروح
تكبر ابروحي عشگ ..
وازغر واسافر بيك
وانشد سواجي العمر ياوحدَّه بيها الگيك
انتظر يمته تجِّي .. انطُر ولا مليَّت
مَّل مني حته الغِنَه من كثر ما غنيِّت
،...........

عباس.. هاي شبيك صوتك عالي شكو ليش تصيح على اختك.. لا عبالك مالها احد.. اكو مشكلة اسمع من الكل لا تسمع بس لمرتك.. وبيتك هلاسبوع يكمل اخذها والله وياكم اذا احنا مانصون الامانه .. وثم يا بنتي احنا مارفضنا اخوج لان بيكم شي لا سامح الله.. بس اني رفضت لان ابن عمها طلبها مني واني وافقت واليوم بالليل يجون الزلم ونقرا الفاتحة...

يوكسل..ها يامو شكتلك اني مو كتلك نور ومؤمن عدهم شي وانت كلت لا هم اخوه ها هسة منو طلع صح اني لو انت ..

نورجان...انت سدي حلكج لاتحجين من شفناج ماشفنا الخير

يامور..وليش تسكت لان حجت الحقيقة

نورجان..يا حقيقة ها قابل اني ومؤمن خالفنا العادات والتقاليد مثل ماانتو سويتو ... ليش تخليني احجي كل الي مضى على الاقل مؤمن ابن عمي واحنا متربين سوى من الصغر الا هاي الي من يوم الي عرفتها بس تقط بيك ليش عبالك تحبك نايم ورجليك بالشمس انت

يامور... نور لزمي حدج بالكلام يوكسل زوجتي وراح تصير ام طفلي مااقبل احد يحجي وياها او يزعلها ..

عباس ..عفية عفية بعد اضربها لاختك ..اشو انت ادور احترامات لمرتك وانت ماتحترم شيبة ابوك وامك ..هاي شكم شهر تزوجتها بديتها علينا ...امشي ولي اخذها واطلع لبيت عمك وباجر توصلك غراضك وراك

يامور.. يله يوكسل امشي ..وانت كدامج اختيارين لو اني لو مؤمن ..

نورجان... منو انطاك الحق تخيرني يامور كل واحد بيكم معزته تختلف عن الثاني ليش هذا التصرف شبيك