زمـن ال نسر
عوضي الغريب
"صرت مثل التلولي عليه موش امه
يتيم وعد شريجه شما بجه تغمه "
----------------------------
اصعب شي عله الانسان من يكون وحيد
ماعنده شي يلجا اله
اصعب شي من يكون عمرك زغير وتحارب شعور اكبر منك
تحارب الدنيه حته توكف عله رجليك
تمشي وتعثر
اصعب شي من تشوف شخص وتتعلق بيه ودكول هاهيه خلصت حربي
خلصت احارب حته اعيش
وبلحضه تنكسر حياتك كدام عيونك
رحيمه لازمه ايهم من شعره وتضرب بيه
ركضت اخذه منهه
وصلت يمهه اجر بيه منهه
ثواني ثواني والدم ترس وجهي
دمم يطفرر من كل مكان
نفس النافوره
صوت ايهم ضاعع
صرخت بكل صوت عنديي
مامصدكه الصار
ايهم بين اديه يرفس والدم يطافر من صدره
يرفس مثل الطير المذبوح
المكص مشكل بنص صدره
طحت وهوه بيدي يرفس
ماادري شسويت بوقتهه
شمررته عليه صرخت بعلو صوتي
:ايهمممم اكعددد فدوههه اكعددد كوممم لاتموتتت ايهمم لاتعوفنييي اخافف وحدييي ايهممم لاتعوفنييي انته همم اخذنييي وياكك
المكص بصدره اريد اوخره مااكدر
عيونه مفتوحه بدون نفس
مايرمش
اريد اسيطر عله روحي واكوم ماكدرت
حاضنته وامسح الدم من وجهه
امسح مكان الدم ويرجع
ماادري شصار فقدت وانه املخ بروحيي
صعبب كلش صعبب ابنيي عشت علموده
اشتغلت حته اجيبله اليريده
من اجيي من الشغل اشوف ضحكته ترد روحي
بيبي قبل لاتروح كالت ديري بالج عله ايهم
اشوفه يرفس كدام عيوني
ماادري شلون اجت الشرطه والناس التمت
ولا ادري شكد مر وقت حته عرفو وشلون
رحيمه ماكو ضاعت
ايهم عله كلبي واصرخ
اجو يردون ياخذونه ماانتبهت منو اجه
ماريدهم ياخذونه مثل مااخذو بيبي
دفعتهم بصريخ
:والله اليتقرببب منهه اكتل روحيي وياااا محدد ياخذهه شبيكمم هوه ماماتت عدللل عدلل هوه كاليي لاتعوفيني مااعوفه لو تموتوننن
حاضنته وابجي
صرت الولي عليه
رجعت اكعد بيه واصرخ
تهسترت ماادري شسوي
اضحك وابجي بنفس اللحضه
:كومم ايهمم كومم حبيبي لاتعوفنيي وحديي
كومم اشتريلكك يلهه كومم
تعالل اغسلك من الدمم انته تخاف منهه كومم يلهه
ماادري شلون وشوكت دخل حيدرا
كاعد بصفي ويحجي وياي
ماادري شيحجي
ايهم بحضني وانوم بيه
:ايه انطينياه اخذه للطبيب وارجعه
ايـه :ماتت هوه ماتت حيدراا مات وعافني موو
هز راسه واجه ياخذه منيي
منين ماتلزمني متروسه دم
ايهم مفتح عيونه وميت بحضني
دفعته عله كيف وحجيت
ايـه :اش حيدرا اسكت ايهم نايم لايكعد
أنت تقرأ
عوضي الغريب
Mystery / Thrillerزمـن ال نسـر ⋆ عوضي الغريب هوس ..فراق ..حب ..خوف من الفقدان القدر يكمل معها اجمل القصص عوضي الغريب 🤍
