အတာ့ရင်ခုန်သံ လှိုင်း

အခန်း-၃

"အန်တီ ဒီထဲဆားနည်းနည်းထည့်မှအဆင်ပြေမယ်ထင်တယ် "

"အေးအေး ။သမီးလှိုင်းအဆင်ပြေသလိုကြည့်လုပ်လိုက်ပါကွယ် ။အန်တီဒီကြက်သားအိုးလေးကို လွှတ်လို့မရလို့ "

"ဟုတ်ဟုတ် "

မနက်လေးနာရီထဲကထပြီး အန်တီရယ် ၊အိမ်ဖော်မလေးနှစ်ယောက်နှင့်လှိုင်းတို့ဆွမ်းကပ်ရန်နဲ့ ဧည့်သည်များကျွေးရန်ချက်ပြုတ်ရသည် ။ရီရီကတော့မချက်တက်ပေမဲ့ဝိုင်းကူရုံသာ ။

"မိရီရီ ညည်းအဲ့ဒီမုန်လာထုပ်ထိုင်လှီးတာပြီးပါ့အုံးမလား "

ကာတွန်းရုပ်ပါသည့်ညဝတ်အင်္ကျီဝမ်းဆက်နှင့်ဆံပင်တွေကဖြစ်သလိုစုစည်းထားပြီး ထမင်းစားထိုင်ခုံပေါ်အကျအနထိုင်၍မုန်လာထုပ်ကိုလှီးနေတာက အတော်ကိုကြာနေပါပြီ ။

"မာမီကလည်း မာမီပဲသေးသေးလေးတွေဖြစ်အောင်လှီးဆို ။အဲ့ဒါကြောင့် "

"ဟဲ့ ။အဲ့လောက်ကြီးထိ မသေးလည်းရတယ်လေ "

မနက်စောစောတည်းကတကျက်ကျက်ဖြစ်နေတဲ့ရီရီတို့သားအမိကိုကြည့်ရင်း လှိုင်းပြုံးမိသည် ။
ရင်းနှီးပြီးသားမြင်ကွင်းမို့ လှိုင်းအတွက်တော့နေရမခက် ။ထို့နောက်တာဝန်ယူထားတဲ့အပိုင်းကိုပဲ ပြီးစီးအောင်လုပ်ရတော့သည် ။မနက်ဆွမ်းအမှီချက်ရမည်ပင် ။

အားလုံးချက်ပြုတ်ပြင်ဆင်ပြီးတော့ မနက်၆နာရီခွဲပြီ ။၇နာရီမှာဆွမ်းကပ်ရမည်ကြောင့် စောစောထဲကမုန်လာထုပ်သာလာလှီးပေးပြီးအချိန်ကုန်သွားသည့်ရီရီကို ပြင်ဆင်ဖို့လွှတ်လိုက်နှင့်သည် ။

လှိုင်းလည်းရေချိုးရန် အပေါ်ထပ်တက်ရတော့သည် ။

"လှိုင်းခုမှရေချိုးမလို့လား "

"အင်းလေ "

"နာရီဝက်တော့လိုပါသေးတယ် ။မြန်မြန်ပြင်ခဲ့ဆွမ်းတူတူကပ်ရအောင်လို့ "

"ဟုတ်ပါပြီ "

မနေ့ကခေါင်းလျော်ထားသည်ကြောင့် ခေါင်းကတော့မလျော်ရတော့ရေကိုခပ်သွက်သွက်ချိုးရတော့သည် ။နွေရာသီပူစပ်စပ်မှာ မနက်ခင်းရေအေးအေးလေးနှင့်ချိုးလိုက်ရတော့လန်းဆန်းကာနေလို့ကောင်းသွားသည် ။