عوضي الغريب

بارت 1

زمـن ال نـسر ⋆

عوضي الغريب 🤍

أين يذهب المرء حين يشعر بأن لا مكان يحتويه؟

ـــــــــــــــــــــــــــــــــــــــــــــــــــــــــــ

                  ((من ارض الواقع))
"بغداد"

بحضرة الامام الكاظم (عليه السلام ) وصوت دعاء كميل الي يرد الروح اباوع عله الناس اكو يبجي ويطلب حاجته واكو فرحان الامام قضه اله حاجه والي يلاعب جهاله ووووو هواي ناس الفرحان والضايج ولضايع مايعرف وين يروح

بصفنتي
ولفت انتباهي بت صغيره يطلع عمرهه بالثمن سنوات تلعب ويه ابوهه تبوسه وتشرد وهو يصيح عليهه يريد يلزمهه اباوع ودموعي تصب
ليش ماعشت طفولتي انه ليش ماشفت حنان الاب ولا شفته شلون يخاف عليه ليش مابست ابوي
دنكت ابجي واتذكر كل الصار وياي من عمر عشر سنوات لهسه ضايعه وماعرف شسوي وين اروح اربع ايام مماكله
ميته جوع اجيت للكاظميه من ضيم كلبي اجيت وبيدي بس الف دينار خاف اصرفه وخاف مااكدر ارجع لمكاني ماعرف شسوي وين اروح بافكاري ونمدت ايد اليه رفعت راسي شفت مره جبيره يطلع عمرهه بالخمسين نطتني ماعون دولمه وكالت

*هاج يمه هاذ ثواب بروح وليدي اقريله الفاتحه بعد روحي

-شكرا خاله الله يرحمه

*ويرحم موتاج بنيتي انشاءالله الامام يقضيلج حاجتج ويريحج

مشت الحجيه باوعت عله ماعون الدولمه وفرحانه واخيرا راح اكل شي
اكلت وخلصت سمعت الاذان رحت ازور واصلي حته اطلع لشغلي
بصلاتي تذكرت شنو كالتلي

*اليوم اذا رجعتي وماجبتي فلوس هواي ماتاكلين غير وجبه وحده.

نزلت دموعي بغزاره وانه رافعه ايدي بجيت من كل كلبي وادعي
-ياربي شنو ذنبي انه لا عشت طفوله ولا عشت مراهقه كل عمري 18 سنه وشفت الضيم شنو بعد ينتظرني شنو كدامي بعد ليش هيج يصير وياي اختبارك صعب ربي مو كدهه انه
وين اروح من عذابهه ياالهي اشرد هاي الناس ماترحم وهذا الوكت مابي امان ياربي اجبر گلبي ماعندي سند ماعندي اهل يحموني بحاجتك اني اللهي بحق جبل الصبر زينب (عليها السلام)

صليت وزرت دعيت من كل گلبي ربي يوفقني وابيع كل الي عندي

طلعت عله الشغل جنت ابيع مي بالتقاطعات وكلينس لبست ملابس عريضه جان شعري ولادي لبست كمامه ونضاره وخليت الكبوس ع راسي
بديت ابيع ساكته بدون حجي ولا اجامل ابدا  الدنيه مو امان بعت وخلصت صارت الدنيه ضلمه عله صوت اذان المغرب بغداد بالكاظميه تحديدا مشيت وانه ميته برد
دكيت الباب اجاني صوتهه سديت عيوني بقوه وايدي ترجف فتحت الباب وكالت

: واخيرا شرفتيناا ست ايـه وين جنتي ?

ايـه :غير اشتغل يعني وين
مدت ايدهه وين الفلوس
طلعتهن
ايـه: هاج