زمـن ال نسر
عوضي الغريب
وبطمأنينة عراقية 🤍
( بَاچر تعِدي وتصيرّ سوالِف )
ــــــــــــــــــــــــــــــــــــــــــ
حيدرا: ليش تبجين
مسحت دموعي بهدوء
ايـه :ليش يهمك
حيدرا: محد يهمني غيرج
ايـه :هه صدكت
كمت من يمه طلعت للصاله خليت المخده وتمددت
غمضت عيوني وبدت جروحي توجعني
ردت انام واهرب من الواقع لو دقيقه بس منو يخليني انام
تفكيري الاكلني
الالم الي ماادري شنو يوجعني بجسمي
لو گلبي اخخ ياروحي شكد ماهيه قويه تاذت
ضايق صدري وماادري وين اروح حته النوم مايريدني
يارب انك عليم بذات الصدور خفف الالم عني
وحيده ويتيمه ماعندي شي استند عليه
خليت ايدي عله عيوني وضغطت عليهن اريد انام تعبت
مااريد افكر اريد ارتاح
جانت امنيتي التقي باهلي هسه امنيتي انام
مااريد اهلي ولا اريد اي بشر
حته روحي كرهتهه
وخرت ايدي من عيوني وصارت صورة الامام علي (ع) كدام عيني
اول ماشفتهه شهكت
اباوعلهه واناشغ مثل الطفل
حته الكلام ضاع مني
مديت ايدي مسحت دموعي وحجيت بين شهكاتي
:ب بابا علي مگابله صورتك والحيره تحجي اشكال
حجيتهه ونفجرت بالبجي كمت ابجي بصوت عالي
ابجي واحجي
:اخخ يا بابا علي جروحي كثرت لاسنه ولا سنتين ليمت ارتاح
اريد اجي بحضرتك واشكيهن غصه غصه
بين شهكاتي احجي بصوت ناصي
مثل الكاعد يم شخص ويشاور بيه
:ليش من صرت لليوم ماعندي سند
حته من جنت زغيره الاطفال يضحكون عليه
حته بالعيد يطردوني محد يمشي وياي
انه شعليه اذا ماعندي اهل محد يريدني
حته هسه محد يريدني
همه اهلي عافوني شترجه من الغريب يريدني
بس انته ابويه وامي وحبيبي وكلشي بحياتي
لاتعوفني عليله وحدي عليك بفاطمة
انه تعبت دليني عله طريق ارتاح بيه
والله تعبانه
مسحت دموعي من سمعت صوت خطواته تتقدم
رجعت نمت غطيت راسي وانه اشهك
نسحب الغطى مني وكعد بصفي يمسح عله راسي
حيدرا: أيتي
درت عيوني مااريد اباوعله
مااريد عيوني تشوفه
رجع حجه بهمس
حيدرا: بنيتي
حيدرا: حاجيني لاتسكتين
حيدرا: ليش عيونج باجيه
ادري اذيتج و كرهتيني
صدك ايه كرهتيني
وخرت ايده وكمت دفعني ورجعني لمكاني
ايـه :وخر اريد اروح
حيدرا: ايه
ايـه :شتريد بعد شتريدد مو كافيي السويته كافيي عوفنيي بحاليي مليت والله مليتت
حيدرا: من اموت اعوفج
أنت تقرأ
عوضي الغريب
Mystery / Thrillerزمـن ال نسـر ⋆ عوضي الغريب هوس ..فراق ..حب ..خوف من الفقدان القدر يكمل معها اجمل القصص عوضي الغريب 🤍
