قول ما في القلب ♥️

البارت الاول

(قول ما في القلب)
بقلم/ ساندي نبيل
في بدايه طلوع الشمس تصحي بطلتنا من النوم علي صوت خبط علي الباب
تدخل ريهام: الهانم الي لسه نايمه يلا اصحي علشان تنزلي تجيبي فطار لاخواتك
شهد بصوت ناعس: يا ماما سبيني انام شويه لسه بدري
ريهام: بدري من عمرك ياختي الساعه 10 وانتي لسه نايمه يلا اخلصي علشان اخوكي وابوكي يلحقوا ياكلوا قبل صلاه الجمعه
شهد: طب ما تخلي دنيا تنزل هو كل حاجه أنا
ريهام: لا دنيا متنزلش سبيها تكمل نوم انتي الي هتنزلي
شهد: حاضر يا ماما حاضر
تخرج ريهام وتستعد شهد للنزول
(البطله هي شهد: بنت جميله وطيبه وشعرها طويل وله لون الشمس وعيون عسلي وبشره بيضاء وجسمها مفتون الجمال ومتناسق مع طولها ورشقتها)
(ريهام ام شهد:ست طيبه بس بتفرق في معاملته مع شهد ودنيا وبالنسباله دنيا احسن من شهد ودايما تهتم ب دنيا انما شهد لا)
استعدت شهد وقبل ان تنزل
ريهام: هاتي فطار من عم احمد وخضار علشان السلطه وعيش وروحي السوق هاتي سمك علشان الغذاء ويلا بسرعه
شهد: حاضر يا ماما في طلبات تانيه
ريهام: لا بس لو افتكرت حاجه ابقي ارن عليكي ويلا اخلصي
شهد قفلت الباب ونزل
محمد(ابو شهد): صباح الخير يا ريهام
ريهام: صباح الهناء يا حج
محمد: امال فين الفطار والعيال صحيوا ولا لا
ريهام: شهد نزلت دلوقتي تجيب الفطار والحاجه من السوق
محمد: ودنيا وادهم صحيوا ولا لسه
ريهام: لسه سايبهم يناموا لحد لما احضر الفطار
شهد عند عم احمد
شهد: عم احمد عايزه كيس فول ب 10 و15 طعميه و15 عيش
عم احمد: حاضر حالا يجهز لست البنات
شهد: تشكر يا عم احمد
شهد اخدت الفطار وطلعت علي السوق طول ما هي ماشيه وكل الناس مركزه معها بسبب جمالها الطبيعي
شاب واقف علي ناصيه السوق: اي البطل الي معدي ومش واخد بالو مننا ده
شهد: اتوترت ومعرفتش ترد عليه وحاولت تمشي باقصي سرعه عنده علشان ميوقفهاش
شهد خلصت السوق وجابت الخضار وخمسه كيلو سمك ورجعت علي البيت
ريهام بزعيق: كل ده بتجيب حاجات من السوق
شهد: اعمل اي عقبال ما جبت الفطار والسوق كان زحمه
ريهام بعصيبه: هاتي محدش يعتمد عليكي في حاجه ابوكي واخواتك لحد دلوقتي لسه مفطروش بسببك
شهد بدموع علي وشك السقوط:انا اسفه
ودخلت أوضته وفضلت تعيط بدون صوت
محمد: اي يا ريهام بتزعقي ليه كده
ريهام: كله من بنتك البارده
محمد: خلاص اهدي
دنيا دخلت لشهد
(دنيا :في اولي ثانوي واكتر واحده مدلعه)
دنيا: في اي يا شهد بتعيطي ليه
شهد: مفيش حاجه ومعلش سبيني لوحدي
دنيا: أنا اصلا مكنتش داخله اسال عليكي كنت داخله اخد موبايلي
دنيا طلعت وريهام خبطت علي شهد
ريهام: يلا يا هانم علشان تاكلي
شهد طلعت وكلهم اتجمعوا علي السفره
ادهم(اخو شهد):اي يا شهد مال عنيكي ورمه ليه
شهد: لا في حاجه دخلت في عيني بس
ادهم: امممم عامله اي في الكليه بتعتك
شهد: الحمدلله
ريهام بسخريه: اي العيش الي انتي جايبها ده
شهد: مالو يا ماما ما هو كويس اهو
ريهام: انتي مش شايفه الحتت المحروقه الي فيه متعرفيش تعملي حاجه عدله في حياتك
شهد: انا اسفه
وقامت دخلت اوضتها
محمد: في اي يا ريهام ما العيش كويس اهو
ريهام: لا يا حج مش حلو أغلبه فيه محروق
محمد: خلاص يا ريهام كملي اكلك
ريهام: كلي يا دنيا يا حبيبتي كويس علشان تتغذي
بعد الاكل محمد وادهم نزلوا يصلوا
شهد في اوضتها
شهد بعياط: انا ليه دايما ماما تفضل تزعق فيا وتهزقني من غير سبب
بعد شويه من العياط كانت قاعده وماسكه الفون بتعها ولقت اعلان عن عياده نفسيه مكتوب في الاعلان ( لاي حد عنده مشاكل في حياته وحابب يتكلم فيها العياده مفتوحه من الساعه 9 صباحا حتي 12 ليلا )
دكتور: ليل
شهد: انا نفسي اتكلم مع حد ويسمعني بفكر اروح بكره بس خايفه
انتهي البارت الاول
هل شهد هتروح العياده ولا لا؟
هل المشاكل الي في حيات شهد هتتغير لو راحت ولا لا؟
هل القدر هيغير حياتها للاحسن ولا لا (انتظروا البارت القادم بأحداث تجاوب هذه الاسئله)♥️