بعد كل مشقات الحياة وبعد اليأس هناك نافذة بعيدة
نافذة الأمل نافذة حياة جديدة هل استطيع تجاوز كل الصعاب وارى الوان الربيع من جديد ام سأعيش كل العمر بين المد والجزر الأحداث حقيقة والقصة حقيقة 75 ٪
رواية حقيقية بقلمي غزل حسين
لا أحلل بنشر الرواية بأي...
لم يكن العشق من ضمن الحوار ... ولكن الروح ... خرجت عن النص ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سما.... كاعدة جاي الف كبة للعشة أني وعمة هبة واعلمها على كبتنا المصلاوية كلهم حبوها وخصوصاً آدم شوفي عمة ركزي تخلين الحشوة وتقفليها هيج وتفتحيها دائرية طبعاً صارلي فوك الشهر عدهم تعودت عليهم وهما هم صرت أحسهم اهلي مرات اخاف الكى اهلي وأرجع الهم ويرجع أنس يأخذني حيل خايفة اجه آدم
آدم.... كومي سما شاهين يريدج
سما.... ليش اكو شي
آدم..... اي عنده أخبار عن اهلج
سما..... بضحكه وأخيراً كمت على سريع غسلت ايدية وطلعت ويا آدم هو شكالك فدوة احجيلي
آدم.... اهدئي سما كلبج راح يوكف هو بس كالي جيبها وتعال أريدها بموضوع أهلها
سما.... أي يلا ردت اطب للاستقبال وكفني آدم
آدم.... لفي شالج عدل شعرج طالع
سما.... هاا أي لفيته زين ودخلت ورا آدم السلام عليكم
شاهين.... وعليكم السلام شلونج خوية
سما.... بخير الحمد لله بوجودكم
شاهين.... كعدي خلي نحجي
سما.... أي احجيلي شنو عرفت عن أهلي
شاهين.... عدلت كعدتي شوفي كل العناوين الي انطيتيها الي سألو عنها وطلعت فعلاً لاهلج بس محد موجود ومن سألو الجيران والناس الي تعرفهم كلها كالت انو اهلج هاجرو للجنوب من موتت جدتج الله يرحمها وحتى كرايبكم محد موجود
سما.... هو يحجي وأني كلبي يدك سريع يعني أهلي قريبين علية يارب رحمتك عيوني دمعت
آدم..... شبيج سما أهم شي عرفتي اهلج بخير
سما.... باوعت لآدم شفته كاعد قريب علية بدموع آدم أهلي قريبين وبخير هذا أحلى خبر وان شاء الله عن قريب التقي بيهم
