قول ما في القلب ♥️

البارت الثلاثون

(قول ما في القلب)
بقلم/ ساندي نبيل
وصلنا لحد لما ليل اخد فون عمر واتصدم من الي شافه
عمر: ازاي كده
ليل بصدمه: مش عارف ازاي هو ازاي كانت مراته ومين الي ولدته
عمر: هتعمل اي دلوقتي
ليل قعد وحك راسه بين ايده: مش عارف يا عمر حاسس اني اتشليت اعمل اي ولا اعرف منين اجابه الاسئله الي انا عايزها
عمر: هتقولها؟
ليل: أنا مخي مشلول دلوقتي يا عمر هفكر وابقي اقولك هعمل اي انا هدخل اخد شهد ونمشي
ليل وعمر دخلوا الاوضه
ليل ببرود: يلا هاتي حاجتك علشان نمشي
شهد ودعت نورهان ومشيت مع ليل ومش فاهمه هو كلمها كده ليه نزلوا وركبوا العربيه وسكوت تام
شهد: ليل هو حصل حاجه مع عمر
ليل ببرود: لا هيحصل اي يعني مع عمر
شهد: امال بتكلمني كده ليه ما كنا كويسين مع بعض
ليل ببرود: مفيش تعبان شويه وياريت تفضلي ساكته لحد لما نوصل للبيت علشان مصدع
شهد اتحرجت وسكتت وفضل حبسه دموعها علشان متنزلش
ليل وصل قدام الفيلا ونزل وطلع علي فوق من غير ما ياخد شهد في ايده
في المستشفى
نورهان: هو ليل خد شهد ومشي ليه انتوا اتخنقتوا
عمر: لا هنتخانق ليه
نورهان: امال كلم شهد ومشيوا بسرعه ليه
عمر في سره: لو قولت لنورهان نورهان مش هتسكت وهتقول لشهد
نورهان: عمر سرحت فين بكلمك
عمر: ها معاكي اهو هو يمكن تعب بس شويه فا قال يروح
نورهان بشك: مش مطمنلك انت مخبي عليا حاجه
عمر بتوتر: هخبي عليكي ليه يا نورهان وبعدين دي حاجه تخصهم احنا مالنا خلينا في نفسنا وعمر ابتدا يقرب من نورهان (نسبهم مع بعض شويه)
في اوضه ليل وشهد
شهد طلعت قاعده علي الكنبه وفضلت تعيط وليل كان في الحمام طلع لقها كده
ليل: انتي بتعيطي ليه
شهد بعياط: علشان انت بتعملني بطريقه وحشه من غير سبب
ليل: معلش عندي حاله في الشغل مش عارفه احلها بس
شهد بشهاقات: من امتي لما بيكون في حاجه في شغلك تبقي بتعملني كده
ليل: معلش ممكن بقي تبطلي عياط وتدخلي تاخدي شوار علشان ننام
شهد مسحت دموعها ودخلت الحمام وفتحت المياه وقعدت علي طرف البانيو وفضلت تعيط
شهد بتفكير: عمر ليل ما اتعمل معايا كده لاي سبب من الأسباب موضوع الشغل ده في حاجه غلط ولازم اعرفها
ليل رن علي حد
ليل: اسف اني بتصل في وقت متأخر بس كنت عايزك في موضوع
: موضوع اي
ليل: هفهمك لما نتقابل فاضي بكره الساعه 4
: اه فاضي
ليل: تمام اخلص شغل ونتقابل وهبعتلك اللوكيشن مع السلامه
شهد طلعت من الحمام: كنت بتكلم مين يا ليل في وقت زي ده
ليل: واحد صحبي
شهد بشك: واحد صحبك
ليل: اه ويلا علشان ننام اطفي النور
شهد شكت ان في حاجات غلط كتير بتحصل قفلت النور وراحت تنام في حضن ليل حتي لو كان بيعملها وحش بس ده المكان الي بتحس فيه بالامان المكان الي لو اي حصل ما بينهم بس لا يمكن تعرف تنام من غير حضن ليل
ليل بتفكير: يارب يكون الي في دماغي غلط اسف يا حبيبتي اني بتعمل معاكي بالطريقه دي بس انا خايف وعايز اتكلم معاكي بس مش هينفع يارب بكره يجي بسرعه علشان اعرف الحقيقه
ليل تعب من التفكير حضن شهد جامد ونام
في اوضه مريم بتتكلم في الفون
مريم: امتي بقي تبعد عني ومتقوليش اعمل حاجه تانيه
: معلش كله علشان نبقي مع بعض ولا اي
مريم: انا مستحمله كل ده وبسمع كلامها طبعا علشان نبقي مع بعض
: شاطره يا حبيبتي هشوفك امتي بقي
مريم: مبقتش اعرف أخرج من البيت براحتي هحاول اشوفك قريب يلا هقفل دلوقتي ماشي سلام
تاني يوم الصبح شهد صحيتي ملقتش ليل افتكرت لما سمعته امبارح وهو بيقول انه هيروح الشغل وبعدين يروح يقابل الي كان بيكلمها
شهد لبست ونزلت وراحت عند نورهان المستشفي لأنها محتاجه تتكلم معها
شهد وصلت وخبطت
نورهان: ادخل
شهد جريت علي حضن نورهان وفضلت تعيط ونورهان فضلت تطبطب عليها
نورهان بخوف: اهدي يا حبيبتي في اي اي الي حصل
شهد بشهاقات: بيخوني يا نورهان
نورهان: مين الي بيخونك
شهد بعياط: ليل بيخوني وراح يقابلها
نورهان قاعدت شهد وهديتها
نورهان: احكيلي براحه اي الي حصل
شهد بشهاقات: امبارح بعد لما مشينا من هنا كان بيعملني بطريقه وحشه ولما سالته عن السبب قالي ان هو بس عنده حاله مش عارف يتعامل معها وبعدين دخلت اخد شاور سمعته وهو بيقولها بعد الشغل هبعتلك اللوكيشن
نورهان: ينهار ابيض وانتي مطبتيش عليها ليه يا خايبه
شهد بعياط زي الأطفال: ما انا مش معايا اللوكيشن ومش بعرف امشي وراء حد اعععع طلع بيخوني يا نورهان بيخوني وانا حامل منه اعمل اي
نورهان: اهدي كده انتي تقومي تروحي وتستنيها واول لما يرجع اساليه لو معترفش عليكي وعلي بيت امك تلمي حاجتك وتروحي كله الا الكرامه
شهد بانهيار: بيخونييي يا نورهان انا كرامتي انهااارت وابنه الي في بطنيبي
نورهان فضلت تطبطب عليها وبعدين شهد سمعت كلام نورهان وروحت تستني ليل ليل رجع وهو في عالم تاني ومصدوم من حاجات كتير
دخلت الأوضه لقي شهد قاعده مستنيه
شهد: كنت فين يا ليل لحد دلوقتي
ليل ببرود: هكون فين في الشغل
شهد: والساعه 4 كمان كنت في الشغل
ليل بشك: قصدك اي يعني
شهد: رد علي السؤال كنت فين الساعه 4
ليل: في اي هو تحقيق
شهد: يعني بردو مش هتقولي كنت فين ولا مع مين
ليل ببرود: ريحي نفسك علشان معنديش حاجه تتقال حتي لو التحقيق ده فضل لبكره
وسابها ودخل الحمام ورزع الباب شهد لمت حاجتها ونزلت ركبت تاكس علي عنوان بيتها
ليل طلع من الحمام ملقاش شهد ولقي الدولاب مفتوح وفاضي وفيه ورقه
(انا في بيت اهلي علشان تاخد راحتك وتعرف تخوني كويس ومستنيها ورقه طلاقي)
ليل اتعصب وقطع الورقه وفضل يكسر في كل حاجه قدامه وجرح ايده جرح كبير وقعد علي الارض جنب السرير وفضل يعيط علي فراق حبيبته الي مش عارف هيعمل معها اي بعد الي عرفه هل هيكمل معها ولا مش هيقدر
شهد وصلت بيت اهلها وريهام هي الي فتحت الباب
ريهام بصدمه: شهد اي الي جابك دلوقتي في حاجه حصلت مع جوزك
شهد بدموع: دخليني الاول طيب
ريهام: ادخلي
ادهم جه شال الشنطه من ايد شهد داخلها الاوضه
ادهم بقلق: في اي الي حصل
ريهام: ما تنطقي يابت وقولي سبتي بيت جوزك وجايه بالشنطه دي ليه
شهد بدموع: انا طلبت منه الطلاق
ريهام بصدمه: يا مصبتي ليه ازاي تعملي كده مفكرتيش في كلام الناس لما تبقي مطلقه وحامل هتصرفي علي نفسك وعلي عيلك منين ابوكي مش عايشلك طول العمر اتصلي بجوزك دلوقتي خليه يجي ياخدك
شهد فضلت تعيط ومعرفتش ترد عليها
ادهم: اهدي انتي بس يا ماما دلوقتي لما نفهم اي الي حصل طلبتي الطلاق ليه يا شهد
شهد بعياط: علشان بيخوني
ادهم بصدمه: بيخونك😳
انتهي البارت العاشر
اي الي ليل عرفه ورجع مصدوم منه ؟
مين الراجل الي شافها في فون عمر ؟
ليل بيعامل شهد كده ليه؟
فعلا ليل خان شهد ؟
مريم كانت بتكلم مين في الوقت ده؟
هيتطلقوا فعلا؟
(انتظروا البارت القادم لمعرفه اجابه الاساله)♥️
بقلم/ ساندي نبيل