و كل عاده رجعو لكن للاسف طلع ابو فايز قايم يصلي الوتر و كل عاده مسكهم هواش و اخيراً بعد م خلص خلاهم ينامون
اليوم الثاني بالمحل صقر و سعود
صقر: يخوي شفيك انت وجهك كذا
سعود: اهخ يخوك احس مو قادر افهم مشاعري مرات احسها حب و مرات احسها اعجاب و مرات احسها مجرد اختي مو قادر افهمني
صقر وهو يخبط كتف سعود: قد قلت لك وانا اخوك لا تروح لم ذا الصوب بس ما سمعت مني وانا قدامك شفني شلون حبيت و خطبت و انغدرت ( صقر كان خاطب وحده و يحبها بس اكتشف عليها حركات و انها تخونه ) هو صح ممكن من شخص لشخص يختلف بس انتبه انتبه انتبه لا تضيع و تضيع عمرك معك
سعود بضيق: ابشر ابشر
و قاطعهم دخول زبون
بالبيت و على الغداء
ابو فايز وهو ضايق: ياعيال محد يدري عن اخوكم فايز؟
العيال: لا
ابو فايز: طيب وانتو يا بنات محد يدري عن زوجة اخوكم ولا اخوكم؟
البنات: لا والله يبه
سعود: يبه معليش بس انت شايف كيف قاطعنا متوقع انه يرجع لنا مثلاً؟
همام: اي والله انه صادق
ريتان: اسفه بس صح ان زوجة طيبه و حبيبه زي فايز بس عليهم حركات تغث
ام فايز: وانتي صادقه يبنتي ، بس وراك يابو فايز جبت طاريهم فجاه
ابو فايز: لا بس اخوي محمد ( ابو خالد) مكلمني يبي يجينا و انتو تعرفون من زمان ما جاء و ابي اسوي له عشى بسيط و كنت ابي اخوكم معانا
تدخل صقر يوم شاف ابوه صدق ضايق: ما عليك يا يبه انا اكلمه و اشوف
بالغرفه عند العيال:
سعود: صقوري
صقر: وزق
سعود: يبزر مو وجه احد يدلعك اسمع بس الحين شلون بتكلم ذاك وهو مغير رقمه؟
صقر: منهو اخوكم؟
همام: يبوي اخوك لحالك
سعود: والله انك صادق ياهمام اي هو
صقر: يارجال انا هين غاسل يدي منه بس ما شفتو ابوي كيف ضايق خلقه
همام: والله انك صادق مدري على وشو عاد
سعود: عاد شوفو بالنهايه ذا ولده بس ياخي كان فايز اطيب قلب مدري شفيه
همام: يالاخو من يوم قال انا احلامي اكثر من الديره وانا غاسل يدي منه
صقر: شوفو فيه واحد من الشباب اعرفه يعرف فايز و اتوقع يتواصل معاه بروح اساله من يخاويني
سعود: ابد معك
همام: قدام
الساعه 4 العصر
صقر وهو عند عبدالعزيز
من هو عبدالعزيز: عبدالعزيز او عزوز صاحب فايز الروح بالروح لكن فرقتهم المسافات
عبدالعزيز: حيوووو اخو الخوي وينك يارجال
صقر: الله يحيييك و يبقيك ابد موجود الا جاي اسالك عن رقم فايز عندك؟
عبدالعزيز: اي عندي وراه ليكون عاد مو عندكم؟
تدخل سعود بسرعه: لا يارجال بس تعرف يعني ابوي الله يهديه كنا ماخذين استراحه و كنت واقف انا و العيال عند المسبح و لعلنا كنا معصبين ابوي و دفنا واحد واحد و خواتي جو يضحكون و دفهم معنا و جوالاتنا كانو معانا و خربت
همام و صقر كانو شوي و يموتون ضحك لان سالفة سعود ما تدخل بالعقل
عزوز وهو يضحك: ايييه الله يهدي الوالد لين الحين ما تغير المهم ذا الرقم و عطاهم
راحو العيال وهم بطريق
لف همام على سعود وهو يضحك: مجنننووون كيف جت فبالك!😭😭
صقر: صدق يخوي حتى انا مستغرب متى صارت السالفه
سعود: يارجال ذا سبك يمشي عليه اي شيء
بارت قصير و باذن الله البارت الجاي بيكون اطول و احداث اكثر+ خليت البارت الي كان مع الشخصيات خليته هو و البارت الثاني بارت واحد عشان يكون اطول و عدلت عليه بعض الاشياء عشان محد يلخبط و غيرت صورة الروايه
