بسم الله الرحمن الرحيم
للكاتبه//زمــــــهرير
#####################
في بيت ابو حازم
في قبيلتهم عندهم قانون ان الرجال لما يبلغ ال25 من عمره يزوجونه واذا ماتزوج هذا يعني ان الرجال فيه شي بس حازم و اسامه تزوجوا بسرعه
ابو حازم : حازم ياوليدي وين اخوك هجرس الغداء بايقرب وهو مو موجود
حازم:ولا يهمك يبه ادق عليه واشوف
طبعاً نايف ونواف ما يتفقون ابد
نايف : نواف والله لا صكك بكف
نواف: اتحداك
جوري:بس يكفي ولا والله لعلم عمي هجرس اخليه يربيكم
نايف بخوف:لا لا والله في ذمتك اني خلاص بجلس
نواف:خفت ياذا القطه ويكملون مشاكلهم
يدق حازم علئ هجرس
هجرس: الوو
حازم : وينك
هجرس: في الطريق ليه في شي
حازم : لا بس حان وقت الغداء ليسمع هجرس المصارخه بين نايف و نواف هجرس: وش ذا المصارخه
حازم : كنك ماتعرف نايف ونواف ما يتوافقون
هجرس: ابشر بخليهم مثل السمنه علئ العسل
حازم: اي والله تعال لهم انا تعبت فيهم خلاص معاد يفهمون بس لا توجعهم واجد(هجرس مايضحك الا مع حازم وهجرس بئر اسرار حازم وحازم يعرف كل اسرار هجرس)
هجرس بضحك:ابشر ولا يهمك سلام
حازم:سلام
##################
في قبيلة سحر
ابو سحر:يا بنيتي هذا عاشر واحد يجي يخطبك بس انتي ترفضين ليه
سحر: يا يبه الله يخليك ترا ما هو حب لي الا حب لشكلي يا يبه انا ابغا واحد يبيع العالم كله عشاني وابغا واحد له هيبته في المكان وشوره ما حدن يرد عليه
شاهين: ايه يبه وهي صادقه خلها براحتها
ابو سحر بحب: وانا كم عندي سحر
سحر بغرور: واحده ليضربها مدين علئ راسها ويقول: اقول خلي الغرور حقك ذا
سحر تتحضنه: الله يخليك لي ويتحضنها بحب
شاهين بغيره: احم احم ويروح يتحضنها ويحب علئ راسها: الله لا يحرمنا من سحر العسل ليضحك الجميع ويشعر ابو سحر بالراحه علئ عائلته
####################
عند هجرس
يدخل هجرس البيت ونايف ونواف في مشاكلهم
نواف: ههههههه نايف اش وضعك خايف يا ذا القطه
نايف: احترم نفسك تراني الكبير
نواف بسخريه: كبير بعشر دقائق ليقطع كلامه صراخ هجرس اللي ارعبهم
هجرس:نواف
نواف بخوف : والله ماقصدي ياعمي سامحني معاد اعيدها
هجرس يلتفت لجوري: وش صاير وتقولها جوري علئ مشكلتهم السخيفه وان نواف السبب
هجرس: انا وش قلت ممنوع السب او الشتم
نواف بخوف: سامحني ياعمي
هجرس بحده : اعتذر من خوك
نواف: انا اسف يا نايف ووعد معاد اعيدها
ليذهب الجميع الئ الغداء ويجلسون علئ السفره
ابو حازم: يا وليدي هجرس ما تبي زواج
هجرس بضيق:يبه ان كم مره قلت خلاص انسى الموضوع
ابو حازم: شلون انساه وانت للحين ماتزوجت وش تبى الناس تقول علينا وبعدين لا تنسى انك خالفت قانون القبيله
هجرس:بالله يبه في حد عاقل يسوي ذا القانون
اسامه:خلاص يبه خله براحته اذا هو يبغى الزواج بيتزوج لا تضغط عليه
هجرس:قل له ياخوي انا تعبت ليقوم هجرس من على الاكل
انوار: على وين ياخوي
هجرس: انا تعبان بروح انام
انوار:طيب محتاج شي
هجرس:لا
#########################
في بيت ابو احمد
شهد وهي تكشخ: واخيراً بشوف هجرس
ندى بغضب: انتي وين دمك ماتحسين الرجال مايبيش غصب يعني
شهد بغرور: اجل بخليه يحبني ومستحيل يكون لغيري
سماح: بس يكفي يالله جهزوا عمركم الناس تنتظركم
######################
في قبيلة سحر
مدين بحزن على اخته: ماقد نسيتي ذاك اليوم خلاص صار اللي صار
سحر: وش لون انسى شخص عشت معه 6 شهور
مدين: انتي اللي هربتي مو هو
سحر: ولا ماهربت كنت بصير على ذمته وانا صغيره وكان ضاعت حياتي
مدين: تحبينه
سحر: احب هيبته ورجولته وكلامه وجنونه
مدين: خلاص انسيه تراه نسي
سحر:خلاص بحاول
####################
في بيت ابو حازم
عايلة ابو احمد جات وسلموا عليهم وجلسوا في الصالون
ابو حازم: الا شخبار بنات خوي
البنات : الحمد لله
احمد: الا وين هجرس ما نشوفه
حازم: بروح اشوف واناديه طبعاً شهد فرحت انها بتشوفه في غرفة هجرس دخل عليه حازم وهو يقول:وينك ياخوي ليه ماتنزل
هجرس: مالي نفس
حازم: قم يالله ترا كل عيال اعمامي هنا يالله قوم
وتذكر هجرس صقر وقال: تمام
حازم بشك: مانبغا شي مشاكل مع صقر وانا خوك
ليتجهز هجرس ويتعطر وينزل بهيبته العاصفه ويقول : السلام عليكم ويسلم علئ احمد وصقر اللي يكرهه
احمد: وش اخبار ابن عمي
هجرس بصوت فخم ذوب البنات حتئ خواته:دامك انت وعمي بخير ف انا بخير
صقر بسخريه: ماتبغا شي زواج ولا تبغئ تعنس عند ابوك
ابو احمد: ضب لسانك يا ولد اعذرني هجرس انت و اخوي
هجرس بسخريه: علئ الاقل ماني متزوج والعب
صقر بخوف من كلامه : اش قصدك
هجرس: انتبه علئ نفسك وبنتك وزوجتك
صقر بصراخ: احترم نفسك وخلك محشوم لينهض هجرس ويقرب من صقر ويهمس امام اذنه:اصصص ولا حرف الا اذا انت تبغئ ابوك يعرف وش مسوي وتجيه جلطه وانت يعدموك وبنتك تتيتم وزوجتك تصير ارمله هذا شي يخصك ويروح هجرس ويقول: عندي شغل سلام لتذهب شهد وراه وتقول بدلع: هجرس ليلتفت هجرس ويلقئ قدامه شهد اللي يكرهها مثل الموت
هجرس بحده:خير
شهد بدلع: جيت اعتذر بدل اخوي لانه غلط
هجرس بغضب: اعتذري من نفسك وانتي جايه تلاحقيني عشان كم كلمه وبعدين ابوك اعتذر يعني ليش الحركات
شهد: انت ليش ماتحبني وانا مستعده اسوي اللي تبغا
هجرس: احترمي نفسك وادخلي ويروح هجرس وتقول شهد: والله لخليك تعشقني حتئ لو اضطر اني استخدم اساليب مو زينه
ويخرج هجرس من البيت ويتصل علئ اخوه حازم
حازم: وينك خرجت
هجرس: اخوي وينك انا تعبان حيل
حازم: ابشر جايك الحين انت وين
هجرس: في مزرعة الماضي
انتهئ البارت
ان شاء الله تكونوا حبيتوه
أنت تقرأ
سحرتني عيون أمواج البحر واغرقتني بـــ امواجها
General Fictionتسحره بعيونها اللي مثل امواج البحر وهو ذيب ما يغرق علئ سهوله لكنها تغرقه بنت البدو في امواجها فكيف بينجي من ذا الامواج يسحرها بهيبته الطاغيه وبكلامه الموزون اللي مافي احد يقطعه وحكمته اللي تطيح الجبال للكاتبه: زمهرير
