(قول ما في القلب)
بقلم/ ساندي نبيل
وصلنا لحد لما العسكري ركب ريهام البوكس وكان كلهم واقفين مصدومين من الحكم ودنيا وشهد عمالين يعيطوا وشافوا عباس وعبد الرحمن نازلين من البوكس و...
عباس قرب علي شهد: اسف يا بنتي علي الي عملته فيكي مكنتش اعرف انك بنت الغاليه سامحيني يا بنتي
العسكري اخدهم علشان يتعرضوا علي النيابه وكان ليل عمال يهدي شهد لان بعد كلام عباس عياطها زادت اكتر ونورهان بطبطب علي دنيا وعمر كان لسه جوه مع الظباط علشان يعرف اي الحكم الي هيتحكم علي عباس وعبد الرحمن
عمر طلع قبلهم وقرب من ليل: اتحكم عليهم ب 8 سنين وهانم بردو زيهم بس اتعرضت امبارح علي النيابه مش النهارده
ليل: وهما فين
عمر: طلعت قبلهم وهما زمانهم طالعين يركبوا البوكس دلوقتي هيترحلوا علي السجن
في وسط الكلام عباس وعبد الرحمن طلعوا
عبدالرحمن بص للعسكري الي ماسكهم: معلش يا زوق هقوله كلمتين بس قبل ما نركب
العسكري: ماشي بس بسرعه
عبدالرحمن قرب من ليل: انا عارف انك متعرفنيش شكل بس انا عبدالرحمن الي كنت بكلم اختك انا اسف اني كنت بكلمها بس عمي هو الي قالي اتكلم معها اعرف كل حاجه بتحصل عندكم في البيت اختك ملهاش ذنب في حاجه ومحترمه وانا الي كنت بتحايل اني اكلمها ولما كنت ببقي عايز اقابلها مكنتش بتوافق علشانك وعلشان امها عايزك تقولها اني اسف اني ضحكت عليها وخذلتها
العسكري: خلصت كلامك يلا بقي يا حلو
العسكري اخدهم و راكبهم البوكس واتحركوا
ليل بص لشهد: مش يلا بقي نروح انتي تعبانه ومبقاش في حاجه نقف علشانها
شهد بدموع: يلا يا ليل ويلا يا دنيا علشان هتروحي معايا
دنيا مسحت دموعها: ليه انا هرجع البيت اقعد مع بابا وادهم
شهد: لا هتقعدي معايا علشان بابا هيبقي في شغله وادهم هو كمان ومفيش حد هيعرف يهتم بيكي وبدروسك وحياتك يلا
دنيا: هو انتي ازاي كده ازاي مش مدايقه من الي كنت بعمله معاكي وطريقتي في كلامي معاكي واسلوبي الوحش الي كنت بكلمك بيه ومازلتي عايزه تاخديني بيتك وتهتمي بيا حتي بعد لما عرفت ان امي هي الي قتلت مامتك
شهد قربت منه وحضنتها: ما حصل هتفضلي اختي من لحمي ودمي حتي لو من الاب بس ولازم اهتم بيكي وموضوع طنط ريهام وماما ده حاجه انتي ملكيش دخل فيها ويلا بقي علشان انا مش قادره اقف
دنيا بابتسامه: يلا بينا
عمر: ويلا بينا يا نورهان احنا كمان علشان اروحك
ليل اخد شهد ودنيا وعمر اخد نورهان
في عربيه عمر ونورهان
نورهان: احنا مش هنطلع علي البيت
عمر باستغراب: امال هنروح فين
نورهان بسخرية: هنروح نصبح علي الاستاذه مي
عمر بضحك: عايزه منها اي تاني يا نورهان مش كفايه الي انتي عملتيها فيها امبارح
نورهان: يا انا يا هي وهتمشي من عندك يعني هتمشي كفايه اني سمحتلها تقعد في شقتك اصلا الشقه دي المفروض مفيش ست تدخله غير اصلا
عمر فرمل العربيه وقرب منها
نورهان: يخربتك وقفت ليها وبعدين انت بتقرب ليه في اي
عمر: بمناسبه الي انتي لسه قايله هتنوري البيت امتي يا ست البيت
نورهان: افكر
عمر: نعم يا روح طنط هتفكري يعني اي
نورهان لفت ايدها حولين رقبه عمر: يعني افكر اجي امتي وادخل البيت بالفستان الابيض
عمر: حلوتك يا نونو لو علي امتي فا انا مستعد من انهارده قبل بكره اي رايك لو نكتب بكره الكتاب واحجز اي قاعه متاحه ونتجوز
نورهان: والله انت مجنون قاعه اي دي الي هتعرف تحجزها في يوم
عمر لف ايده علي وسط نورهان: انتي ناسيه يا روحي اني مقدم يعني لو عايز اخد حجز اي حد هعرف اعمل كده
نورهان: طب والفستان والبدله وكروت الدعوه وجهازي
عمر: محلوله يا ستي كروت الدعوه هتتبعت في مسدج لكل الي انتي عايزهم الفستان والبدله نطلع دلوقتي علي افخم مكان نجيبهم منه جهازك ومش محتاجين حاجه منه كل حاجه في البيت متوفره نتجوز والي انتي عايزه تجبيه هبعت عربيه تجيبه ها قولتي اي بقي
نورهان بكسوف: خلاص يبقي علي خيره الله بس تكلم ماما الاول
عمر خطف بوسه من خدها: من عيني يا نونو هكلمها حالا
نورهان فضلت مكسوفه من عمايل عمر بس فرحانه بلهفته عليها وانه عايز يتجوزها انهارده قبل بكره وان ده فعلا عوض من ربنا ليها علي الي هي شافته وانها اخيرا هتحقق حلم اي بنت بتتمنها وانها هتبقي مع حب حياته في بيت واحد
عمر بيسوق وبيكلم امل في الفون: ها يا حماتي قولتي اي
امل: والله يا بني انا معنديش مانع وخير البر عاجله
عمر: ايوه بقي يا حماتي يا قمر دلوقتي هنروح نجيب الفستان والبدله وبعدين هنروح شقتي الي خلاص بقيت شقه نورهان علشان لو في حاجه عايزه تغيره نلحق نعملها انهارده
امل: ماشي يا بني بس متاخرهاش علشان تجهز حاجتها
عمر: من عنيا
عمر قفل معها وكان فرحان اوي ان كل حاجه خلاص بقيت تمام
أنت تقرأ
قول ما في القلب ♥️
Romanceحياتها كانت تعيسه ..وتغيرت عندما قابلته غير لها حياتها وكانت تعيش بسعاده الي أن دخل بينهم الماضي .. الكاتبه: ساندي نبيل
