نزلت دمعتها:تعبانه و كلام امك ضايقني اوك امدحي بنت اختك بس مب عندي و تقول إن هي أجمل مني اوكي اذا على شعري مستعده ما اقصه بس لا تتكلم عني كذا
زايد حضنها:اعتذر مره والله الحين بروح لها و بكلمها
رسيل بصوت واضح عليه البكاء:زايد لا تسوي مشاكل بينك و بين امك عشاني والله بالبدايه كانت مره حليله بس بعدين قلبت علي
زايد:اعتذر وش اسوي عشان ترضين؟
رسيل مسحت دموعها:مابي شي لانك مب غلطان
زايد:الا غلطان قولي وش تبين
رسيل الي مو راضيه توقف بكاء:زايد تكفى لا تبعد حُب عني والله تعلقت فيها لا تاخذها لـ امها
زايد ابتسم برضا و حضنها:ياخي انتي ملاك نازل على الأرض ولا وشو
رسيل:ترا لو مب حُب كان صفقت امك تعرفني ما اقدر امسك نفسي زايد!
زايد:الحين لا تزعلين روحي للبنات و انا بجلس اكلمها و بعدين ترا شعرك يجنن و انتي بكل حالاتك تجننين ف ماله داعي
رسيل:طيب
راحت رسيل
تنهد زايد و هو يسمع رد أمه:هلا بوليدي شبغيت يما
زايد:يما كم كلمه بقولها و بعدها بقفل
ام زايد:أمرني حبيبي
زايد:يما بخصوص كلامك الي قلتيه لـ رسيل يما مابيها تنعاد ولا والله ماعاد اجي لكم و بعدين وش عندها رند و رسيل ما عندها يما خلينا نكون صريحين رسيل اجمل من رند ب مليون مره و اذا على طلاقي انا و رند مابي اقولكم خلاص و يمه لا ينطرى هالموضوع عند زوجتي تبين تخربين بيت ولدك بيدك يما أنا مرتاح و مبسوط مره مع رسيل و رسيل مره مبسوطه معي و مع بنتي و كفايه معتبره حُب زي بنتها و اكثر يما رسيل و حُب تعلقو ببعض لا تخربين بيتي و بعدها نفرقهم و هاذا الشي انا مابيه
ام زايد:لا تتكلم كذا عن بنت خالتك
زايد:أجل مانيب جايكم
ام زايد تنهدت بقوه: الرفله قايله لك صح
زايد:ايه انا معلمها إن ما تخبي شي عني و يما عن الغلط على الأقل رسيل احسن من بنت اختك الي كان كل همها تطلع بصوره حلوه عند الشباب
ام زايد:طيب طيب
قفلو و نزل زايد:رسيل تبين شي؟
رسيل ابتسمت: سلامتك
زايد:حُب بابا تبين شي
حُب و هي تقلد رسيل:سلامتك
رسيل ضحكت:يما يزين بنتي يزينها
زايد ابتسم بحب:يلا انا بروح للمجلس اي شي تبونه حُب تعالي لي و كلميني طيب
حُب:طيب
راح زايد
رسيل حطت راسها على المخده و جلست تفكر(كلمها؟ اكيد عصبت و تهاوشو كله بسببك يا رسيل الغبيه ليه قلتي له،بس لو تهاوشو زعل مني،اف رسيل غبيه طول عمرك،يارب ما تاخذ حُب،اذا اخذتها وين بتروح حُب،لا لا ما بتاخذها)
ترف:رسيل صار لي دقايق و انا اناديك شفيك
رسيل:لا لا ولا شي
لتين:حرارتك نزلت؟
رسيل بخمول:ايه
حُب:ماما تبين مويه اجيب لك
رسيل باست خدها:يحبيبتي اجلسي لو بغيت رحت انا
حُب:طيب
رسيل:وين الشوربه؟
العامله جابتها:شي ثاني مدام؟
رسيل:لا حبيبتي روحي
رسيل و هي تشرب الشوربه جلست تفكر:(يمكن انا حامل،لا لا بس ما جتني اعراض،اذا حامل بيصير ل حُب اخ او اخت،لا لا مب حامل لو حامل جتني اعراض،ما اتوقع انا حامل لأن لو حامل جتني اعراض غير الخمول)
رسيل:بنات وينها حُب؟
لتين:مع نغم
رسيل:طيب
رسيل شالت الصحن و أخذته للمطبخ و جلست على طاولة الطعام:ها فطوم شكله سحور اليوم كبسه
فاطمه ضحكت:ايه حمد يحبها مره يعني اكله اساسيه في بيتنا
رسيل:فاطمه ايش الأعراض الي جتك بالحمل ؟
فاطمه بفهاوه:يعني شوفي بالبدايه خمول و تعب مره و استفرغ و اتوحم
رسيل:امم
فاطمه:رسيل تعالي سوي عصير
رسيل:طيب
رسيل نزلت من فوق الطاوله و سوت العصير
جت حُب:ماما بصوم معك
رسيل: حبيبتي انتي صغيره
حُب:عادي عادي
رسيل:بكيفك بس ترا بتتعبين!
حُب:عادي
جو العيال كلهم
زايد:حُب وش تصومين انتي صغيره
رسيل ضحكت:بكيفها انا علمتها
حُب:انا كبيره عمري ٥
زايد فتح فمه بصدمه:كيف و متى حبيبتي انتي عمرك للحين ما صار ٤
رسيل:تكذبين علي يا حُب
زايد:حُب كذابه عمرك ٣ سنين
رسيل و هي تحط صحون:باقي ساعه و يأذن حُب نادي
جو البنات بمقاطعة
رسيل:بنات اجلسو
جلسو ياكلون
رسيل:حُب ماما بشويش
