بالصاله و تحديداً الساعه 8
صقر وهو ينسدح: يالبيييه ابوي مو موجود يعني مارح ننام بدري " ام فايز عادي عندها و بالعكس تسهر معاهم عكس ابو فايز"
ام فايز: ايه يحق لكم
صقر: سعود تعال شوي ابي اكلمك ب سالفه
بالحوش
سعود: هلا سم شفيه وجهك احس من قبل وانت ماش
صقر: فايز
سعود: شفيه بعد!
صقر: دقيت ما رد حاولت اوصل ل اكثر من شخص و وصلني خبر اليوم انه سوا حادث هو و عياله و عطاك عمره
سعود بخوف: كذاببب؟؟!!
صقر و صوته تغير: اي والله ايه يا خوك مدري شلون اقول لا امي و ابوي و بيجون ذولي بعد ( يقصد العم ابو فايز )
سعود: امش لازم الحين ندق على ابوي
صقر: بس اليوم بيسافر
سعود: ايه ايه قبل يسافر قدامي
صقر: الشكو لله يلا
-
صقر: الو يبه
ابو فايز: هاه هلا يا صقر وش فيه صوتك
صقر: يبه تعال لي الحين بالمكان الفلاني
ابو فايز: وش صاير
صقر: تعال و اقولك
-
صقر: اول اذكر ربك يبه
ابو فايز: صقر قل اخلص لا اهبدك
صقر: طيب يبه شفت فايز و عياله؟
ابو فايز وهو يفز: هاه شفيهم!
صقر: سوو حادث و توفو الا عبدالله ولده دخل بغيبوبه
ابو فايز: يويل قلبي ورا ما قلتو لي شلون هاه!
سعود: يبه تكفى اذكر الله و ذا قدر ربي و احنا مثلنا مثلك تونا ندري
ابو فايز: لحول ولا قوة الا بالله ان الله و ان اليه راجعون
ابو فايز وهو يمسح وجهه بالشماغ و عيونه دموع: الحين شلون بقول لامكم شلون وهو قاطعنا من فتره طويله ولا شفناه و الحين! بنشوفه بكفنه الابيض
صقر وهو يمسح دموعه: يبه تكفى لا تقطع قلبي
سعود و صوته متغير: الله يرحمهم يارب و يغفر لهم و يصبرنا مدري شلون بنقول لعبودي و امي و خواتي
ابو فايز: قومو يا عيال البيت انا بقول لهم
-البيت-
ام فايز: هلا والله غريبه جاي بدري يبو فايز و عسى ماشر شفيه وجيهكم كذا مسوده
ريتان: يمه سعود شفيكم
ريوف: صاير شيء؟
ابو فايز: اقعد اقعدو اول شيء ذا قدر ربي و ربي الحين يختبر صبرنا
ام فايز بخوف: شفيه وش فيكممممم؟؟!!!
ريتان وهي كانت حاسه و تطالع سعود بصوت واطي: فايز و عياله؟
و كان همام جنب ريتان و يقدر سمع
سعود اكتفى ب انه يضمها بس
ريتان هنا بكت و انهارت لان ما توقعت بيوم ولا كانت تبي تفقد احد من اهلها
ريوف: فايز صح؟!
ابو فايز: الله يرحمه هو و زوجته
فز همام: مستحيللل كيف شلون لا
ام فايز: هاهههه
صقر وهو يضمها: يمه تكفين اذكري ربك ذا قدر ربي لا تبكين تكفين
ام فايز: و كيف ما تبيني ابكي وهو ضناااايييي ضنااايييي و اول فرحتي شلون ما تبيني ابكي اهخ يا قلبي اهخ
ريوف كانت بحاله صمتتت بشكل مرعب كانه تطالعهم و دموعها بس تنزل
سعود يوم انتبه لها: ريوف حبيبي تسمعيني ريوف
ريوف: هاه هلا هلا ايه اسمعك
سعود: ريتان و ريوف و همام قدامي ابيكم
-بالحوش-
و بذا الوقت بذات كانت ترف تسقي الزرع الي فشباكها (يطل على المكان الي فيه سعود و البنات)
و تقدر تشوفهم
سعود وهو شبه يبكي: اسمعوني لازم نكون قويين على الاقل عشان امي تكفون يا اخواني وربي انتو تعرفون كيف كنت قريب منه قبل يتزوج و وربي اني بكيت يوم عرفت بس تكفون امسكو نفسكم عشان امي و ابوي
همام: اصلاً كيف وش صار!
سعود: كانو بيجون الديره و جت تريله و صدمتهم و تقلبو 3 قلبات و ربي ستر على عبود ما جاه شيء لان الصدمه القويه كانت على فايز و زوجته و عبود قبل السياره تصدم بالارض هو مدري شلون بس طار
همام وهو يتنهد بضيق: اييه الله يرحمهم
ريوف: يالله ما توقعت اني بشوفهم بعد ذا الفتره بكفنهم
ريتان: يروحي هم اهخ قلبي صدق الله يرحمهم يارب طيب و عبود وش بيصير
سعود: تو دقيت على المستشفى و قالو انه كان مغمى عليه مو زي ما فهم صقر و قام بس من كثر ما يبكي و يصارخ عطوه مهدى
ريتان: يروحي اف
سعود: بكره بروح لها يلا انتو ادخلو اقعد مع امي و هدوها هي و ابوي
كلهم: ان شاءالله
بذا الوقت كان كل شيء تحت انظار ترف و فهمت من صوت سعود "تقدر تسمع لان الجدار بالجدار" ان فايز توفى و واضح على سعود التعب ف قررت تهدي من خوفها عليه و تكتب له رساله
محتواها:
" اسفه بس سمعت كل الموضوع سعود طالبتك لا تنزل دموعك ادري ما تحب تبكي قدام احد من يوم كنت صغير ف طالبتك لا تبكي لان قوتي منك لو بكيت او انهزيت اعرف اني انهزيت معاك لا تحسب بس روحك امانه عندك تذكر عندك روحين امانه معك و ذا رقمي ابيك تدق علي الساعه 12 بقولك شيء ضروري
روحك الثانيه: الترف"
راحت حطتها بنفس المكان الي اتفقو عليه و رمت حجره صغيره عشان ينتبه
سعود لف و لا ارادي حط عينه بالمكان حق الكسر و فعلاً نفس ما توقع انها الترف
سعود لا ارادي ابتسم: مدري اذا تسمعيني بس دايم تجين بالوقت الصح يا الوتين القلب
"✨ شريان ينقل الدم لكل الجسم و اذا انقطع مات صاحبه✨"
ترف: لا ارادي استحت و حمر وجهها و سكتت
سعود: ادري انك موجوده بس مستحيه و احس يا جعل محد يستحي بهالدنيا الا وتين قلبي
ترف:.........
سعود كان يقرا و الابتسامه واصله لين اذنه من الشعور الي حس فيه و كان ينتظر 12 بفارغ الصبر
الساعه 12 و اخيراً
سعود كان بالسياره و متوتر انه يدق بس سم بالله و دق
بالخط:
سعود: الو
ترف بلحظتها فز قلبها تجمدت من وصل مسامعها صوته
ترف: هلا والله
سعود وهو مبتسم: ياااهلاااا بذا الصوت و راعيه يا هلا بصوت قلبي و دنيتي يا هلا بعمري و روحي
ترف وهي منهاره و بتموت من الحيا: هلابك
سعود وهو يضحك: الحين ما يمديك تسكتين اذا استحيتي هاه؟
ترف وهي معصبه: سعودد ياخ...
قاطعها سعود و بكل روقان: لبيه يا عروق قلبه عيون و قلب سعود
ترف: اها يعني متقصد تخليني ما اهاوش؟
سعود بدون ينتبه: حبيبي لو تبين تهبديني كلي لك
ترف: ✨حبيبي✨ الله
سعود: بالغلط قلتها اسف😭
ترف: عادي يا روح و قلب حبيبتك يعني وش اذا انا مو حبيبتك من بتكون هاه!
سعود: شبلاك انتي بس مدري خفت تعصبين او شيء
ترف: اي واضح مع السلامه يلا ولعد تدق
سعود: لا عاد حبيبي ما اتفقنا
ترف: بااايييي
سعود: طي...
-
شف قفلت بوجهي!
