(قول ما في القلب)
بقلم/ ساندي نبيل
وصلنا لحد لما الدكاتره دخلوا لما سمعوا صوت شهد
دكتوره: حقنه مهدئ بسرعه
ليل واقف قلقان هو ومحمد
الدكتوره بعد لما خلصت وشهد نامت: اتفضلوا معايا بره
ليل ومحمد طلعوا مع الدكتوره
الدكتوره: شهد حصلت ليها صدمات عملت ليها انهيار عصبي ده غير كمان هرموناتها المتغيره بسبب الحمل وبسبب الي مرت بيها
ليل بقلق: يعني افهم منك ان دلوقتي هي هتحتاج لعلاج نفسي
الدكتوره: اتمني انها تتخطي ده بسرعه من غير علاج نفسي المهم دلوقتي مش عايزه يكون في اي مصدر يخليها تنفعل وياريت محدش يفكرها ب اي حاجه حصلت في الحادثه عن اذنكم
الدكتوره مشيت وليل قعد قدام الاوضه ومحمد قعد جنبه
محمد بقلق: هنعمل اي يا ليل دلوقتي
ليل حاطط دماغه ما بين ايده: مش عارف كل الي بتتمنه انها متبعدش عني وتقدر تسامحني وتتخطى الي حصل
محمد بحزن: مش لوحدك يابني انا كمان غلطان اني عرضتها لكل ده واني كنت بسكت علي الي ريهام بتعمله فيها
ليل: صح فكرتيني هو عمر قال ليكم علي الي ريهام عملته
محمد بزعل: اه قال بعد ما انت مشيت
فلاش باك
عمر: دلوقتي ليل هيسبقنا علي هناك علشان يعرف اي الدنيا ويبلغنا بس في حاجه لازم تعرفوها
محمد: خير يابني
عمر: مرات حضرتك مدام الهام ممتتش لوحدها
محمد باستغراب: يعني اي مش فاهم
عمر: بعد ما ليل راح هناك علشان يشوف سجل المرضي الي كان هناك في الوقت ده لسبب هتعرفوا بعدين بعد فتره روحت تاني المستشفي وجابت كذا ممرضه كانت موجوده في الوقت ده في منهم واحده كنت شاكك أنها مخبيه حاجه جبتها علي القسم وفعلا كانت هي الي ساعدت الشخص الي موت الهام وعرفنا انها مراتك حضرتك مدام ريهام
ادهم بصدمه: امي أنا هي الي قتلتها ازاي يعني مستحيل انت غلطان
عمر طلع لها تسجيلات الكاميرات بتعت الجناح الي كانت فيها الهام وشافوا فعلا أن الممرضه وريهام هما الي فصلوا الاجهزه عنها
محمد بصدمه: التسجيلات دي مكنتش موجوده وقت ما هي ماتت ليه
عمر: الممرضه كانت مظبطه مع حد من المسؤولين علي اوضه المراقبه وحفظ التسجيلات بس لما دورنا وراء الحوار عرفنا نرجع التسجيلات
باك
محمد بحزن: مكنتش اتوقع انها ممكن تعمل حاجه زي كده انا السبب في الي بنتي فيه دلوقتي والسبب في موت امها
ليل طبطب علي ضهره: أنا الي غلطان اني دورت في الماضي
محمد: بس انا لحد دلوقتي مش فاهم انتوا عرفتوا منين مكان المستشفي وكل ده وكنتوا بدوروا علي اي
ليل حكي كل حاجه له
محمد: يعني جد مراتي هو الي كان خاطف بنتي اي هي حفيدته
ليل: اه بس هو مكنش يعرف انها حفيدته ولا أن ريهام هي الي قتلتها مش رجاله جدي
محمد: يعني لو ريهام مكنتش قتلتها كان جدك هو الي قتلها
ليل بزعل: اه للاسف
محمد فضل مصدوم من الي بيسمعه
في اوضه عمر
عمر: هتفضل قاعد معنا يا استاذ ادهم
ادهم: عندك اعتراض
عمر بهمس: عربيه تشيلك يا بعيد
ادهم: بتقول حاجه يا عمر
عمر: لا طبعا اعتراض اي يا راجل ده انت منورنا والله
ادهم: أنا هروح اجيب حاجه نشربها بس بمزاجي ها
عمر بفرح: الاهي تنستر يارب
أدهم طلع وكل ده ونورهان كاتمه الضحكه وبعدين فضلت تضحك
عمر: الهانم هتفضل تضحك كتير يعني ولا اي
نورهان بضحك: لا لا خلاص
عمر: اتهدي بقي عايز اسالك علي حاجه
نورهان: خلاص اتهديت اهو ها عايز تسال علي اي
عمر: وقت ما كنتي في الغيبوبه وتعبانه امك قالتلي حاجه لحد دلوقتي مش فاهمها
نورهان: حاجه اي دي
عمر: قالت كفايه الي حصلك قبل كده لحد دلوقتي مفهمتش هي تقصد اي
نورهان بتوتر: لا لا هي متقصدش حاجه متقصدش حاجه
عمر لاحظ توترها وشك فعلا ان في حاجه: متاكده ان مفيش حاجه
نورهان بتردد وتوتر: اه اه ايوه متاكده بص هطلع اشوف ادهم اتاخر ليه وجايه
نورهان طلعت وعمر فضل يفكر هي مخبيه عليه اي ونورهان طلعت قاعدت قدام الأوضه وحطت وشها بين ايدها وفضلت تعيط
نورهان بعيط: ليه يا ماما قولتي كده بعد ما خلاص قربت انسي بقي كل حاجه بتحصل قدامي دلوقتي
عمر وراء الباب بعد لما سمع صوت عياطها من جوا وسمع كل الي هي قالته واتاكد فعلا ان في حاجه
ادهم مجبش حاجه بس راح عند ليل ومحمد علشان يطمن علي شهد وقالوا له كل حاجه قالته الدكتوره وكلهم قاعدين حولين شهد مستنيها تصحي
في مكان اخر في بيت محمد
ريهام كانت في اوضتها ودنيا في اوضتها سمعوا خبط شديد على الباب
ريهام بفزعه: اي الخبط ده
دنيا: مين بيخبط كده يا ماما
ريهام فتحت الباب واتصدمت
ظباط شرطه: انتي ريهام سعيد عبد الغفور
ريهام بخوف: ايوه انا في اي
الظباط:مطلوب القبض عليك
دنيا بصدمه: انت بتقول اي هتقبض عليها بتهمه اي
الظباط: بتهمه قتل الهام احمد عباس
دنيا بصدمه: قتل
الظباط: اتفضلي معانا
كل ده وريهام مش عارفه تنطق ومصدومه ازاي بعد السنين دي كلها يتقبض عليها دلوقتي وعرفوا ازاي ودنيا فضلت ترن علي محمد بس من غير رد
في اوضه شهد
شهد صحيت ولقيتهم قدامهم فضلت تعيط ومنطقتش بكلمها
فون ادهم رن
ادهم: الو
دنيا بعيط: الحقني يا ادهم ماما اتقبض عليها
ادهم نزل الفون من علي ودانه وبص لمحمد: دنيا بتعيط واخدوا ماما
محمد معرفش يرد عليه بس كلهم اتصدموا من الكلمه الي شهد قالته لليل
شهد: ....
ليل: مستحيل انسي ان ده يحصل
انتهي البارت التامن عشر
شهد قالت اي لليل خليته يقول كده؟
محمد هيتصرف ازاي مع مراته وبنته؟
نورهان مخبيه اي؟
الحقيقه الي نورهان مخبيه هتاثر علي علاقتها مع عمر؟
(انتظروا البارت القادم لمعرفه اجابه الاساله)♥️
بقلم/ ساندي نبيل
أنت تقرأ
قول ما في القلب ♥️
Romanceحياتها كانت تعيسه ..وتغيرت عندما قابلته غير لها حياتها وكانت تعيش بسعاده الي أن دخل بينهم الماضي .. الكاتبه: ساندي نبيل
