-عند سعود و صقر-
صقر وهو يركض اتجاه سعود: سعود دقيقه شفيك يخوي انهبلت!
سعود: صقر انت تعرف زين ان الترف روحي و عادي يصير فيني اشياء الدنياء على شانها
صقر: اسمعني عندي خبر حلو لك
سعود: وش
صقر: سمعت عمي ابو جاسم و جاسم يقولون ان ذاك بيسافر بعثه لمده طويله يعني حول ال 4 او 5 شهور و يمديك هنا تقنع ابوي
سعود: ابوي و اعرف دامه رفض يعني رفض
صقر وهو يمسكه: امش خل نكلم امي
سعود وهو يوخر يد صقر: ياااصقر يرحم امككك ابعد عني على اساس بيغير شيء الحين!
صقر: اوكي انا بكلمها لحالي
سعود: رح يخوي بس اتركوني لحالي
صقر: وين بتروح؟
سعود: والله لو اروح جهنم اتركوني يااخي طفشت طفشت و من قسوت ابوي علي ما الوم فايز يوم راح للرياض!
صقر: سعود اهجد و اسكت
سعود: ما جاب فيني العيد الا ذا الكلمه!
و ركب السياره و حرك
صقر وهو يكلم ريوف: خلي امي تطلع عند الباب بسرعه
ريوف: اصبر ربع ساعه و يروحون
صقر: يالله طيب طيب
ريوف: ليه شصاير؟
صقر: ولا شيء بس اذا طلعو نادوني بسرعه
ريوف: طيب
بعد مرور ربع ساعه
ابو خالد: الله يكثر خيركم يا اخوي و جعلنا نعيد مع بعض ذا السنه و كل سنه
ابو جاسم: كثر الله خيييرك
ابو فايز: ابد والله قليل بحقكم و اعذرونا على القصور
ابو جاسم: ما من قصور يا اخوي
ابو خالد: يلا استودعناكم الله
ابو فايز: بحفظ الرحمان
و كل واحد راح بطريقه
صقر فز من عند ابوه و على طول على جوا
همام الي صادف صقر بطريقه: شبلاك
صقر: اركض الحقني و تفهم
-بالصاله عند البنات و ام فايز-
صقر: يمه الحقققيي يا يمه
ام فايز: بسم الله خير عساه خير شفيك يولدي؟
صقر: سعود الغبي
همام: الا صدق وينه مختفي اكثر من ساعتين!
صقر: ريوف صبي شاهي بجيب لكم العلم كله
ريوف: ابشرررر
ريتان: جوي ام زكي عندها كل الاخبار
ريوف وهي تمد الشاهي له: اقول اخلص وش فيه اخوي مو وقت الاستهبال!
همام: يخوي اجل
صقر: اسمعو سعود صارح ابوي بموضوع ترف
ام فايز: ياويل قلبي لا يربي قلت له لا لين انا اكون موجوده بس ما يسمع
همام: بشر شقال؟!
صقر: رفض طبعاً و ولدكم الثور بعد حوار طويل و اقناع مع ابوي شاف ما فيه نفع شغل السياره و طار مدري وين
ام فايز: يوييييل قلبييي دقيت عليه!
صقر: لا
ام فايز: يويلي منت صاحي دق وش نتنظر
ريتان: الله يرزقني برودددك دق عليه اخلص خلصني!!
"رغم هوشاتهم المستمره الا ان كانت تعشق سعود بشكل مو طبيعي"
صقر: طيييب
ريوف: ياخي انت اكثر واحد يخاف على سعود ليه هل مره ما خفت!
صقر: يا جماعه الله يهديكم سعود و اعرفه حتى همام يعرف ذا الشيء عنه اذا تضايق ما يحب يكلم احد
ام فايز: بس طول يا ولدي
صقر: اي مهما يطول بيرجع بس يرتاح و ابشرو بطلع الحين ادق عليه و اشوف وينه و بروح له
ام فايز: اي تكفى و طمني عليه
صقر: ابشري
ريتان: تكفى صقر دق علي اذا صرت معاه
صقر: ابشري همام تعال معاي
همام: طيب
-برا البيت-
صقر: الووو
سعود: هلا
صقر: وييينك يا خوك لك فقده و كلهم خايفين عليك!
سعود بكل انكسار: صقر تعال انت و همام ابيكم بحاجتكم
صقر: وينك؟
سعود: عند الجبل وبدا يوصف له وينه......
صقر: تمام تمام جاينك
-
صقر: امش
همام: وين
صقر: الجبل و اضن ان هو نفس ذاك الجبل الي يقصده
همام: الي يروح له لحاله دايم؟
صقر: اي
-الجبل-
صقر: سعود
لف عليه سعود و كان وجهه مسووود: ارحب
همام وهو يتلفت بالمكان و كان متعجب من الكتابات على الحجر الكبار
صقر: انت الي كاتبهم؟
سعود: اي كنت كل ما حسيت بالشوق اجي و اكتب عنها كل ما حسيت اني ابيها و ابي قربها اجي و اكتب كل ما تضايقت من البعد اجي و اكتب بس الحين! جيت اكتب عن فرقاها
همام و بكل حزن وهو يقعد جنبه: اسمعني يا اخوي والله ثم والله اني اقنع ابوي و تاخذها
سعود: قد وعدني قبلك صقر بس شف الحال الحين يخوك الوعود ما تكفي ولا توفي
صقر وهو حس انه خيب ضن سعود فيه: سعود والله ثم والله اني لا انفذ وعدي انا و همام و بتشوف
سعود: و كيف؟
همام: مالك دخل كيف بس صدقني بيجي اليوم الي تاخذها و تجي توريها ذا المكان و تكتب انت و هي و بعدين بتجي اكتب انت و عيالك يا ابو صقر
سعود لا ارادي بس تخيل الوضع ابتسم لكن ابتسامه كلها خيبه: يارب يا همام يارب الله يسمع منك
صقر: و ترا ريتان ذي الي كل شوي تتهاوشون هي الي خايفه عليك قم و كلمها
سعود بضحكه: اهخ احبها احبها ذا الانسانه رغم اني اتهاوش معاها واجد
همام: و من ما يحبها يا اخوك
صقر: تصدقون رغم انها اكثر وحده خبله بس وقت الجد جد تعجبني
سعود: يلا بكلمها
-
ما خذيت ثواني و ردت
ريتان: الو سعود!
سعود: ارحبي يا روح سعود
ريتان وهي كلها عتاب و خوف: وينك انت غبي غبي تحسب الدنياء كذا سهله تروح و بس وينك؟؟؟؟
سعود: اهدي اهدي طيب شفيك
ريتان: تستهبل انت احر ما عندي ابرد ما عندك انقلع امي من اليوم خايفه عليك و كلنا خايفين عليك!
سعود: يا حبيبي اهجدي خذي نفس ورا بعض تتكلمين
ريتان: طيب
سعود: شفيك زعلتي طيب
ريتان: يخوي ما زعلت بس وينك!
سعود: بجي والله بجي الحين خلاص ابشري من عيوني بجيك الحين
ريتان: اخلص ولا تطول
سعود: ابشري
-
صقر: شفيها؟
سعود بضحك: مدري عنها مغير تهاوشني و زعلت
همام: اقول قومو بس خل نرجع
سعود: يلا
-بالبيت-
فزت ام فايز على دخول سعود: وينك يا وليدي خوفتني عليك
سعود: جيت يمه جيت
ريتان: ما بغيت تشرف!!
ريوف: غبي انت وين اختفيت
سعود: اقعد اقعدو افهمكم السالفه
صقر: ريوف فزي صبي الشاهي
همام: يالليل انت و ذا الشاهي
صقر: يخوي ريحنا لا اهبدك
سعود: بس اهجدو و بدا يشرح لهم السالفه من يوم قال لابوه الين اللحظه الي جوه العيال بدون يذكر وين كان
ريتان: طيب وين كنت
سعود: سر
ام فايز: الله يهديك يا ولدي قلت لك لا تكلم ابوك لين انا اكون موجوده
سعود: طيب يمه و الحين وش الحل
ام فايز: الحل بسيط ان شاءالله و انا بكلمه
سعود: هو وينه الحين ابوي؟
ام فايز: وصيته على شيء ابيه و بيجي و ان شاءالله اني اكلمه بس سعود بسالك
سعود: سمي اسالي
ام فايز: الحين تحبها انت صح
سعود: و اموت عليها
ام فايز: من متى؟
سعود: يمه من يوم ما انولدت سبحان الله والله يا يمه ما اكذب عليكم صح كان عمري 4 سنين بس انتي شفتي يوم كبرت و صارت تتكلم كيف كنت معاها دوم
ام فايز: طيب ليه ما خطبتها من زمان
سعود: كانت صغيره! و كنت انتظر اكون نفسي
ام فايز: طيب اسمعني الحين بكره من الصبح تروح للرياض و تدور لك على وظيفه و لا تجي مدة اسبوعين
سعود: جاسم قالي عنده وظيفه بس ليه ما اجي اسبوعين؟!
ام فايز: لا تجي و بس
سعود: ابشري
ام فايز: و قم الحين و رح شف جاسم قبل يجي ابوك و خذ مكان الوظيفه و رح و قل لابوك بكره انك انقبلت لا تقول له انك توك عشان تروح
سعود: ابشري
صقر: عزززز الله يعزك يا الوااالدده
ريتان: وش ذا الاممم البطلللله
همام: ليتني سعووووددد
ريوف: والله طلعتي مو سهله يمه
ام فايز وهي تضحك: افا عليكم يقولكم اطبخ الطبخه على نار هاديه
سعود وهو يبوس راسها: يالله يمه قد وش احبببك
ام فايز: يلا بس قم و اسال جاسم
سعود: ابشرييي و من عيوني
راح سعود يكلم جاسم
ام فايز: و انتو اسمعوني كل ما قلت أ قدام ابوكم قولو اي و صح سمعتو؟
صقر: ابشرييي
همام: تم بس وش الخطه
ام فايز: اسمعو اول شيء اي شيء ابوكم يقوله اسمعو كلامه
ريوف: مافيه شيء جديد دايم نسمع كلامه
ام فايز: ادري بس خلوني اكمل
ريتان: ريوف سدي حلقك كلمي يمه
ام فايز: و يا عيال خلكم مع ابو جاسم مره يعني اذا شفتو يحتاج شيء ولا شيء ساعدوه
صقر: شدخلنا المفوض سعود
ام فايز: عشان يقول ذولي عائله كفو
همام: غصباً عليه مع احترامي
ريوف: انت خليت فيها احترام بس يمه هو اصلاً يحب اخواني
ام فايز: ادري بس ولو و انتو يا بنات خف الشيء ان شفتو ام جاسم تبي شيء ساعدوها و سوو حلا و قهوه و عطوهم يعني نتقرب منهم بالمختصر اكثر و بزياده
ريتان: تمم
صقر: همام يخوك طلع كيد النساء اول مره اشوفه قدامي بالواقع
همام: اي والله
صقر: طيب يمه دامك ضبطتي سعود ما ودك تضبطيني
ام فايز: تم بس من تبي انت
صقر ب ابتسامه: هو امها قشرى بس البنت كلكم تحبونها
ام فايز: اي و منهي
صقر: رهف
ام فايز ب ابتسامه: هين ابوك مارح يقولك شيء دامها بنت اخوه و صدق البنت يحلوها والله و امها ما علينا منها
ريتان جت من المطبخ و معها الفصفص
ريوف: هلا هلا ارحببيي يا ام زكي دام فيها فصفص عندك علوم
ريتان وهي تقعد: اي انتو ما تدرون على طاري رهف
ام فايز ب استغراب: وشو
ريتان: خلو لين سعود يجي
صقر: يالليل
-عند سعود-
سعود: اسمع ابي الوظيفه الي قلت لي عنها باقي موجوده؟
جاسم: اي
سعود: بكره بروح لهم
جاسم: ليه مستعجل طيب؟
سعود: مو مهم ليه بس بروح لهم بكره
جاسم: خلاص براحتك و بدا يوصف له مكان الوظيفه
" كانت بزي المركز يكون له مكتب خاص و متى ما توهقو و ما عرفو شيء يجون له"
سعود: تم حتى راتبها زين و لي مكتبي و كل شيء حلو مره شكررراً
جاسم: عفواً
-بالبيت-
صقر: اخيراً جيت
سعود: ليه وش
صقر: ابد ام زكي بتقول لنا سالفه عن عمي ابو خالد
سعود: جوووي هاتي العلم
ريتان وهي تتربع: تخيلو شفتو عمي؟
صقر وهو يعدل جلسته و كان جوه ذي القعدات: اسلمم وش صار
ريتان: سمعتهم ذاك اليوم يوم العيد كانو شوي و يهبدون بعض
همام: لا لا لا عاد وش صار
ريتان: والله مدري بس تلقونها كل عاده راعيت الرجاجيل ذي
صقر: الا هي ذي لين الحين على عادتها
ريتان: تخيل يا اخوي انه اي
ريوف: وجع اي والله وجع ذي فيها ازمت منتصف العمر!
سعود: اي والله انك صدقتي يا اختي
"معروف انها خانت ابو خالد اكثر من مره"
ام فايز: الله لا يبلانا معلينا منها وش صار طيب
ريتان: المهم ان سمعته يقول معد بتطبين الديره و طلقها طلقه وحده
صقر: اوف اوف اوف يا ساتر
همام: و كبدييي ياللي
ام فايز: تمزحييين
ريوف: شلوووننن مصورين مع بعض بسناب!
سعود: هلااابييي الفعاليات
ام فايز: يعني عشان كذا طالعه زعلانه و هاجده عنا
ريتان: ايييوه بضبط و انا اقولك ريوف شلون مصورين مع بعض
ريوف: اسلمي
ريتان: هم عايشين بنفس البيت بس كل واحد له دور
ريوف: اهااا فهمت الوضععع
ريتان: ايييوه بضبط
صقر: احسن نفتك منها و اقدر اجيب حب حياتي عندنا دامها تحب الديره
سعود: صدق فكه و خطه حلوه الصدق
ام فايز: المهم يلا قومو بس لا يجي ابوكم الا وانتو نايمين الساعه الحين 9 بيجي بعد ربع او نص ساعه
صقر وهو يضحك: ايي يا اخواني قومو ننام شكلها بتصير ليله حمراء
سعود وهو يغمز و يضحك: معليك ذي اول خطوات الاقناع
ام فايز: استحو على وجيهكم يلا بس انقلعو انت و وهي
صقر: من عيونييي
سعود: تتهنون😭
و راح كل واحد لطريقه و نامو
انتهى...
-
فتحت حساب بالانستقرام عشان اعيشكم اجواء الروايه اكثر و تشاركوني صور و كيف تحسون اجواء الروايه اتمنى لكل الي يقرون روايتي "شلون التفت للناس و عيونك جماهيري" يجون عشان نتبادل الافكار و اقراء رسالكم و ارائكم
هاذا حساب الروايه بالانستقرام: 7lid104
