"ඔයා කොහොමද ජීහා දැනගත්තේ ඔම්ම ඉන්නේ ටිකක් දුර කියලා?"
ටේහ්යොන්ග් පුදුමයෙන් වගේ අහද්දී ජීහා හිනා වෙලා බිම බලාගත්තා.
"අයියෝ ඩොක්ටර් මං එහෙම දෙයක් දන්නෑ. මං එහෙම කිව්වේ ඩොක්ටර් ට පුලුවන් නේ ඔම්මා එක්ක ගොඩාක් වෙලා ඉන්න ඒකයි. කාලෙකින් යන නිසා වැඩිපුර වෙලා ඉන්න ඔම්මාත් කැමති ඇති."
"හ්ම්ම්.. ඔව් නේ... එහෙනං මං යනවා ජීහා. ආයෙම හම්බෙමුකෝ...."
ඩොක්ටර් ටේහ්යොන්ග් ජීහාට අතත් වනාගෙන පාරත් පැනලා යන හැටි ජීහා බලාගෙන හිටියා.
"ආයිශ්.... ඩොක්ටර් කිම්ට හැමදේම කියන එක හොඳයි කියලත් හිතෙනවා. මට හැමවෙලේම ඩොක්ටර් යුන්ගි ගාව ඉන්න බෑනේ. අනේ මංදා මේවා කොහෙන් කෙළවර වෙයිද දන්නෑ.... අන්තිමේ දී මේවා මැද්දට පැනලා මගේ පණ තමයි නැහිලා යන්නේ කවදහරී..."
ලොකූ හුස්මක් අරගෙන ශොප් එක ඉස්සරහින් වහලා ආයෙන ඇවිත් කවුන්ටර් එකෙ ඔලුව ගහගත්තේ සාමාන්යෙන් මේ වගෙ වෙලාවට මල් ගන්න එන අය අඩු නිසා. නිදිමත දෝරේ ගලාගෙන යද්දී ඩෙස්ක් එකෙන් ඔලුව ගහගන්න ටිකට එයා ලොකූ නින්දකට වැටුනේ කියාගන්න බැරි තරම් සනීපෙකින්.
***************************************************
"අඩෝ යුන්ගියා..... උඹ නිදිද බං?"
"නෑ කියපං. මං මේ ආපු ගමන්..."
යුන්ගී ෆෝන් එකත් කනේ ගහගෙන සැටියේ ඉඳගෙන ස්නැක් එකක් කන්න ගත්තේ ටීවි එක දිහාත් බලන ගමන්.
"මේ අහපංකෝ... මං පැයකින් දෙකකින් වගේ උඹේ ක්වාටස් එකට එනවා හොදේ.. උඹට අවුලක් නෑ නේ..."
"ඇයි උඹේ ක්වාටස් එක ගිනි අරංද?"
"අනී... අද ඔම්මව බලන්න ආවා දැනුයි පිටත් වුණේ. මගේ ක්වාටස් එකට යන්න දුර වැඩී බං. අදට ආවට ක්මක් නෑ නේ. එහෙනං මං තිබ්බා. කුමාවෝ..."
"යකෝ.... මං හා කිව්වේ නෑ නේ... යාහ්.. කිම් ටේහ්යොන්ග්...... යාහ්... ආයිශ් මූ තියලත් ඉවරයි.... බල්ලා... ආවදෙන්කෝ...."
VOCÊ ESTÁ LENDO
I am not a Prophet || MYG || COMPLETED ||
Fanficමං දිවැසිවරයෙක් නෙමෙයි. සුපිරි බලයක් තියෙන හීරෝ කෙනෙකුත් නෙමෙයි. මං මගේ පාඩුවේ ජීවත් වෙන මල් කඩේක කෙල්ලෙක් විතරයි. මට තාමත් හිතාගන්න බෑ මේ ලැබිලා තියෙන දේ මට ලැබිලා තියෙන්නේ හොඳකට ද එහෙම නැත්තං නරකට ද කියලා... මං දන්නෑ මට මොනාද මේ පේන්නේ කියලා... ම...
