"𝗧𝗵𝗲 𝗛𝗶𝗱𝗱𝗲𝗻 𝗔𝗻𝗴𝗲𝗹" 𝗞.𝗧𝗛✔️(𝗰𝗼𝗺𝗽𝗹𝗲𝘁𝗲𝗱)

-5-

———————————————————

Yoonie pov:—

ئەمڕۆ یەکشەمەیە، ڕۆژی ئاهەنگەکەیە، من زۆر شڵەژاوم و ناتوانم لە بیرکردنەوە بوەستم هەموو شتێک زۆر خێرا بوو، وە تەنانەت من نەچووم بۆ بازاڕی کردنیش تەنها لە ماڵەوە بە ئۆنڵاین داوای ئەو شتانەم دەکرد کە پێویستم بوو بۆ ئاهەنگەکە، وە تایهیۆنگ خۆی بە تەنیا هەموو شتەکانی تری ڕێک خستبوو تەنانەت هەوڵی نەدا کە ڕای من لەسەر شتێکی بچوکیش وەربگرێ.

من بە تەواوی ئامادە بووم و چاوەڕێی ئەوم دەکرد بێت بۆ ئەوەی بەیەکەوە بچین بۆ باخچە گەورەکە، ئێمە لە دورگەی جێجو بووین لە ڤێلاکەی بەڕێز کیم کە تەنها بۆ پشوو و گەشت دەهاتن بۆ ئەوێ ئەوانەم لە دایکمەوە زانی.

وە تەنها کەسە نزیکەکان ئامادە بوون لە ئاهەنگەکە وەک ئەوەی دیارە کە باپیرەم داوای ئەوەی کردووە، ئەوە بەڕاستی بێزارکەرە کە ئاهەنگی هاوسەرگیریشت بە پێی یاسا بێ ماناکان بێت و نەتوانی ئەو شتانە بکەی کە دڵت دەیەوێ.

گوێم لە تەقەی دەرگا بوو و هێشتم کە تایهیۆنگی کەشخە بێتە ژوورەوە کە بە تەواوی لە پیاوێکی خانەدان و پێگەیشتوو دەچێ بەم جلانەیەوە بەڵام ئەوە ئازارم دەدات کە ئەو بەو شێوەیە ڕەفتارم لەگەڵ دەکات وەک ئەوەی من هیچ شتێک نەبم بۆی و گرنگ نەبم.

ئەو هاتوو سەیرێکی کردم هەستم کرد لە ژێر نیگاکانی دەتوێمەوە چاوەکانی زۆر تاریک بوون زۆر بە قوڵی سەیریان دەکردم هەستم بە دڵە داماوەکەم دەکرد کە هێشتا ڕانەهاتووە بە بینینی.

"تۆ زۆر جوان دەردەکەوی"
ئەو وتی، وای کرد دڵم لێدانێک تێبپەڕێنێ،
ئەو هەر بە ڕاستی ئەوەی بە من وت؟
ئایە ئەو گاڵتەم پێ دەکات یان چی؟
من تەنها ناتوانم لێی تێ بگەم هەست دەکەم ئەو چەند کەسایەتیەکی هەیە..
من نەمتوانی وەڵامی بدەمەوە تەنها زەردەخەنەیەکم بۆی کرد.

قۆڵی بۆم ڕاگرت وە منیش بە نەرمی قۆڵیم گرت و ڕێنوێنی کردم بۆ دەرەوەی خانووەکە، بەیەکەوە بەرەو باخچە قەشەنگەکە دەڕۆیشتین کە پڕ بوو لە گوڵە بۆن خۆشەکان و بە شێوەیەکی زۆر جوان ڕازێندرابوویەوە کە بە تەواوی لە شوێنێکی شاهانە دەچوو.