بسم الله الرحمن الرحيم
للكاتبه:زمــــــــهرير
####################
في المزرعه
حازم: مادامت ذا المزرعه موجوده مستحيل تنسئ الماضي
هجرس: بس ماضيي حلو ماهو بشين
حازم: اكيد انها اتزوجت اش تبي فيها
هجرس: بس ابغا اسألها سؤال ليش راحت
حازم:اكيد خافت وبعدين خلاص انسئ الموضوع له 4 سنين وانت ما نسيت تزوج خلاص
هجرس: مدري بس احس اني بلقاها
حازم:حتئ لو لقيتها مابا تعرفها
هجرس: عيونها كفيله لمعرفتها
حازم : اش رايك ان احنا روح للبدو نغير جو
هجرس: ياريت
حازم: اجل يالله نروح وراحوا واخذوا لهم اغراض ومشوا بطريق البدو طبعاً هم يحبون البدو لانهم كريمين ونفسيتهم ترتاح
بعد اربع ساعات وصلوا للبدو ودخلوا وشاهين لاحظ سياره جايه من طريق المدينه وشافهم نزلوا وبدا يحيي بهم وقال:هلا والله باصحاب المدينه
هجرس:الله يحيك
شاهين:ابشروا عندنا
حازم:والله صارت معنا مشكله طويله عريضه وناضره هجرس بنص عين لانه يكره الكذب
شاهين:حياكم عندنا وقولوا لنا وش مشكلته
في مكان ثاني
سحر كانت تتكلم مع صاحبتها رهف صديقتها من الطفوله زي اختها
رهف:خلينا نخرج سحر
سحر:اي والله نفسي غير جو ليدخل عليهن شاهين وهو يقول: قهوه يا خويتي قهوه
رهف وهي متلثمه: ليه من عندنا
شاهين: ضيوف من المدينه بسرعه وكيك وحركات يعني ضبطوا الوضع
وبدت سحر ورهف يسوون اللي يبون وخلصوا وجاء شاهين واخذ القهوه والكيك والحلئ ودخل عليهم واعطاهم قهوه وقال:وش مشكلته ياخوي
حازم بكذب: يا خوي وش اقولك اسمع بس كنا في السوق وواحد كان يتكلم علئ رجال مسكين علئ قد حاله وانا واخوي ماقدرنا نسكت وضربناه ضرب لما خلناه هو والبلاطه سوئ وتخيل طلع الرجال اللي ضربناه ابن الشيخ والله وحنا هربنا قداكم يالبدو لانكم رجال ما حد يضر ضيوفكم
شاهين:لا والله ما حد لامسنكم وانا ابن الشيخ رامي
ليبلع حازم ريقه من الخوف ويقول في نفسه:(وشو ابن الشيخ رامي ياويلي ذا شيخ معروف والله لو يعرف ان حنا نكذب لا يموتنا ولا حد دري علينا بس ماعليه بشوف حل)
هجرس:اجل انت ابن شيخ القبيله
شاهين:ايه
هجرس: شرف لنا نقابل ابن الشيخ رامي بس والله ودي اخرج للصيد
شاهين:ابشر ولا يهمك ويقوموا عشان الصيد طبعاً هجرس صياد من النوع الاول
#################
عند سحر
سحر:يالله خلينا نخرج ونلف لنا شوي ويخرجن البنات من البيت ويتجهن تجاه الاحصنه
رهف:اجل انا بروح عند امي تراها تتصل علي
سحر:طيب
وبعد مده من جلوس سحر مع الاحصنه شافت 2رجال مع اخوها متجهين تجاه الاحصنه
شاهين:اجل اسمعوا انا رايح اجيب اغراض وبتأخر عليكم شوي
حازم:وانا بروح معك ويروحون ويتجه هجرس تجاه الاحصنه ويلمس حصان عجبه لكن الحصان ما هدئ بدئ يصيح ويرمح وجات سحر من خلف الحصان وبدت تهديه وهدا لها بسرعه واستغرب هجرس والتفت عليها وناضر في عيونها وهي ناضرت في عيونه وكأنهم يعرفون بعض وهجرس انسحر بعيونها اللي كأنها يعرفها من زمان ليقاطع تفكيره صوتها العذب اللي عرفها علئ طول:خير ليش تناضر
هجرس بصوت جهوري وطبعاً سحر عرفته من صوته:اناضر في العيون اللي غرقتني في امواجها من اربع سنين وما قدرت انجي من الامواج الا بعد شوفتك قدامي
سحر بكبرياء وقلبها باينفجر من الفرحه :لو يسمعوك تتغزل في بنت الشيخ رامي ليقلطوا رقبتك وبعدين اش رجعك
هجرس:مستعد اموت لاجل نضره من نضرات الامواج وبعدين رجعني الشوق
سحر بغرور:اذاً لازم تنهي ذا الشوق لانه من الماضي
هجرس:لو القصاص فوق رقبتي ما نسيته
سحر: اسمعني يالذيب انا لقيتك مصاوب وعالجتك وحق جلوسي معك 6شهور فهو عشان اعالجك وحنا مو من طبعنا نترك المريض ونروح وبعدين انا كنت في بلاد الغرب وانتظرت لين اهلي يجون
هجرس بحب: وهروبك وش يقولوله يا بنت البدو اللي خذتي قلبي معك ولعاد شفته الا الان
سحر:اسمع خلاص هذا من الماضي وانا ما هربت انا اديت واجبي وروحت ونقطه عند السطر
هجرس :اجل اتجهزي جاي بكره اخطبك وبتوافقين وتصيرين زوجتي شئتي ام ابيتي ونقطه عند السطر
سحر بغرور: ماعاش من جبر سحر علئ شي
هجرس: باعيش وباتعيشين معي
وتروح سحر وتخليه بعد فتره يجي اخوه حازم
حازم: عادك هنا يالله نروح
هجرس بفرح: لقيتها ياحازم لقيتها
حازم:قصدك البنت حق زمان
هجرس: ايه وباتزوجها وبعد فتره يجي شاهين
شاهين: يالله ياشباب كل شي جاهز
هجرس: والله مانقدر
شاهين: ليه عسئ ما شر
حازم بسرعه: ابوي في العنايه
هجرس:وشووو
حازم:دق علي ولد عمي قال ان ابوي في العنايه
شاهين بخوف:محتاجين شي بس دقوا علي
حازم: تسلم تسلم يالله سلام
ويروحوا علئ البيت في الطريق
هجرس بغضب: وش ذا الكذبه الغبيه
حازم: لا اش رايك اني اقول لهم انك لقيت عشيقتك الا قل لي كيف شفتها ويقول له كل شي
حازم : يعني هي اخت شاهين
هجرس: ايه
#########################
في بيت ابو حازم
بعد مده يدخل حازم وهجرس واهلهم جالسين يضحكون ويتكلمون
ابو حازم بغضب: وش قلت لولد عمك يوم خرج وهو خايف
هجرس بحده:ما قد شاف شي من الخوف
ابو حازم: هجرس
سمر تصفر بقوة وتقول:بس صراحة مع صوتك الفخم كنت خيالي وااااووو
هجرس:والله وتعرفي تصفرين
لمياء:ذوبت قلوب البنات والله حتئ قلوبنا
سمر:كنك ما تعرفين اخوك محط اعجاب البنات
لمياء:اكيد حبيبتي زين ووسيم وجمال وحركات وهيبه وذيب اسم علئ مسمئ
هجرس بسخريه:بنات وش بغيتن مني عشان ذا المدح
لمياء:احم احم صراحه لبغئ نروح عند صديقتنا عنده حفلة توديع عزوبيه وابوي مارضي
هجرس:ليه يبه عادي يروحن
ابو حازم:من اللي بايوصلهن ويجيبهن
هجرس:انا يبه
الكل:غريبه
ام حازم:يا وليدي غريبه من يوم جيت وانت متغير
هجرس :دامكم مجموعين اجل بقولكم انا بتزوج
ابو حازم:الساعه المباركه كسرت الشر يا وليدي والبنات يزغرطن
انوار:من البنت
هجرس:من البدو
الكل:كيييف
هجرس:واحده من البدو ابيها وبتزوجها ان شاء الله وبكره بنروح نخطب
ابو حازم:انت عارف ممنوع تتزوج برا القبيله وبعد بدويه انت جنيت
هجرس:يبه انت تعرف القوانين ما تهمني واذا علئ البداوة الرسول صلئ الله عليه وسلم بدوي
الكل:اللهم صلي وسلم علئ سيدنا محمد
ابو حازم بقلة حيله:بنت من
هجرس:بنت الشيخ رامي ........ من قبيلة ال.....
ام حازم :والله ذا الرجال صيته في كل مكان
ابو حازم:بنشوف
هجرس:وش اللي بنشوف بكره بانخطب والزواج بعد اسبوع
اسامه:بس انت ماجهزت شي
هجرس: في يومين اجهز كل شي بس اهم شي نخطب خايف تروح من يدي
الكل:حركات يا هجرس
هجرس:اجل ابوي اتجهز انت والعيال وانتي يا امي والبنات
انوار:السموحه هجرس بس زوجي بيمر ياخذني الليله
هجرس:الله معك يا خويتي محتاجه شي قولي
انوار:سلامتك وانا خويتك
#########################
في قبيلة سحر
سحر مع نفسها(ياويلي وش اسوي ذا مجنون مستحيل اقبل لازم يعرف مدين)
وتروح لمدين وتقول:مشغول
مدين:لا تعالي
سحر:بقولك شي وتقوله القصه كامله
مدين:زين خلاص هو يحبك من قلبه وافقي
سحر:انت جنيت وش اوافق يا خبل ابوي لو يدري ان عالجته وجلست 6شهور بيذبحني
مدين:بس انتي كنتي مخطوفه
سحر:بس انا قلت له مع عدة بنات
مدين:تبينه ولا لا
سحر :خايفه
مدين:اطرحي عليه شروط تعجز واذا هو صدق يبيك بيوافق
سحر:طيب
انتهئ البارت
ان شاء الله تكونوا حبيتوه
أنت تقرأ
سحرتني عيون أمواج البحر واغرقتني بـــ امواجها
General Fictionتسحره بعيونها اللي مثل امواج البحر وهو ذيب ما يغرق علئ سهوله لكنها تغرقه بنت البدو في امواجها فكيف بينجي من ذا الامواج يسحرها بهيبته الطاغيه وبكلامه الموزون اللي مافي احد يقطعه وحكمته اللي تطيح الجبال للكاتبه: زمهرير
