بصاله
صقر: يبه ترا انا و اخواني بنروح عند العيال لان عبدالعزيز كلمني و قال انهم بيتكون و كذا
سعود و همام وهم يطالعون باستغراب متى صار هل كلام
ابو فايز: انتو مغير بذا الشوارع
ام فايز: يبو فايز الله يهديك خلهم يطلعون و يغيرون جو
ريتان: ايييه يا يمه والله لو اني انا كان صفقتيني الله لنا
ريوف: اي والله يا اختي شفتي شلون
ام فايز: افا وانا امكم جحدتوني من يخلي ترف تجي دايم عندكم
سعود وقتها فز قلبه من طاريها بس حالو انه يركد
ريتان: الا يمه على الطاري ترا يمكن تجي اليوم
سعود وهو يلف بسرعه عليها: من جدك انتي؟
ريتان: يمه شفيك انت ايه من جدي بتجي لبى عينها
ريوف وهي الف على ريتان بطقطقه: شكله يحبها
سعود: حبك قرد قولي امين يختي
صقر وهو يتدارك الوضع قبل يخربها: ايه مشينا مشينا
ابو فايز وهو يطالعهم بنظره تخوف: لاتطولون
همام: ابشر يبه ابشر
و حركو لمكان فوق الجبل و كان دايم يجون العيال عنده
جاسم وهو يركض لسعود: حيالله سعووودديي
سعود وهو يضمه: حيالله جسوووم
جاسم: وينك يخوي اشتقت لك واحشني ياكلب
سعود وهو يرجع يضمه: الله ياخذ ذا الوجه للجنه مو كثريييي ما توقعت بشتاق لك هل كثر
همام: خلاص عاد انت و اياه بزران و انت جسيم ابعد عن اخوي الغيره توجع
صقر: اقول امشو بس
عبدالعزيز: حي الله الشباب
العيال: الله يحيك و يبقيك
عبدالعزيز: عاد ادري فيكم تحبون جو الطرب و الشعر و الجلسات ذي قلت اقولكم
صقر: ايييه والله زين انك قلت لي من زمان عنهم
جاسم: عاد ترا انا و عزوز دايم نقعد هنا بس انتو الله يهديكم ما تجون
سعود: تعرف عاد ما يجي وقت نكون فيه فاضي
عزوز: يلا عوافي المهم صقر عاد نبي شاهيك لانه بطل
صقر: ابد ازهلها بروح اسوي
عزوز: عاد انت جسوم عليك تجهز عودك
جاسم: افا عليك ابشر
عزوز: وانت يا همام عليك النار وانا سعود جهز قصايدك و بس
سعود: ابد من عيوني
همام: ابشر بروح اشرب النار
بعد 20 دقيقه و كل شيء جاهز كانت قعدتهم حول النار و كلهم معاهم شاهي
سعود: اوف يشباب نسيت اخذ فروتي وش ذا كلكم معكم الا انا برررد
صقر: يشيخ امش تدف معاي لا تتعب قد قلت لك وانت قلت موب لازم
سعود: لبى اخوي بس ابعد بجيك
جاسم: الله على الاخوه
همام: حسيتني طرف ثالث
صقر: شدعوه يبوي امش جنبنا
همام وهو يركض على خفيف: الله لا يحرمني بسسس
عزوز: صقر حسيتك امهم
صقر: اعقب استح على وجهك ابوهم اي بس امهم!!
كلهم ضحكو
عبدالعزيز: المهم اسمعو نبي نسمع قصايد و كل عاده صقر و سعود كل واحد ثنتين
سعود وهو يطالع صقر: لا عاد ذا طماع
صقر: مره
جاسم: اقول يلا من عندك صقر
صقر: يقولك الشاعر
همام: كلزق و قل
عزوز: وه وه ياساتر
جاسم: خلاص عاد يلا قل
صقر: والله اني ودي بشوفتك ولا دري كيف اجيك
كيف اسمح خاطري والظروف تخالفه
والله ان يطري على البال ما يطري عليك
والله ان العين عن شوف غيرك حالفه
-
كلهم اختلفت الردود
جاسم: عاد الحين الدور عند سعود
عزوز: الله عاد احب قصايد سعود
صقر: كنت ناوي تهاوش بس حتى انا احبها
همام: و الله انشهد عاد من ما يحبهم
سعود: حبايبي والله
سعود وهو يذكر تفاصيلها
من يقول الزين مايكمل حلاه كل شي ٍ في حبيبي اكتمل
الله اللي كمله والله عطاه مابقى للزين في خلّي محل
العيون أحلى من عيون المها شافها قلبي وصفّق واحتفل
-
جاسم: ادعسس منهي هاااه
عزوز: منهي هاه
سعود: محد بس كذا شفتها و عجبتني
عزوز: اكيييد؟
سعود: اي معليكم
جاسم كان يطالع سعود و بشك و كبييير لكن سكت و طبعاً سعود لاحظ و توتر
سعود: هاه يا اخواني ما ودكم نقوم؟
عزوز: هيي باقي الثانيه قل و الله يستر عليك
سعود: اقول تقلع بس
صقر: يلا يلا مشينا والله تاخرنا
رجعو و من حسن حظهم ما شافو ابو فايز
سعود وهو يهمس لصقر
سعود: صقر ولد صاحي
صقر بصوت واطي: ايه شفيك
سعود: يولد احس ودي اسولف عجزت انام شرايك نسوي لنا شاهي و نقوم الحوش الي ورا عشان محد يقوم علينا
صقر: والله؟
سعود: اي والله
صقر: قداامم قم
قامو سعود و صقر و كانو يتسحبون بشكل كانهم حراميه
سعود و صقر بالمطبخ
صقر وهو يجلس على الطاوله: اسلم شفيك ما نمت
سعود: ايييه اهوجس ولاني مرتاح وانا اخوك وانت شفيك
صقر: الله يعينك كل عاده ما قدرت ارقد
قاطعهم صوت المويه الحاره وهي تقفل
صقر: يلا يلا قم خل نسويه ذا الشاهي و نقوم و قلي وش فيك
-
بالحوش:
صقر: هاه يخوك شفيك
سعود: وش ما فيني صقر تعبت ابي اكلمها ابي اوصف شعوري لها
صقر: طيب و كيف تبي تكلمها يسبك؟
سعود: والله مدري
فجاه صارت لحظه صمت و بعد 10 ثواني لف سعود بسرعه على صقر
سعود بسرعه و فرحه: عرفتها
صقر: بسم الله شفيك وشو
سعود بسرعه وهو مبسوط: ريوف مالنا الا ريوف
صقر وهو مبتسم: جبتها الله يوفقك
سعود: بروح بروح اكلمها بروح اشوف اذا هي صاحيه
صقر: امش بس بشويش لحد يقوم
بالمطبخ وهو ظلام
سعود: يييممههه من انت
ريوف و همام: بسسممم الله
صقر: يمممههه بسم الله
فجاه صارت لحظة صمت وهم يطالعون فبعض
فجاه ضحكو
سعود: وش جابكم انتو هنا
صقر: ليه قاعدين بظلام
ريوف: بسم الله عليكم اقعدو اقعدو
همام: وش عندكم
سعود: شوفو السالفه دامكم موجودين و همام قبل تعصب اسف ما قلت لك المهم
شوفو انا احب اخت جاسم
همام و ريوف مع بعض: هااااههه تررررفففف!!!!
سعود: اص اص فضحتونا ايه احبها اسمعو السالفه ياخي
ريوف: يويلي لا يسمعك ابوي قل قل
سعود: تذكرون يوم جو بيتنا اخر مره هي جت من المطبخ الي ورا و انا طلعت و عاد صدمنا فبعض و صار الي صار و شفتها و من يومها كل ما لمحت زولها يجيني انهيار
همام: الله الله وانا اقول ليه تراقب بيبان و شابابيك بيتهم كل يوم طلعت السالفه كذا
سعود: هيه هيه اركد متى قعدت عند الباب
همام: لا ابد بس شوي و ترقد هناك
ريوف: اسكتو يعني انت تحبها؟
فجاه دخلت ريتان
ريتان: نعم نعم نعممم؟ وش من يحب وش تحبها شسالفه
سعود: حلوين ذا الي ناقصينه
صقر: الموضوع كان بس ريوف لكن لعلها صارت القطيع كامل
ريتان: اخلصصصوو من ليكون انت صصققرر!!!!
صقر: اعوذ بالله منك وش انااا!
سعود: يبوي هي خربانه خربانه انا احب ترف
ريتان وهي متحمسه: كذذذااااببب
سعود: والله بس تكفين تكفييين يا ريتان لا تقولين لاحد
ريتان وهي تضم سعود: من جدك انتتت الله اخوي يحب اعز صاحباااتتيي اااههخخخ وناسه بشبكممم بشبكمم
سعود وهو مبتسم: خواتي تكفون
نطت ريتان و ينطقون مع بعض هي و ريوف: ابشششر بعزززكك
سعود: عزز الله يعزكممم ابي بس تعرفون هي تحبني ولا لا
ريتان: بسس يبوي ازهلها
ريوف: يرجال بهبد لك العفش ريتان ريتان دقي عليها و قولي لها تجينا بكره
ريتان: ابشرررييي بس
-
ريتان: الللووو
ترف: هلا والله شعندك
ريتان: ابد والله بس مشتاقين لك يالغلا انا و ريوف نبيك تجين بكره
ترف: ما اصدق بس خلاص تم بجيكم
ريتان: عززز الله يعزك يا بنت عبدالرحمن
ترف: حبيبتي والله😭
ريتان: يلا عاد عطيناك وجه
قفلت بوجهها
-
سعود: يشيخ لبى راااسك يا اخت سعود
ريتان: يروحي والله ابد ازهلها
همام: اقول امشو خل نرقد لا يقوم علينا ابوي و ناكل هوا
طلعو العيال من الباب ( غرفتهم كانت بالحوش )
-
اليوم الثاني
-
ام فايز: يعيييااال قومو الله يهديكم لا يجي ابوكم
صقر: قمنا قمنا
على الفطور
ريوف: يبه ترا ترف بتجي
ابو فايز: الله يحيها
سعود هنا غص بالقمه
صقر وهو يدق ظهر سعود: بسم الله علي اخووووييي
ريتان وهي تغمز: اي والله بسم الله عليك يسعودي
همام وهو يضحك: خذ مويه يا حبيبي
ام فايز حست ان الموضوع فيه شيء من ردت فعل سعود يوم تغير وجهه و عصب قال:
خلاص عاد انت و اياها جب المويه
ام فايز: شفيكم انتو
ريوف وهي تضحك: يمه معليك بس يعني نسمي على اخونا
سعود وهو يقوم بسرعه: تقلعو بس الحمدالله
ابو فايز: اصبر ترا اليوم ما ابي اشوف وجيهكم لا بالمحل ولا بالمخيم و ام فايز ترا بنام مع الشيبان بالمخيم
سعود وهو يطالع العيال و البنات و يبتسم وهم نفس الشيء و كانهم فاهمين بعض
العيال: ابشر
ام فايز: على خير
وهي كانت متعوده من فتره لفتره يروح
و طع ابو فايز
ام فايز وهي توقف سعود بصوتها: هي تعال تعال ابيك بالغرفه
همام: عز الله جاك الموت يا اتارك الصلاه
ام فايز: بس عاداسكت
-الغرفه-
سعود بتوتر: هاه هاه يمه هلا لبيه عيوني
ام فايز: وراك توترت انا الي اعرف الي يتوتر عنده بلا وش بلاك اخلص
سعود: هاه ولا شيء
ام فايز: سعود تراك ولدي و حافظتك و عارفه بلاك بس ابيك انت تقول و ترا واضح عليك يعني قل ابرك
سعود: وشهو يمه خلاص مافيه شيء
ام فايز وهي تقول: طيب ابيك توديني المستشفى ازور الترف
سعود لا ارادي فز بخوف وهو يقول: يمه ليه وش فيها وش صار
ام فايز وهي مبتسمه: مافيها شيء بس هاه قلت ما عندك شيء ولا؟
سعود: يعني قافطتني؟
ام فايز: عيونك هي الي فاضحتك
سعود: طيب دامك تعرفين ليه تبيني اقولك؟
ام فايز: قل تحبها؟
سعود: ايه احبها و اموت فيها و اعشقها بعد يا يمه كنت اطقطق على الي يحبون بس بلحظة تغيرت كل موازيني حبيتها اهخ يا يمه و عشقتها بعد قلبي تعب من حبي لها وانا معرف وش شعورها
ام فايز: شفت شفت يا ولدي قلت لك عيونك و فزتك و ابتسامتك و توترك اذا جبنا طاريها يكشفك بس يا ولدي دامك تحبه رح و اخطبها و رح لها بالحلال
سعود: بس يمه ابوي؟
ام فايز: دامك طقيت الباب يولدي مارح يقولك لا
سعود: خايف والله
ام فايز: صدقني دامك ما جيت بالحرام ف ربي بيكتبها لك و بنصيبك بس انتبه انتبه انتبه و احذرك ثلاث مرات لا تروح لم الحرام
سعود وهو ينسدح بحظنها و يتنهد: على خير على خير يا يمه
