زمـن ال نسر
عوضي الغريب
السلام علـى من فقدت روحه السلام
ــــــــــــــــــــــــــــــــــــــــــــ
:طفرت وكلبي يدك
طلعت بره الخيمه تجمدت بمكاني
كلهم ملتمين عله ثنين شباب ينزفون دم
واحد منهم ينزف من راسه والثاني بضهره نايم عله بطنه
خليت ايدي عله گلبي وانه اشوف شلون روحهم تطلع گدامي
صاح ولد من الولد المجتمعه وهو يركض عله الشغب
:ولكممم شنوو ذنبنههه ولكمم ولدنهه راحتتت
راحوو الشباب خلصوو
يركض ويبجي ركضو وراه الولد ويصيحون يرمون حصو ويصرخون
الشغب يشمرون عليهم مسيل للدموع
يوصلون ويرجعون يركضون
اباوع كدامي الكاع بس دم
الشهداء الطاحو اخذوهم بتكاتك
واكفه بمكاني وابجي
هاذ العراق
هيج يصير بيه
بالاخبار شي والواقع شي ثاني
الاخبار ماتنقل كلشي
شنو هاي
منين ماالتفت يغسلون بالدم
مابدينه شي نسوي
غير الهتافات النهتفهه
البجي النبجي
والصريخ
هوه هاذ البدينه شنسوي بعد
امشي ودموعي تصب
اباوع عليهم رجعو كعدو
تعبو
من الصبح يرمون عليهم ويسحبون بارواحهم واحد واحد
امشي واباوع عله الحيطان
هاذ ابن ثنوه
هاي صورته اي هوه
رحت يم صورته اباوعله وابجي
شنو ذنبك تموت لان تريد حقك
كعدت بصف الصوره
مابيه حيل
اجيت هنا ارتاح بس ياراحه وانه اشوف كل دقيقه شهيد يرفس كدامي
اريد حيدرا بس خايفه منه
منين ماتباوع صور شهداء معلكه
منين ماتباوع عله العراق تلجم
لامس كتفي ايد درت وجهي لكيتهه ابرار
ابتسمت وكتلهه
ايـه :ماتو
دارت وجهه تمسح بدموعهه
أبرار: ماتو
دنكت ابجي
حضنتني وتنشغ بصوت عالي
أبرار: راح ايه عافني وراح
رفعتهه مني وكتلهه
ايـه :م منو
أبرار: جان يحبني ويكلي بس يصير عدنه وطن نزوج
طلعنه سوه للتحرير واحنه متفقين نرجع سوه
عافني اليوم وراح
ايه شفتي شلون مات
ولج راح اموت گلبي محروك اريد اودعه اخذو وانه ماادري والله ماادري
كعدت بالكاع تصرخ
بهاي الحضه عجزت شسوي
شلون اواسيهه وشكلهه
تطگ ايدهه بالكاع وترجع تدك عله كلبهه
أبرار: صوجيي انهه خليته يجيي
كلهه منيي والله راح زعلان ايهه زعلانن منيي راحح بعد مااشوفهه طول عمريي
كامت تركض باتجاه الشغب وتصيح
:اخذتووو الله ياخذكمم ولكمم اجينه نريد نعيشش تموتونهه
ركضو وراها الشباب لزموها
طاحت بين اديهم
شالوها للخيم
كل هاذ وانه اباوع بعجز
اسئل نفسي شسوي ماكو جواب
حايره وتايهه
امشي وصدري ضايك ماادري وين اروح
كل مااحاول اقوي نفسي اضعف اكثر وارجع للصفر
ابجي وافتر وحدي
اذا شكيت همي خايفه تزيد جروحي
كاتمته كله بگلبي
من الكتمان الاعيشه يوميه ابجي
شعري يتساقط
مااشوف عدل
الم بروحي
لفت انتباهي ولد كاعد يم صور الشهداء
متغطي بعلم العراق ويقره قران يم صورهم
يقره ويبجي
يمسح دموعه بعلم العراق ويشمه بكل قوته ويرجع يقره
يركضون ركض اذا سمعو شي صار للعراق
كل البديهم يسوونه حته ارواحهم انطوها
أنت تقرأ
عوضي الغريب
Mystery / Thrillerزمـن ال نسـر ⋆ عوضي الغريب هوس ..فراق ..حب ..خوف من الفقدان القدر يكمل معها اجمل القصص عوضي الغريب 🤍
