بالمجلس دخلت رسيل:ابي العب معكم
زايد:لا و بعدين وين حُب
رسيل:نامت ابي العب يلا
زايد:تحدي؟
رسيل:تسوي الي ابيه اذا فزت طيب؟
زايد:و تسوين الي ابيه اذا انا فزت
رسيل:حط لي البرازيل
بدو يلعبون انتهى الشوط الأول 3 ل زايد و صفر ل رسيل
رسيل صرخت ب قهر: والله ظلم
زايد:يلا يلا باقي الشوط الثاني
بدت رسيل تلعب ب احتراف و فازت عليه 4 و هو 3
رسيل:ههههههههههاااااييي حبيبي والله ما امشيها و انا بنت قحط
زايد ضحك:اكلي تبن وش تبين
رسيل و هي تفكر:انس تبي شي و غمزت له
انس ضحك:سلامتك
رسيل:حمدان هزاع تبون شي؟
هزاع:سلامتك انتي وش تبين
رسيل:اقولك قوم قوم بروح البس بسرعه و ب البس حُب و بنروح
زايد:وين؟
رسيل:بشتري جوال جديد.
زايد:ابشري نادي حُب و بنتضر بالسياره
حمدان:نبي نروح معكم
انس:ياخي خير زوج و زوجته انتم خير حاطين نفسكم بكل شي
زايد:كفو وربي انت ودي ابوس راسك على عقلك هذول وربي ما يفهمون بس عشان انوس قومو و رسيل نادي البنات
رسيل:طيب
رسيل تكشخت و سوت شعرها كيرلي و البنات جهزو نزلت و هي شايله حُب و تلعب معها
زايد:يلا حُب بابا تعالي
رسيل ابتسمت:تروف تعالي بقولك شي
ترف:بعدين بعدين
راحو للسياره
ترف:يا زفت انتي ما تعقلين؟
رسيل:لا
ترف عضت يد رسيل
رسيل بصرخه:اهخ يدي يا زقق
ترف:اتركي شعري يا زفت خربتيه
ود صرخت:هيي وين قاعدين حنا ترا مب بالبيت و انتم اطفال عشان تتهاوشون
ترف:هي الي بدت
رسيل:ايه انا
زايد:بس انتي وياها
وصلو للمول
لتين:مانبي هواش ولا والله ارجعكم البيت
رسيل:طيب طيب زايد ابي لون كحلي
زايد:تمام
راحو ل ابل و شرو لها جوال
رسيل:حُب وش تبين
حُب:ابيك انتي
رسيل باستها:وش ذا انتي ليه حلوه
حُب:خالتي ابي اروح محل العاب
زايد و هو يأشر ل رسيل ب لا
رسيل ضحكت:لا
حُب:لييهه
رسيل بوهقه ناضرت زايد و هو يقول لها
رسيل:لانه العابك كثير و بعدين خذي العاب نغم مره كثير و الحين هي كبرت و ما بتلعب فيهم
حُب:انا زعلت
رسيل حضنتها و هي تضحك:واااييي قومي والله نشتري لو وش يصير
زايد و هو يأشر ب اوريك
بعد أيام يوم ملكة زايد و رسيل
فاطمه:اهل زايد بيجون صح
رسيل:ايه و احس توتر زياده
ود خرجت عن صمتها و صرخت:اهههخخ والله بصيح لو تتحركين مره ثانيه لي ساعه ارسم الايلاينر تكفين رسييلل
رسيل بعد محاولات ضبط الايلاينر بعيونها:وش البس
لتين:عندي فستان ازرق ماسك على الجسم و قصير اكمامه شفافه و فتحه بشكل مثلث من الصدر
فاطمه:جيبيه
راحت لتين و ماهي دقايق الا جت
ليتن:و فيه هاذا الاحمر نفس موديل الازرق بس اللون مختلف شرايك
رسيل:خلاص الازرق
لبست رسيل
ترف:عاد الحين دوري شعرك لانه مره قصير ف عندك خيارين ستريت أو ويڤي بسيط
رسيل:فطوم وش اسوي
فاطمه:شعرك ناعم مب لازم ستريت احس
ود:اي حسيت
رسيل:بنات لا تحسون اكدو على شي تكفون مافي وقت
ود:خلاص لا تسوينه
دخلت حُب:الله مامي وش ذا الجمال
رسيل باستها:انتي الجميله ي ماما
قاعدين يتكشخون لانه الملكه بيسونها زي العرس فهمتو
الكل لبس
و جو اهل زايد
ام زايد: بسم الله عليك الله يحفظك و انا عمتك
رسيل باست راسها:شكرا يا عمه
(يا جماعه احس توترت بدال رسيل)
ام زايد: حبيبتي لا تتوترين وربي ماشالله انتي ايه بالجمال بسم الله عليك
رسيل بخجل: والله انتي الي تجننين
ام زايد:مابيك تتضايقين من حُب
رسيل:انا احبها و مستحيل اتضايق منها اعتبرها بنتي والله
ام زايد:يلا حبيبتي تعالي نسلم
رسيل بتوتر:لا لا مب لازم
ام زايد ضحكت:لذي الدرجه متوتره
رسيل:وربي يا عمه ممكن تنادين بناتك هنا
ام زايد:اكيد
دخلو بنات ام زايد و سلمو عليها
بعدها جا حمد بعد ما طلع الكل من الغرفه:رسيلتي يلا يا بابا
رسيل قامت بتوتر:يماا خايفه بنات
لتين: حبيبتي سمي بالله و بشويش على نفسك والله تجننين
طلعت رسيل مع حمد و دخلت للمجلس لوحدها
زايد ابتسم:هلا هلا بالعروس كيفك؟
رسيل بتوتر:بخير
زايد:ليه خايفه
رسيل بفهاوه:ها وش من الي خايفه
زايد:انتي
رسيل ضحكت بتوتر:لا لا من قال
زايد:يزينك
رسيل:زايد لا تقول كلام حلو مب متعوده
زايد:تعالي اجلسي ليه واقفه
رسيل ضحكت بوهقه:لا لا اء انا مره مرتاحه
زايد:واضح المهم كيف امي و البنات معك؟
رسيل ابتسمت و نست كل توترها:يووهه مره يجننون لطيفين يا حلوهم و امك مره كيوت
زايد:تعالي عندي بشوف زينتك ياخي
رسيل:لا
زايد:تعالي بس
جلست رسيل عنده
زايد و هو يتاملها
رسيل بتوتر:زايد لا تناضر كذا توترني و بعدين وين جوالي معطيته ل حُب و نغم لا يكسرونه
زايد:هاذي سنابي و رقمي تبين اي شي دقي فهمنا؟
رسيل بعناد ابتسمت:لا
زايد قرب راسه من راسها:بلا عناد و استهبال جالس اتكلم من جدي
رسيل:طيب طيب أوامر ثانيه؟
زايد:لا
رسيل كانت بتقوم بس مسك يدها زايد:وين وين حبيبتي العيال كلهم عند الباب و انتي لابسه كذا ما يصير
رسيل:طيب بالنهاية انا مب متحجبه
زايد:و اذا ما ارضى زوجتي و حبيبتي تطلع كذا عند الرجال
رسيل:طيب وش الحل
زايد:الحل يا بابا تجلسين عندي الين يروحون تمام
رسيل تأففت:طيب دق على نغم تجيب جوالي بصور
زايد:تمام
زايد دق على نغم و ردت حُب
حُب:بابي وينكم
زايد:طالعين يا بابا عطي الجوال ل نغم
حُب:بابي اشتقت
زايد ب لطافه:اموت عليك و انا اشتقت يا بابا الحين دقايق و نجي طيب حبيبتي
حُب عطت الجوال ل نغم: هلا عمو
زايد:نغومه بابا جيبي جوال عمتك رسيل للمجلس
نغم:طيب يا عمو
دقايق و جت نغم معها الجوال عطته ل رسيل و راحت
زايد:رسيل لازم نبين أننا نحب بعض قدام حب عشان ما تتأثر
رسيل:لعبتي التمثيل،تعال بنصور
زايد وقف ورا رسيل و هي شغلت الكاميرا لبسو بعض الخاتم و حضنها زايد من ورا
بعد ما خلصو ابتسمت رسيل برضا على الصور:كيف بس؟
زايد باس خدها:تجنن
رسيل:زايد كل تبن و بعدين ما راحو؟
زايد:الا من زمان بس كنا نصور
رسيل:أجل انقلع بروح ل حُبي
زايد:انقلعي بس
راحت رسيل لداخل
حُب:جيتو
رسيل باست خدها:ايوه
حُب:مامي جوعانه
رسيل:طيب بس يروحون الضيوف بنروح البيت و بسوي لك اندومي
حُب:طيب
ترف:الله الفيد يجنن ارسليه
رسيل:لا اغار
ترف:من زينكم عاد
رسيل:اكلي تبن
لتين:رسيل حبيبتي مبروك و ماعليك من ترف تغار عليك من زايد
حُب:واو ماما حلوه الصوره
رسيل باستها:ليه انتي كيوت كذا
حُب:عشاني طالعه عليك
رسيل ابتسمت بحب: يخليك لي يا عيوني
حُب:و يخليك لي حبيبتي
دخل زايد:رسيل يلا للبيت
رسيل تنهدت:طيب
