سما الموصل في نيران البصرة الأصلية

البارت التاسع

سما الموصل في نيران البصرة 🥺🖤

بقلم غزل حسين

اتمنالكم قرآءة ممتعة 💕

   

سما ٠٠٠٠

كل القلوب تخشى الأذى وقلبي يخشى غيابك 💔

أدم...راح اعرفكم بنفسي انا أدم عمري ٣٠ سنة شاب أسمر ملامحي هادئة وطولي متر و٩٠ جسمي رياضي وشخصيتي كلش بارد وهادئ من البصرة اهلي ماتو وانا طفل صغير جدي رباني هو حبوبتي فاطمة هاي جزء من حياتي أموت عليها هي الوحيدة اللي عوضتني عن امي الله يرحمها أهل ابوية كلهم زينين عمري ما شفت منهم أذية ابن عمي صميم صديقي وخويي ما اتخيل يومي بلاه أما رنا فهي أختي وصديقتي مو بنت عمي هذولة أقرب اثنين الي تخرجت كلية إدارة أعمال ولزمت الشغل ويا عمامي عدنا معارض سيارات ومعارض أثاث هاي تجارتنا ولد عمي بعضهم يشتغلون ويانا وبعضهم موظفين بالدولة وعدنا بساتين جدي هو ماسكها ويا الفلح يكول ما اكدر افرط بكاعي هاي أصلي جانت حياتي هادئة ولا مرة فكرت بالزواج رغم إلحاح حبوبتي علية ولا ارتبطت بحب انا مو ضد الزواج ولا الحب بس ما جاهز لهل خطوة بحياتي لحد ما ظهرت هي قبل ثلاث ايام خربطت أحوالي شعور غريب صابني بس أحسه حلو لحظات أكول مجرد احساس بالمسؤولية تجاها لا غير ولحظات خلص أدم شبيك بعدك ما تعرف عنها شي طلعها من راسك ليش هي بالذات ما أعرف كاعد برا البيت هههههههه وجاي أفكر بالمصيبه الي أني بيها

ودق.... طلعت للطرمة حتى اطب لبيتنا انفتحت باب الكراج وجان اشوف شاهين بهيبته وبالبدلة العسكرية يبووووي كلما أشوفه بهاي الطلة تتخربط أحوالي

شاهين.... الكوة عصفورتي شلونج

ودق.... هلو شلونك طولت هالمرة

شاهين.... شنو اشتاقيتلي؟؟

ودق... عشتوو شكو اشتاقلك وباوعلته صفح

شاهين.... عدلي عيونج لا افكصهن وتعالي حضريلي اكل جوعان

ودق.... وأني شكو عندك أختك روح كعد زينب تحضرلك

شاهين.... تقدمت ألها على كيفي ووجها صار مقابل صدري رفعت راسها تباوعلي ودق ناعمة وأني ضخم لهذا دوم احب اناديها عصفورتي كتلها شكلتي ودق خانم ما سمعت