قول ما في القلب ♥️

البارت الثامنة عشر

(قول ما في القلب)
بقلم/ ساندي نبيل
وصلنا لحد لما ليل وصل المستشفي والدكتور طلع من اوضه شهد
ليل: طمني يا دكتور مالها شهد
الدكتور: متقلقش مبروك المدام حامل
ليل بفرح: بجد يا دكتور حامل
الدكتور: ايوه حامل بس هي ناقصه تغذيه فا لازم تاكل كويس وممنوع العصبيه والزعل عليها
ليل: طيب وهي اغمي عليها ليه
الدكتور: علشان رجعت كتير وكمان مكنتش واكله حاجه من الصبح وتقدر تخرج من المستشفى انهارده بس بعد ما المحلول ما يخلص
ليل: تمام شكرا يا دكتور
الدكتور مشي وكلهم دخلوا الاوضه ليها
شهد: ماما هو الدكتور قال اي
ريهام: الدكتور قال انك حامل
شهد بصدمه: حامل انا حامل
ليل: اه حامل مصدومه ليه
شهد: انت بتعمل اي هنا
ريهام: انا كلمته كان لازم يعرف مراته فين
ليل: معلش يا جماعه ممكن تسبونا شويه
ادهم: طيب يلا يا جماعه ونسبهم مع بعض شويه شهد انا بره لو في حاجه نادي عليا بس
شهد هزت راسها لادهم وكلهم طلعوا
ليل: اي مش كفايه اسبوعين
شهد: يعني هو كان فارق معاك اوي اذا انا موجوده الاسبوعين ولا لا
ليل: اكيد كنتي فارقه
شهد: لو كنت فارقه كنت كلمتني لكن انت معبرتنيش
ليل: علشان كنت متعصب من تصرفاتك وكنت مستني اني اهدي
شهد: تهدي ولا قاعده الست هانم مريحك
ليل بزعيق: شهد اي الكلام الي انتي بتقوليه ده
شهد: بقول ان انت فارق معاك هانم انما مراتك لا
ليل: لو كانت فارقه معايا مكنتش هتكوني مراتي دلوقتي
شهد: يعني اي مش فاهمه
ليل: يعني قبل ما نجي علي القاهره لما كنا في الصعيد كان المفروض ان اتجوزها
شهد: نععععم
ليل ضحك: بس يابنتي هتلمي علينا المستشفى
شهد: يعني عايزين اقولك اي وانت بتقولي انها كانت هتبقي مراتك يعني اي تبقي مراتك
ليل: في عادات البلد ان مفيش بت تتجوز حد من بره العيله فا كان لازم اتجوزها لانها بنت عمي
شهد: علشان كده بتوقع ما بينا وبتعمل كل ده
ليل: شكلها كده
شهد: اه يابنت ال
ليل: المهم سيبك منها دلوقتي مفيش رجوع عند اهلك تاني احنا هنخلص المحلول ده ونروح علي بيتنا
شهد بقمص: لا مش هروح معاك
ليل: ليه بس كده ما كنا كويسين
شهد: لا انت مصلحتنيش لما تصلحني ابقي اجي معاك
ليل: اوعدك هعملك حاجه اصلحك فيها وتبقي كمان للبيبي
شهد: بجد بجد هتعمل اي قولي
ليل: لا خليه مفاجأة بقي
شهد: ماشي لما نشوف
ليل بخبث: طب اي مفيش حاجه كده ولا كده
شهد بكسوف: احنا في المستشفى عيب
ليل: نفسي تقتنعي اني جوزك وربنا بعد كده همشي بقسيمه الجواز
شهد فضلت تضحك وليل مش مركز غير في حاجه واحده وقرب اكتر واكتر علي شفايفها وكان لسه هينقض عليه
الباب اتفتح برزع
نورهان: شهههد شهد حبيبتي مالك
ليل: الله يخربتك وبيت سنينك حد يفتح الباب كده
نورهان: هو انا جيت في وقت مش مناسب ازاي
عمر دخل الأوضه
عمر: لو سمحت يا استاذ ليل احنا كل مواعدنا مناسبه صح يا نورهان
نورهان: صح وبعدين استني ده انا لسه حسابي معاك كبير يا استاذ ليل قوليلي يا شهد عملك اي وانا ارفعلك قضيه في محكمه الاسره
ليل: هي وصلت لمحكمه الاسره والله ما عملت حاجه الحقيني يا عمر عايزه تحبسني
عمر بصوت واطي: والله كان نفسي اساعدك بس دي محدش يقدر عليها غير ربنا ادعيله ادعيله وانا هدعيلك متقلقش
نورهان: في حاجه يا استاذ منك له
عمر: ها لا خالص ده انا كنت بقوله اني هرفع معاكي القضيه
ليل: اه يا واطي
نورهان: بس بقي عايزه اعرف البت مالها
ليل: شهد يا حبيبتي قوليلها اني معملتش حاجه
نورهان: كلمه تانيه وهطلعك بره متحاولش تقصر عليها قوليلي يا حبيبتي اي الي دخلك المستشفى ضربك ولا خضك ولا حدف حاجه عليكي ولا عورك ولا هددك بسكينه ولا فتح غاز البيت
ليل: اي ياما كل ده انا مش قتال قتله
نورهان: سيبك منه قوليلي عملك اي
شهد: هو الصراحه هو هو انا حامل
نورهان: لولولولولوي حامل يالهوي هبقي خالتو يانهار ابيض اعععععع يا عمر هبقي خالتو يا عمر
عمر: هتبقي احلي خالتو يا حبيبتي عقبال ما تبقي ماما
ليل: اه واي كمان يا حبيبي تحبوا نطلع أنا وشهد ونجيب اتنين لمون
عمر: لا هات واحد واتنين شاليمو
نورهان: بس بقي هتزعجوا النونو هتسميه اي يا شهد
شهد: مش عارفه لسه مفكرتش
نورهان: لو بنت سميها علي اسمي
ليل: لا شكرا مش عايز بنتي تطلع مجنونه زيك
نورهان: ولا هقوملك هو انت تطول اصلا يبقي عندك بنت زي
ليل: يارب ما اطول
وكلهم فضلوا يضحكوا
شهد: بس هو انتوا عرفتوا ازاي
نورهان: ادهم اتصل بيا وقالي
عمر: نعم يا عنيا وانتي مقولتليش ليه ان ادهم الي قالك
نورهان: عايز تعرف ليه يعني فيها اي
عمر: لا مفيهاش حاجه خالص انا همشي انا يا ليل مبروك يا شهد وسلامتك يا سلام
وطلع عمر من الأوضه رايح ناحيه عربيته
نورهان: هو ادايق ليه
شهد: مش عارفه
ليل: الصراحه مشفتش غباء كده قبل كده اطلع وراء يا اذكي اخواتك
نورهان: طب هطلع الحقه وخلي بالك من شهد
شهد: خلي بالك من نفسك يا روحي
نورهان: حاضر وانتي كمان وخلي بالك من حبيب قلب خالتو يلا باي
نورهان طلعت تجري ناحيه العربيه وفتحت الباب
نورهان: انت اديقت كده ليه
عمر: لا مش مدايق هدايق ليه يعني
نورهان: ما هو واضح فعلا انك مش مدايق
نورهان مسكت وش عمر ولفته ناحيته وفضلت بصله في عينه
نورهان: قولي مالك بقي
عمر مسك ايد نورهان
عمر: في اني بحبك واني مش عايز حد يقرب منك
نورهان فضلت مصدومه مش عارفه ترد
عمر: ها قولتي اي هتفضلي مصدومه كده
نورهان: اصل انا مش عارفه اقولك اي
عمر: قوليلي انتي بتحبيني ولا لا
نورهان فضل قلبها يدق جامد
نورهان: اه
عمر بفرح: اي الي اه اه بتحبيني ولا اه في حاجه وجعاكي
نورهان: اه بحبك بس مش
وكانت لسه هتكمل لقيت الي حط ايده علي راسه وقربها منه و سرق اول قبله في حياتها
وبعدين بعد شويه علشان تاخد نفسها وفضلوا ساندين راسهم علي بعض وانفاسهم اختلط ب بعض
عمر: بحبك والله بحبك وعايزك تكون ليا طول العمر ولا حد يكلمك ولا يقرب منك غيري
نورهان: وانا بحبك اوي وعايزك تفضل جنبي
العشق ابتدا ما بينهم بس في انظار حد عايزه تحرقهم (هنعرف مين هي قريب)
نرجع ل ليل وشهد
ليل: يلا انا دفعت مصاريف المستشفى ومضيت علي الخروج
شهد: يلا علشان انا اصلا مش بحب قاعده المستشفى
خرجوا من الاوضه
ليل: معلش يا ادهم ابقي جهز ليا حاجات شهد الي في البيت عندكوا وهاتها علي الفيلا
ادهم: من عنيا
شهد: تسلملي يا حبيبي
ليل كان هيكولها بسبب الكلمه دي
ليل: مش يلا ولا اي
طلعوا من المستشفى وركب شهد العربيه
ليل كان ماشي ببطئ اوي
شهد: ليل احنا كده هنوصل بكره
ليل: معلش علشان البيبي ميحصلش له حاجه
شهد: طب انا جعانه
ليل: عايزه تاكلي اي يا حبيبتي
شهد: عايزه اكل حاجات كتير اوي زي فراخ مشويه ومكرونه بشاميل وملوخيه
ليل: حاضر كل ده هيتعمل وتوصلي تلقيه
شهد: ازاي
ليل طلع فونه ورن علي امه
انتصار: ايوه يا حبيبي انت فين
ليل: انا في الطريق يا ماما ومعايا شهد عقبال ما نوصل اعملي فراخ مشويه ومكرونه بشاميل وملوخيه وحاجات تانيه معها كتير
انتصار: انت عازم حد يابني
ليل: لا يا ماما ده لشهد لما اجي هفهمك
انتصار: حاضر هقوم اجهز دلوقتي
ليل قفل مع انتصار
انتصار: مريم هانم
هانم: نعم يا مرات عمي
انتصار: روحي طلعي اكل هنعمل ورق عنب وجلاش وفراخ مشويه ومكرونه بشاميل وملوخيه
هانم: ليه كل ده هو في حد جاي
انتصار: والله ما انا عارفه يابنتي هو ليل قالي اعملهم تعالي نقوم نعمل يلا
هانم: طيب يا مرات عمي هروح احضر حاجات الاكل
مريم: طب انتوا هتعملوا الاكل انا اي نظامي
انتصار: هتعملي معنا يا روح امك علشان اخوكي علي وصل وعايزه الحق اخلص
مريم: مع معاكي هانم ولا هو رخامه وخلاص
إنتصار: اتلمي بدل ما اكسر عظامك يلا علي المطبخ
كلهم دخلوا وابتدوا يجهزوا
وليل وصل هو وشهد البيت
ليل: يا ماما ماما
انتصار وكلهم طلعوا من المطبخ
انتصار: اي يا حبيبي حمدالله على السلامه يا شهد نورتي بيتك بقي كده تسبيني وتمشي
شهد: معلش يا ماما حقك عليا
انتصار: ولا يهمك يا نور عيني المهم انك رجعتي
هانم: لسه فاكره ان انتي متجوزه وليكي بيت نسوان اخر زمن
شهد مردتش عليها
ليل: في خبر لازم كلكم تعرفوا شهد ....
هانم:😳
انتهي البارت الثمانيه عشر
يا تري هانم هتعمل اي لما تعرف؟
الامور هتتحسن بين شهد وليل؟
هانم بتحاول توقع ما بينهم ليه؟
عمر ونورهان هيكملوا مع بعض ؟
مين الي عنيها علي عمر ونورهان؟
(انتظروا البارت القادم لمعرفه اجابه الاساله) ♥️
بقلم/ ساندي نبيل