بسم الله الرحمن الرحيم
للكاتبه//زمــــــــهرير
في بيت ابو حازم////
نجلاء (زوجة حازم): واخيراً بنفرح بهجرس
منيره(زوجة اسامه): ايه بس يا خوفي تكون اجمل مننا ويحبونها اكثر
نجلاء: انتي مارح تبطلين ذا الحقد كله
منيره: هذه الحقيقه
نجلاء:ترا يوم من الايام ربي بايبليك علئ حقدك اعقلي وبطلي هبل
منيره: يوووه منك ما حد يقولك شي
في نفس البيت//
لمياء:الا سمعت عمتي بتجي
سمر بإستهزاء: من كثر ما هجرس يحبها وبعدين الكل عارف ان هجرس ما يحبها لانه انسانه همها الفلوس
لمياء:اي والله صادقه وبعدين ما تطلقت الا يوم زوجها ما عنده فلوس
سمر: اعوذ بالله اش ذا العمه
لمياء: اقول خلينا نطس داخل والله لابوي يسمعنا ان ننطرد من البيت ما كملت كلامها الا وهجرس يقطع كلامها ويقول: من اللي بايطردكن
لمياءبتوتر: لا بس كنا نمزح علئ خلق الله
هجرس بحده: وش صاير
سمر: عمتي مشاعل باتجي
هجرس بغضب: وليه ان شاء الله
سمر: تطلقت من زوجها
هجرس: جايه مو حب لنا الا تبغئ تخرب بينا وبين ابوي والفلوس تبيها
لمياء: عاد وش نقول ذه عمتنا
هجرس بحده: عمتك انتي وياها طبعاً البنات خافن من كلامه لانه مايحب مشاعل ابد
مشاعل(العمه الكبيره وهي الوحيده انسانه حقوده تحب الفلوس وتبغئ تزوج هجرس بشهد وتكره ام هجرس لان اهلها كانوا فقيرين)
لمياء: الا ياهجرس متئ بتروح تتفاهمون
هجرس بإبتسامه: بكره
سمر: وااااو اول مره اشوفك تبتسم
هجرس يدارك نفسه ويقول بجديه: متئ حفلة العزوبيه
لمياء:بعد بكره
هجرس:امممم اجل اسامه هو اللي بيوديكن
سمر: بنات عمي عبد الرحمن(ابو احمد) بيجن معنا
هجرس:طيب
#####################
مر الوقت بسرعه وصار الصباح
هجرس يتجهز هو وابوه واخوته عشان يروحون
وفي الطرف الثاني قريب اخوات هجرس فرحانات من يشوفن اخوهن تغير للاحسن
والطرف الثاني بعيد شوي شهد تتوعد لسحر بانواع الخطط بعد ما عرفت ان عمتها مشاعل جايه وبتوقف معها
وفي قبيلة البدو سحر تتجهز لهجرس بالشروط المعجزه عشان تخليه يرفض وفرحانه في نفس الوقت بس خوفها اكبر ما تدري ليه
هجرس وابوه واخوته ركبوا السياره وام حازم تدعي بكل الخير ان الله يوفق عيالها وزوجه ويروحون طريق البدو بعد اربع ساعات يوصلون القبيله
####################
في قبيلة ابو سحر
سحر خايفه ومتوتره ماتدري ليه يدخل عليها اخوها شاهين ويقول:هذا وانتي بس باتقوليله الشروط اجل ليلة الدخله وش بتسوين ترميه سحر بالمخده وتقول: انقلع يا منحرف وتصير خدودها حمر وهي تفكر في ليلة الدخله ليقاطع تفكيره وقوف سياره عند بيتهم وتعرف انه هجرس من ابوها اللي يحي بهم
ابو سحر: حيا الله ب ابو حازم حيا الله
ابو حازم: الله يحييك و يديمك علئ رؤوسنا
ويدخلون المجلس ويجيب مدين القهوه والكيك ويقول مدين:اقلطوا يارجال حياكم
ويبدوا يتقهوون ويقول هجرس: انا جيت عشان نتفاهم وسمعت ان في شروط
ابو سحر: حياك البنت تقول ان عندها شروط وانت تعرف بنتي الوحيده ودي طيب خاطرها باللي تبي
هجرس بحب: لا تخاف عليها احطها بقلبي قبل لا حطها بعيوني وبنتك امانه عندي بعد الله وماني مفرط فيها
ليطمئن ابو سحر من حس ان هجرس يبيها
ابو سحر: انا تدري كم المهر
ابو حازم: قول وحنا موافقين
ابو سحر:من بيجيب المهر
ابو حازم:هجرس
ابو سحر:ايييه اجل المهر هو قلادة ذهب كبيره واربع اسوارات ذهب ودبله ومحبس وكف ذهب وحلقتين ذهب واربعه خواتم ذهب وحزام ذهب وشنطتين من كل شي من ملابس لا عطورات وغيرها
والكل انذهلوا من كمية الذهب ليقول حازم لاسامه بهمس: ابوك والله لااشتغل طول عمري ما جبته لكن اخوي هجرس بيجيبه له 18 سنه يشتغل وانا لي 8 سنين ابوك يا النكبه اصغر مني واغنئ مني والله ان خوي رجال اكيد طالع علئ خوه الكبير ويدقه اسامه وهو يهمس: اص الله ياخذك لو يدري هجرس ليذبحك وبعدين تمدح نفسك علئ ايش
هجرس بصوت فخم وجهوري والكل انتبه له:موافق يا عمي
ابو سحر:اجل الساعه المباركه وانت روح مع العيال عشان تسمع الشروط وان وافقت نحدد الملكه والعرس
ويقوم هجرس وشاهين لعند سحر ويدخل شاهين ويقول لسحر المشغوله: قومي تغطي عشان تقوليله الشروط واقطبي علينا لابوي يدري انك اللي قلتيه ليذبحنا كلنا
سحر وهي تتغطاء:تمام يالله ويدخل هجرس ويوقف عند الباب وضهره للباب وهي وراء الباب بحيث ما يشوفها
انتهئ البارت
ان شاء الله تكونوا حبيتوه
أنت تقرأ
سحرتني عيون أمواج البحر واغرقتني بـــ امواجها
General Fictionتسحره بعيونها اللي مثل امواج البحر وهو ذيب ما يغرق علئ سهوله لكنها تغرقه بنت البدو في امواجها فكيف بينجي من ذا الامواج يسحرها بهيبته الطاغيه وبكلامه الموزون اللي مافي احد يقطعه وحكمته اللي تطيح الجبال للكاتبه: زمهرير
