يوم الجمعه الساعه 7:30 الصباح و كل عاده
ابو فايز عند العيال: يعياللل قومو قامت عليكم قيامه انت وياه قووومووو
صقر وهو مغمض عين و فاتح عين: هاه يبه ابشر ابشر قمنا خلاص
ابو فايز: ما تستحي يا قليل الادب يوم انك تقول لابوك هاه يا جعلك ماني قايله اخلصووو والله لو ارجع وانتو ما قمتو ما يحصل خير
و بعد ما طلع ابو فايز
سعود وهو متربع: ياولد الحين ما يرتاح لين يقومنا كذا وش ذا العنف يارب اتزوج و افتك منكم
صقر: اقول اهجد لا يجي ابوي و يلعن خيرك و بعدين انت شايف وجهك ذا الي كانه دجاجه فاطسه
سعود: هين يا صقر هينن انا اوريك الناس تهجد شياطينهم وانت تتسلط ما غلطت يوم قلت انك منهم
صقر: اقول احترم نفسك و صح ذا الي جنبك لا يجي ابوي و يمحطه بالعقال انا بروح الحمام
سعود: وليه انا الي ابتلش فيه ذا وش دخلني اذا نومه ثقيل مثله خلفته و نسيته انا!
صقر ما رد و راح
و بدا سعود يحاول و يحاول لين قام
سعود: و اخيراً يخوي وش ذا انت لو تصير عاصفه جنبك ما حسيت يهب
همام: اذكر ربك
دخل صقر: هاه شفيكم انتو قومو غسلو و خل نروح نشوف وش سوو فطور وقبل يجي ابوي و يخلينا عشاهم اليوم
و كل واحد راح الي يلبس و الي يغير
سعود فجاه: عيال تصدقون كل مره احمد ربي اني بينكم ولا شوفو ذا الي بدمام راح عليه كل جمعه نقوم على ريحة العود و القهوه و صوت القران و صوت اهلنا وربي انها نعمه
صقر: ما اختلفنا نعمه بس وش جاك انت
همام: خله خله جت الحاله
سعود: يشيخ الشره علي الي اقول لكم مشاعري امشو خل نقوم ابوي من اليوم ينادي لا يفصل زياده
طلعو و و استقبلهم ابو فايز بهواش
ابو فايز: سوال بس انتو متى تهجدون الساعه صارت 8 وانتو توكم تطلعون لين متى ياربي انا اذا جاني شيء من ذولي الي عندي
سعود: شدعوه يا ابوي اليوم جمعه كانه عيد لازم ناخذ وقت
قاطعه همام: اقول اتركو الحكي و قومو نشوف اميمتي وش سوت بس
سعود وهو يضم همام: اااييييه ياخي انت الوحيد الي تفهم الي فبالي ياخي يا جعلني
صقر: الله الله كل ذا عشان بطنك و خير تضمون بعض كذا وانا ولا عمري ضميتني كذا الا تبي شيء!
سعود وهو يروح لصقر: يااحبيبي يا اخوي امش امش احضنك اعطيك من حناني
صقر: الله يسود وجهك قل امين على ذا الحضن الي بغيت اموت منه
ابو فايز: مو كانكم زودتوها انقلعو عن وجهي لا يجيكم العقال على ظهوركم
و بثانيه العيال اختفو
بالمطبخ
ام فايز: يلا يبنات يلا
ريتان: هذاني يمه بروح احطهم
بعد الفطور رحو يصلون و رجعو و كل عاده لابد من فصلات صقر و سعود مع بعض و بالبيت تنضم للفريق ريتان و وشوي مداخلات من همام
على المغرب و كانو مجتمعين على قهوه المغرب
ريوف: يمه ترا يمكن ترف تجي اليوم
سعود: وانتو ما تشبعون من بعض 24 ساعه مع بعض
ريتان: وانت شدخلك ان شاءالله يا ملقوف انت و جاسم تطفشون من بعض لا
سعود: الا
ريتان: اتحدا
سعود: اهجدي لا اقوم عليك
صقر: بسسس بسسس انتي وهو اهجدو صدعتو براسي
سعود: وانت بعد اسكت لا اقوم ارفس في بطنك
سكتو على دخلو ابو فايز
ابو فايز: جهزو القهوه ابو جاسم بيجي هو و عياله
نط سعود و مسكه صقر: يبه احلف جاسم بيجي؟؟
ابو فايز: ايه بيجي و بعدين ترا لك اسبوع بس ما شفته اهجد ما امداك تشتاق
صقر تدخل: سعود عيب عليك والله لو انه انا عشان تشتاق له ذا الكثر
همام: شيكو لي على الثقه اقول لو انه انا ممكن بس انت ما ضني
ريتان: اقول يا انت وهو مافيه اجمل مني عشان كذا دزو
ريوف: صحيح اختي اجمل بنت
ريتان: حبيبي والله اختي
سعود: بروح اجيب القهوه ابرك لي
و سكتو على دق الجرس و سعود حاول يستعجل لاكن ما قدر و سمع صوت ام جاسم و طلع من باب المطبخ بس انصدم
و بنفس الوقت قبل يدخلون
ام جاسم: حبيبتي ترف امي روحي من باب المطبخ لا يطلعون العيال موجودين
و طبعاً ترف راحت و فكت الطرحه لاكن انصدمت بسعود الي في وجهها
سعود كان منصدم و مصنم لين استوعب على نفسه و صد و رجع للمجلس و وجهه مصفوق و محمر
صقر وهو يهمس لهمام: ولد ما تحس سعود من يوم راح وهو ماش
همام: وانت صادق يخوي الله يستر منه بس انا اعرفه مسوي بلا
صقر: معليك بعد شوي نفتح غرفة تحقيق قبل النوم وحد الدعاء انه مو اي فبالي
همام: يارب ولا الي فبالي
رحو ابو جاسم و عياله و ما صدقو ابوهم يفكهم و قال وقت النوم
كان سعود منسدح و سرحان يتذكر تفاصيل ترف كانت لابسه فستان احمر و فاكه شعرها و ريحت عطرها الي فاحت مع الهواء
صقر: ابو صقرر وراك كذا من ماخذ العقل
فز سعود: هاه ولا شيء
همام: لا شيء حاول تقنعني بس انه ولا شيء اخلص بس
سعود: بسالكم احد جاء مع عمي ابو جاسم غير جاسم و زوجته و بنته؟
صقر: اهاااا والله اني قد قلته
همام: ما ارتحت لوجهك انا اليوم المهم لا ليه
سعود: ابد سلامتكم
و قعدو يسولفون لين ما غلبهم النوم و نامو
—————-
اليوم الثاني و تحديداً الصباح رجع نفس الموال ابو فايز يصارخ على العيال عشان يقومون ويتهاوشون عند الحمام من يدخل اول
و بعد ما خلصو روتين الهواش
صقر: الله يمه وش ذي الريحه الزينه تسلم يدينك
سعود: انت شايف الله لا يحرمنا بس
ريتان وهي تهاوش: اقووول ترا حتى انا تعبت
ريوف: اقول اهجدي ما سويتي شيء!
ام فايز: بسسس بسسس انتي وهي يالله صباح خير كلنا تعبنا
لكن طبعاً ما وقفو ريوف و ريتان الهواش و كملو و صقر لف مستغرب على سعود ما شارك بالهوشة زي العاده لاكن كان سعود عاااالم ثاني و كان ملاحظ صقر انه من يوم يفكر و مشغول باله بس قطع عليهم صوت ابو فايز
ابو فايز: يلااا يا عيال وين الاكل ابطيتو ( تاخرتو)
ريوف: ابشر يبه هذاني جايه
ام فايز: يلا يا عيال بسرعه لا ابوكم يعصب اكثر
وهم على الفطور
ابو فايز: اخلصو على شان تروح يا صقر و سعود للمحل وانا و همام للمخيم
همام وهو يهمس لاخوانه: ابلش ليش دايم انا الي اروح!!
صقر: احمد ربك ياخي مو احنا ننغث من الشكليات الي يجونا
ريتان دخلت عرض: ولا انا الي بالمطبخ و اكرف لكم
سعود: اقول اهجدي بس
و بعد الفطور الكل تفرق و راح يسوي اشغاله
المغرب و على قهوه المغرب
ريوف: اقول اخواني شرايكم الحين ورا ما نقعد بالحوش مع بعض دام الاجواء زانت من زمان عن بعض احس
نطت ريتال بحماس: قدام اول مره تقولين شيء يعجبني و انا علي القهوه و الاكل و كذا
ريوف: صح انك غلطتي بس لانك بتخليني ارتاح ما عندي مانع
سعود وهو يتدارك الوضع: بسس بسس يا بزران خلاص ريتان عليها الاكل و صقر انت الافضل بشاهي حطب و عشان كذا انت عليك الشاهي و الحطب وهمام و ريوف تجون معاي نرتب القعده
همام: طيب وش بنسوي لابوي اذا قال نوم
سعود: سهله كل عاده نروح و بعد ينام و نرجع قبل صلاة الفجر و نلم الاغراض
ريتان: ياخي انت جوي و تعجبني و عشان تعجبني اكثر قل لنا اليوم قصيده ولا بيت واحد على الاقل و بتكون الافضل
سعود: والله ما احب اقول بس ابشري غاليه و طلب رخيص
ريتان: وش بعد ما تحب يعني تقول لاخوياك و العيال بس احنا لا وش ذا
سعود: معليش اختي الكريمه خلاص ابشري
صقر: اقول اخوكم ذا نام واضح البدايه
ريوف: الله يهدي ابوي مو لاقي الا ذا يوم ياخذه معه
و خذتهم السوالف لين 8 و اعلن ابو فايز وقت النوم
و تفرقون البنات لغرفهم و العيال للملحق
صقر وهو منسدح: يا هميم شفني اقولك والله لو ما تقوم يا دب النوم لما اقومك لا اصفقك ولا تدري بنسحب عليك
سعود وهو حاضن همام: ياخي خل اخوي في حاله
همام: يشيخ احبك
قاطعهم صقر: الللوووو ترا الغيره توجع و بعدين سعود من متى وانت متغير كذا
سعود وهو يدف همام: لا انت ولا هو انقلعو
و نامو و جت الساعه 12:50 قام سعود و بعدها دق صقر و على طول قام
صقر: هاه شفيه و صار
سعود: قم قم صحصح صار الليل
صقر: قوم دب النوم لا ارفسه الحين
سعود: وانت رح شف البنات
رح صقر و قامو بعد تعب و اخيراً
و بعد 20 دقيقه كلهم مرتبين اغراضهم
همام: معجزه و سجل يا تاريخ خلصنا القعده بدري لاول مره
ريتان: بسرعه بس صقر سو الشاهي و انت يا سعود تعال قل لنا من زمان عن قصايدك
سعود: الله و العجله فيك وانا اخوك
و بعد ما خلصو و كل شيء كلهم اجتمعو حول النار
ريتان: بسرعه ياخي احس تحمست
سعود: ابشري عن وشو بس تبين
ريتان: اي شيء
ريوف: احس قل لنا شيء تحسه يوصفك او يوصف مشاعرك اخر فتره
و صقر كان يطالع سعود و كان ينتظر وش بيقول لان هو الوحيد الي يفهم سعود يوم يحاول يوصل مشاعره لان حتى صقر نفسه
سعود وهو يتذكر شكل ترف و عيونها الي ما قدر يشيل عينه منها:
فلمّا تلاقينا وقد طال صدّنا
صَمتنا طويلًا والعُيونُ نواطقُ
ٰ
فكَم مِن كلامٍ ظلَّ في القلب كامنًا
وكمْ مِن عيونٍ بالكلامِ سوابقُ
ريوف: الله الله من العيون و من ذي هاااا😉
ريتان: يبدو ولدنا عاشق
همام: انا قايل ذي الفتره مو عاجبني وراك بلا
و صقر كان يناظر بهدوء و اكتفى انه يقول صح لسانك
سعود: اقول بس يلا مناك تعلمو من صقوري
مر الوقت و سمعو صوت ابوهم و في لحظات الكل بسريره و يمثل انه نايم
بعد شهر:
بمحل ابو فايز صقر و سعود
صقر وهو يخبط على كتف سعود: سعودي خير ان شاء الله شفيك اليوم احسك ضايق؟
سعود: ابد يعيوني مافيه شيء شيء زيي زي اي يوم
صقر: اقول لا تسوقها علي تراني اعرفك زين و من كم اسبوع صراحه مو عاجبني شفيك قلي و انت تدري سرك في بير
سعود: تبيني اصفقك ادري انك مارح تقول لاحد بس مدري مدري وش اسوي يا اخوك
صقر: اجل اسمع كل عاده اليوم الساعه 10 نقول لابوي بنروح للشباب و نروح المكان السري ( كان عندهم مطل و محد يعرف عنه الا هم و كانو دايم يفضفضون و يقولون ابياتهم الجديده هناك و اذا احد ضاق فيهم راح له) هاه وش قلت تم؟
سعود بعد تردد وهو خايف: تم
و مر اليوم طبيعي الين جت الساعه 10 الليل و مستغربين ليه ابوهم ما قال لهم نوم
صقر: يبه ترا الشباب عازميني انا و سعود بنروح لهم ولا بنطول
همام: و خير ما يقولون لي
صقر غمز له و فهم همام انهم بيروحون ذاك المكان
صقر وهو يسلك الموضوع: مو انت تقول فيك النوم و اعتذرت
همام: صادق بروح انا بس ملقوف احب اعرف
ابو فايز: لا يكثر. انتو روحو بس لانه عزمكم ولا مغير بشوارع اخر الليل لا اشوفكم تطولون
صقر و سعود: ابشر
حركو و وصلو الساعه 11:00
و ضبطو الجلسه و قعدو
صقر: هاه ياخوك شفيك قل لي و يمكن عندي حل تراني مره شايل همك
سعود بضيق: صقر مدري شلون اقول لك بس اخاف توقف ضدي
صقر: افاااا يا سعود ما هقيتها منك انا اوقف ضدك انا اوقف ضد نفسي ولا اوقف ضدك
سعود: شف يا طويل العمر و بدا يقول القصه...
صقر: صدق احس تناسبون بعض يعني مر مدري كم شهر زي ما تقول على السالفه ليه ما تعترف و تجي بالحلال
سعود: عشان تبي يذبحني ابوي؟
صقر: ابوي معليك منه بس الحين انت لا تفكر و امش البيت لا نتاخر و بكره بيكون خير ان شاء الله
