عند البنات رسيل رجعت لهم
ترف:وش صار
رسيل:شدخل امك كنا نسولف ماصار شي
ترف غمزت لها:اكييد؟ انتي يبي لك تحقيق
رسيل:اي اي اكيد
فاطمه:لا تصدقون
عزيزه:يلا مها
مها:يما بحلس مع البنات
رسيل بحسن نيه:ايه يا عمه خليها معنا
عزيزه:وش قصدك يا بويه بتسوين سواياك ب بنتي
رسيل فتحت عيونها بصدمه:وش سواياي والله لو نيتي شي ثاني قلت والله العظيم يا عمه ما قصدت
ترف كانت بتقوم تكفخها بس رسيل مسكتها:معليش يا عمه بس انا متربيه و لو شعري بوي ترا ماله دخل إذا شعري بوي مب لازم اسوي ذيك الاشياء!
عزيزه:تقلين ادبك علي لا لا لازم اعلم منصور يأدبك
رسيل:علميه حبيبتي انا ما قلت شي غلط
مها:يمه ترا رسيل ما قالت شي غلط
عزيزه شالت شنطتها و دقت على ماجد يأخذها و راحت
دخل منصور:رسيل وينك؟
رسيل راحت له:وشو
منصور:بروح الدوام
رسيل:انتبه ل نفسك
منصور:اكتشفت انك غرتي عشان الدوام كله بنات!
رسيل:ماعليك انا اغار على كل شي
منصور:تبين شي ؟
رسيل:منصور مابيك تزعل بس تو امك هاوشتني عشان قلت لها خلي مها معنا و هي تحسب أن نيتي شي ثاني والله العظيم انه ماكان قصدي بس كنت ابي مها معنا عشان لا تجلس وحدها و تتملل و البنات هنا
منصور مسح وجهه و ناضر عيونها:و انا اعرفك زين و اعرفك حتى أكثر من نفسي بس يا حبيبتي امي حرمه كبيره
رسيل رفعت اصبعها ل وجهه:اسمعني زين لو كلمتني امك زي كذا مره ثانيه ولا دخلت بنيتي يويلك تفهم
منصور عض اصبعها:و انا وش دخلني
رسيل:انت قلت امك حرمه كبيره ما يصلح و…
منصور قاطعها بنص هواشها له:احبك
رسيل:بس انا
منصور قاطعها:براحتك ما بجبرك على شي انتي ما ودك فيه طيب و لو ودك بعد نفسخ الخطوبه الين تبدأ مشاعرك تتحرك
رسيل:لا ودي نطول المده حقت الخطوبه
منصور:انشالله انا بروح
راح منصور بضيق
دخلت ترف:شفتيها وربي كنت بمسكها
رسيل: ما ودي بمشاكل يا تررووفف
دخلت مها:رسيل انا اعتـ…
رسيل قاطعتها:اص انا زي اختك و ما تعتذرين مني طيب
مها:امي غلطت يا رسيل
رسيل:ماعليه عادي اساسا صرت ما اهتم لأن الكل يرمي علي كلام و يمشي
راحت مها و راحت رسيل ل غرفتها و معها ترف
ترف:احبه!بس استحي اعترف له
رسيل:اعترفي يا بنت لا يضيع منك
ترف:اه يا رسيل كشخته اليوم تجنن
رسيل:بسمالله على قلبك
ترف:شصار معك؟
رسيل نزلت راسها بضيق:جرحته و قلت له يقدم مدة الخطوبه
ترف:وش قلتي له
رسيل:قالي احبك و قلت له بس انا و قاطعني بقوله براحتك والله كنت ابي اقوله اني بديت أكن له بعض المشاعر زعلت عليه وربي يراكض وراي و يبي رضاي و بالنهاية اقول له كذا
ترف:سهله جداً جداً اعتذري له و جيبي له هديه
رسيل:وضعي مب زي وضعك افهمي
ترف:وشو ترا يمدي تعترفين
رسيل:بس مشاعري له قليله يمكن بس اعجاب
ترف:بكيفك والله
رسيل:قومي برا قومي جايبتك تعطيني حل بالنهاية بكيفك والله قومي
ترف قامت و طلعت
و رسيل تفكر دقت عليه
رسيل:منصور أنا أعتذر عن الي صار
منصور تنهد:المطلوب؟
رسيل:تكفى سامحني لا تصير بارد
منصور:لا انتي جرحتيني تحملي الي بيجيك!
رسيل:وش يرضيك طيب؟
منصور:ما برضى الين تعترفين
رسيل:منصور تبيني اكذب بمشاعري!
منصور:تصرفي ذا الي عندي و قلته!
رسيل قفلت و ارتمت على السرير و نامت
الصباح اليوم الثاني صحت رسيل بنشاط تروشت لبست ملابسها و حطت ميكب اخذت جوالها و نزلت تحت سريع
رسيل:حمود بروح بيت عمي ماجد بنات تجون؟
البنات:لا
لتين:انا بجي
رسيل:طيب حبيبتي تجهزي بسرعه
لتين:طيب
راحت لتين تجهزت بسرعه و نزلت
رسيل:بنروح بسيارتك
لتين:طيب
راحو للسياره و راحو بيت ماجد
رسيل طقت الباب و فتحه منصور
منصور تجاهلها و دخل
لتين ناضرت رسيل ب استغراب:شصاير
رسيل:بعدين اقولك!
دخلو البنات و جتهم مها
مها:حياكم حبايبي
جلسو البنات و جت عزيزه:اوه بنت ياسمين هنا
