سحرتني عيون أمواج البحر واغرقتني بـــ امواجها

3

بسم الله الرحمن الرحيم
للكاتبه :زمــــــــهرير

###################
صباحاً في بيت ابو حازم
يتجهزون عشان يروحوا يخطبون سحر
ويطلعوا السياره ويمشون لقبيلة سحر
بعد مرور اربع ساعات يوصلون وتحيي بهم القبيله ويخرج ابو سحر:حياا الله بضيوفنا الكرام تفضلوا ويروحون معه ويجلسون ويتقهوون

في مكان الحريم
رهف تجلس عندهن وتتكلم وتقول لمياء:وش اسمك
رهف:رهف
لمياء:انتي بنت الشيخ رامي
رهف:لا والله بنته سحر بتتدخل الان  وتدخل سحر وكلهن ينسحرن من جمالها وعيونها ماكنها بدويه وتقول:حياكم الله نورتوا
ام حازم: الله يحيك كم عمرك يا بنيتي
سحر:20 ياخالتي

في مكان الرجال //

ابو حازم: والله يا ابو شاهين جيتك في كلمة راس
ابو شاهين: اقلط وانا خويك
ابو حازم : جايين نخطب بنتك الكبيره لولدنا هجرس
ابو شاهين: الساعه المباركه بس اول بنشوف رأيها
ابو حازم:اكيد طبعاً وان شاء يكون الرأي الزين
بعد مده يروحون
ويقول ابو سحر لعياله:والله هجرس رجال اجودي مستحيل اختكم تلقئ زيه ابد

###################
في الطريق
سمر: والله انها تجنن
لمياء: زينه ماشاء الله زينه
ام حازم: اذكرن الله بس والله مانت بسهل ياهجرس عساك تعرفها ويوم تبي تخطبها
طبعاً هجرس مايعرف يكذب
هجرس:اي  قاطعه حازم بصوت كبير :لا يمه لا بس في ناس وصفوها
سمر: هاي انت ترا امي ماهي في الصين عشان ترفع صوتك بذا الطريقه
ام حازم: وهي صادقه
حازم بهمس: الله يبليك بغيت تورط عمرك تدري لو يعرفون انها هي لا يرجعون يفسخون لازم تتعلم تكذب ولا بتروح فيها
هجرس: دامك موجود ما في داعي اكذب
حازم بغيض: لا والله خلاص ماعدني مساعدك
هجرس: امزح امزح ساعدني مالي غيرك بعد الله

######################
عند سحر
سحر جالسه يناديها ابوها : سحر هاتي لنا قهوه وتعالي
سحر: ابشر  وتسوي القهوه وبعض الكيك وتخرج هي وابوها واخوتها في الحوش
ابو سحر: حي الله بنيتي
سحر: الله يحييك بس من ذولا الضيوف
ابو سحر: جايين يخطبونك
سحر بكذب: انا
مدين بسخريه: ايه انتي  وتدكمه سحر وتقول بهمس: اص لا والله اعلم شاهين بقلة ادبك
مدين:خلاص خلاص
ابو سحر: اسمعيني يا بنتي هجرس رجال زين وهو هيبه وقال لي مستعد يبيع العالم كله عشانك وله كلمته وهيبته وانا قلت لهم موافق
سحر: طيب ابغا فكر
ابو سحر باصرار: مافي تفكير انا خلاص بقولهم وبنحدد الزواج
سحر بحزن:بس يبه انت تجبرني
شاهين: عشان مصلحتك يا سحر ابوي يدور لراحتك
سحر: يعني وجودي مضايقكم
ابو سحر يقوم يحضنها ويقول: لا والله لو اشيلك شيل ما اتعب بس يابنتي ذا نصيبك خلاص
مدين: يبه ابي سحر بكلمة راس ويغمز لا بوه واخوه ويفهمون انه الوحيد اللي يقدر يراضيها
ابو سحر: روحوا روحوا وانا ابوك
ويروحون الغرفه ويغلق مدين الباب ويقول : سحر والله انه رجال وبعدين ذاك اليوم انتي قلتي انه هيبه وكذا
سحر: ايه بس خايفه مدري كيف
مدين:اشرحي لي
سحر:صح انه هيبه وبعدين ذاك كان اعجاب بشخصيته مو حب
مدين: ايه بس هو يحبك وصدقيني بيسوي اي شي عشان تحبينه لانه رجل صادق ذلحين روحي عند ابوي وقوليله انك موافقه وبعد الزواج سوي فيه اللي تبين
سحر:طيب  وتخرج سحر عند ابوها وتقول :خلاص انا موافقه بس عندي شروط ان وافق طيب وان ما وافق فهو مايبيني
ابو سحر:وش شروطك
سحر بتوتر:يوم يجون بقولها له
ابو سحر:بس حنا عندنا الحريم مايقابلون الرجال
سحر: مدين وشاهين بيكونوا موجودين
ابو سحر:اجل بروح كلمهم  ويروح يكلمهم  ويقول شاهين: وش شروطه يامجنونه
سحر :بقولك بس لاتعصب وبعدين هذا اختبار له
مدين:خلينا نقول له وش صار قبل 4 سنين
شاهين: وش صار
سحر:بقولك.بس لا تقول لابوي بازعل منك
شاهين : ابشري يالله قولي
سحر: قبل اربع سنين وعمري16 سنه صح انا ضعت عليكم لمدة 6شهور
شاهين: ايه
سحر : في ذاك اليوم كنت امشي مدري وين ضايعه وفجأه لقيت هجرس مصاوب في مكان في الشارع وبعدين اخذته ورحنا لشقته وعالجته وجلس في غيبوبه لمدة اسبوع وقلت انا والله ماخليه وبعدين صحئ من الغيبوبه وبديت اعالجه ولما سألته اشلون صار كذا قال لي انه تضارب هو وواحد وبعدين انصاب وبدينا نتعرف علئ بعض وعشت معه لكن كان وقت النوم كان يخرج من البيت ومايرجع الا الضهر عشان انا ارتاح في النوم وجلسنا علئ ذا الوضع 6 اشهور وبعدين خلاص هو صار بخير وانا قررت ارجع لانه بدء يتعلق فيني وقال لي انه بيتزوجني ويرجعني عند اهلي وانا كنت صغيره فقررت اهرب واخذت فلوس من فلوسه وهربت وبعدين انتوا لقيتوني والظاهر انه جلس يدور لي وبعدين يوم جاء عندك ياشاهين شافني لما جاء يخطبني
شاهين : وانا اخر من يعلم بذا الموضوع وبعدين يوم عشتي معه كنتي ملثمه
سحر: ايه
شاهين: اجل اسمعي باتصل عليه
سحر : طيب   دق شاهين علئ هجرس وفتح المكبر
شاهين: هلا والله ابوي كلمكم
هجرس: هلا ايه كلمنا شخبارك
شاهين : طيب الحمد لله اجل الشيخ طردكم يوم ضربتوا ولده هاه
هجرس:انا كنت بقول لك الصدق لاني ما اعرف اكذب بس حازم الله يهديه
شاهين: المهم سحر عندها شروط
هجرس: موافق
شاهين: لذا الدرجه تحبها
هجرس: بجنون
شاهين:بس هي متردده
هجرس:قل لها والله لخليها تحبني وتعيش معي حياه سعيده وانا مستعد للي تبيه
شاهين:انت تعرف ان حنا يالبدو مهرنا غالي
هجرس:لو تطلب قلبي لخرجه لها
شاهين:هذا هو الحب يا رجال الله يسعدكم اجل باتجون بكره عشان نتفاهم
هجرس:ان شاء الله
شاهين:فمان الله
هجرس:الله معك  ويغلق الجوال ويقول شاهين:الرجال يحبك وشاريك بطلي عناد 
سحر:طيب   وتروح سحر وتجلس تفكر مع نفسها
################################
عند بيت ابو حازم
ابو حازم :وافقوا
ام حازم:اجل اتصل علئ خوك وقل له
ابوحازم يرن علئ اخوه
ابو حازم:هلا خوي اخبارك
ابو احمد:الحمد لله علومك
ابو حازم:خطبنا لهجرس
ابو احمد: الحمد لله ريحتنا الله يريحك الف مبروك الف مبروك
ابو حازم:الله يبارك فيك خبر العيال والبنات
ابو احمد:اجل الله معك
ابو حازم : مع السلامه

#####################
في بيت ابو احمد
ابو احمد:دامكم مجموعين ابا بشركم هجرس خطب
الكل فرح بإستثناء شهد   اللي طلعت فوق تبكي
احمد:وشبها
ندئ:تعبانه بطنها توجعها بقوة
احمد:تبغانا نوديها للدكتور
ندئ:لا لا مافي داعي بروح بشوفها  وتطلع عندها وتدخل وتقول:انتي جنيتي تبغين اهلي يشكون فيك اعقلي
شهد:اتزوج وخلاني
سماح:اعقلي علئ اساس هو ميت عليك خلاص هو مايبيك وراح لنصيبه
شهد: والله لخليها تندم
ندئ: اسمعيني عدل اذا سويتي شي لبنت الناس بروح بقول لاحمد وهجرس كل شي وانتي عارفه وش بيسون فيك اعقلي
شهد: بدل ماتوقفون معي واقفات ضدي
سماح: مابا نخرب بيت حد عشانك واللي يسمعك يقول انه ميت عليك
ندئ: وهي صادقه نصيبك بايجي لك وخلاص

#################
في بيت ابو حازم
نجلاء (زوجة حازم): واخيراً بنفرح بهجرس
منيره(زوجة اسامه): ايه بس يا خوفي تكون اجمل مننا ويحبونها اكثر
نجلاء: انتي مارح تبطلين ذا الحقد كله
منيره: هذه الحقيقه

انتهئ البارت
ان شاء الله تكونوا حبيتوه