سما الموصل في نيران البصرة الأصلية

بارت السابع والعشرون

سما الموصل في نيران البصرة 🥺🖤

بقلم غزل حسين

اتمنالكم قرآءة ممتعة 💕

       

  

شاهين ٠٠٠٠٠٠
اعاند روحي ما اشتاك وانا لشوك كاتلني🥺..!

ودق :: كاعدة بالغرفة اقرأ قرآن حسيت برجفة سرت بجسمي حضنت نفسي عبالك اخذتني برودة  سديت الباب جان مفتوح اختنكت ودموعي نزلت من حالها يارب حبيبي يا الله طلع هالخوف من كلبي واسترني رجعت لفيت نفسي زين وأخذت القرآن طلعت اية الكرسي وكمت أقرأها مثل ما علمتني سما حتى أرتاح

صميم :: كاعد بالمكتب أراجع الشغل والحسابات واكلب بالورق ودافن رأسي بيهم سمعت صوت الباب يدك صحت منو أجاني صوت أبوية من جاب مرته صار كم يوم وانا ما احاجيه تفضل بقيت على وضعي ما تحركت ولا رفعت رأسي

جاسم :: شلونك وليدي

صميم :: بخير الحمد لله وأنت شلونك

جاسم :: ضايج

صميم :: باوعتله وانا مدنك ليش؟؟؟

جاسم :: أبني الوحيد مجافيني شتتوقع اكون مرتاح

صميم :: عبن أنت ما فكرت بينا من وتزوجت

جاسم :: حبيتها والله حاولت بس ما كدرت أنجبرت أخذها

صميم :: كمت من الكرسي ومشيت ليمه رجال جبير وعندك مرة وابنك بطولك وما تكدر تكض روحك يابة من الأخير شتريد

جاسم :: أريد نرجع مثل ألاول أبن وأبوه

صميم :: عمره الينكسر ما يرجع على أقل هسه الكلوب بعدها تنزف أنت أبونا ومستحيل أقبل أحد يقلل منك بس كلبي ما يرجع نفسه وأنت جرحت أمي والليل كله تبجي بس حتى حضرتك تتونس

جاسم :: هذا حقي والشرع حللي أربعة مادام مو كاصر عليها بشي

صميم :: الشرع كتلي الله ما كال تروح تتزوج بالسر وتخليها كدام أمر الواقع عن أي قصور تحجي إذا هي شايلة بيتك جهالك بدون ما تشكي ومداريتك مثل المي بالصينية هي الي مو مقصرة وياك مو أنت يابة رجاءً كافي خليني أكمل شغلي مثل ما كتلك تبقى أبوية وتاج رأسي .....