رسيل تنهدت:ايه
______________________________________
تعريف بسيط عن عيال عبدالمجيد (الجد)
عبدالعزيز:ولده الكبير متوفي ابو رسيل و حمد
ماجد:متزوج و حرمته تكره حمد و رسيل ولده منصور و بنته مها
برق عصبي و حاد عنده ولدين وبنت عياله عز و عزيز و بنته مادلين
عبدالله و ميلان توام كأنهم ديك و دجاجه
بنته الكبيره ملاك عندها ثلاث بنات:انفال و حنان و رغد حنونات و طيبات
______________________________
نكمل:
دقت عزيزه حرم ماجد عليه
ماجد:وشو
عزيزه:صدق الي سمعته ولدي بيتزوج بنت ياسمين؟
ماجد:ايه بنت اخوي ما يعيبها شي!و اسمعي زين يا عزيزه لو خربتي بيت منصور بطلقك و عاد افهمي اي كلمه تجي ل بنت اخوي كأنها جايه لي تفهمين
عزيزه:طيب
قفلو
ب بيت حمد بالمجلس
ماجد: والله يا حمود حنا جينا نبي نخطب اختك رسيل ل ولدي منصور و عاد انت تعرف وش كثر خطب و انشالله هاذي المره قبول
حمد: والله ولي الشرف يا عمي لكن الرأي الاول و الوحيد ل رسيل
ماجد:ايه عادي و انا عمك خذ راي اختك و رد لنا
حمد:يلا دقيقه
راح حمد للمجلس:رسيل رسيل تعالي و انا اخوك
جت رسيل بتوتر:هلا
حمد ابتسم:ها استخرتي
رسيل:ايه الحمدالله ارتحت و موافقه
حمد:اجل مبروك يا حبيبتي
رسيل:حمود عندي شرط
حمد:عيوني؟
رسيل:كلمه و قول له بيت وحدنا مابي مع أمه السموحه يعني
حمد:ابشري حبيبتي
راح حمد للمجلس و هو ناوي يسوي مقلب ب منصور
حمد غمز ل عمه و جده:للاسف يا عمي البنت ما وافقت
منصور فتح فمه بصدمه:كيف يعني اكيد تكذب
حمد ضرب كتفه ب خفه:امزح معك شفيك البنت وافقت بس عندها شرط واحد
منصور:عيوني لها وش تبي
حمد:تبي بيت بروحها يعني انت ادرى بسوالف امك
منصور ابتسم:من حقها
وقعو و تمت الملكه
الجد:حمدان و انا ابوك خذ ذا المواعين للمطبخ
حمدان:ابشر يا جدي
الجد:خلاص العرس بعد شهر
منصور:لا كثير شهر
الجد:عيب اثقل و انا جدك اثقل
منصور:يبا كلم جدي والله شهر كثيره انا انتضرت كثير بس مستحيل انتضر كل ذا الشهر
ماجد:الي يناسب حمد و أخته بيناسبنا
منصور غمز ل حمد
حمد:شهرين مره مناسب
منصور:لا تخلوني انجلط و اتهور و اخذها الحين
حمد:نمزح شفيك خلاص بعد اسبوعين
منصور:ايه كذا
حمد:يلا روح المجلس الي ورا عشان تشوفها؟
منصور راح و رسيل لحقته و هي بكامل زينتها كانت لابسه فستان ابيض ماسك على الجسم قصير لين الركبه اكمامه طويله
منصور فتح عيونه و قام لها و هو يبوس راسها:ايش سويتي فيني يا بنت عبدالعزيز
رسيل ابتسمت بخجل:منصور ماني متعوده على الكلام الحلو
منصور:تعودي دامك كل يوم بتدخلين على قلبي و تفتنينه
رسيل ابتسمت
منصور قبل شفايفها بخفيف
رسيل:منصور!!!
منصور:وشو
رسيل:لا تبوسني
منصور:حلالي
رسيل:منصور
منصور:عيون منصور و روح منصور و حياة منصور وش تبين
رسيل:بتروح الدوام؟
منصور:ايه
رسيل:و من هي الي جالس يحقق معها سامي؟
منصور:وحده مسكناها تسرق ذهب
رسيل:يلا انا بروح
منصور:ليه حبيبتي
رسيل:سلامتك بس خلاص يعني وش بتجلس عندي كل شوي؟
منصور:صح لازم اروح اجهز ل بيتنا
رسيل كانت بتقوم بس مسك يدها منصور
منصور:وين وين اغار عليك لابسه كذا تعالي البسي بشتي
رسيل:يا غيور مافي احد
منصور:خلاص قلت لك او اروح معك!
رسيل:لا لا عطني فروتك مب لازم البشت
