ريم : اوبا .. اسمع اصبر ابرر لك
سامي : ايش تسوين برا هالوقت ؟ وطالعه بهالشكل
ريم : هو ... هو انا طلعت اقابل خطيبي محمد
سامي : طيب عالاقل تستأذنين مني
ريم : شفتك نايم ماحبيت ازعجك
تنهد ابوي وقال
سامي : ريم شايفتني طفل ابو سنتين تضحكين علي ؟ وش كنتي تسوين مع صالح برا ؟ اتوقع انتي الان مخطوبه
ريم : شدعوه يابوي بتفهمني غلط ؟ والله انه كان يفضفض ومتضايق طبيعي بوقف معاه مابخليه
سامي : اطلعي غرفتك
حسيت ان ابوي كان فعلا متضايق ... بس انا ماسويت شي يزعله لهدرجه
طلعت وانا زعلانه ان ابوي زعلان مني ..
صحيت اليوم الثاني رحت سويت غداء عشان اراضي ابوي
دخلت غرفته اصحيه بس مالقيته ... ابوي مايصحى هالوقت
دقيت عليه ورد علي
سامي : هلا ريمي
ريم : ابوي وينك؟
سامي : مشغول شوي
ريم : بس سويت لك غداء اليوم من يدي تعال كل
سامي : مالي نفس والله يابنتي
قال كذا وقفل الخط وتركني مصدومة ... ابوي ليش قاعد يتصرف كذا ؟ لهدرجه زعلته!!
فتحت جوالي ودخلت سجل الارقام .. قعدت اطالع رقم صالح و ومحمد .. وانا ودي افضفض بس ما ادري لمين فيهم ...
ريم بنفسها : ليالي ذي يبيلها تفكير ؟ محمد طبعًا ..
دقيت على محمد وطول شوي لين ما رد
محمد بتوتر : ايوه .. ايوه هلا حبيبتي
ريم : شفيك متوتر ومرتبك كذا؟
محمد بتوتر : لالا وش متوتر مافي شي
ريم : اها .. طيب اجي بيتك ؟ ابي اكلمك بموضو....
قاطعني وهو يقول : لا ! لاتجين انا .. انا بجيك بجيك
ريم : اشبك؟؟
محمد : مافي شي خلاص امشي نتقابل بالمقهى الي كل يوم سلام
قفل الخط وانا مدري وش سالفته
شفيهم الناس اليوم ؟؟؟
طلعت تجهزت ودقيت على ابوي وعلمته اني بطلع
وصلت للمقهى وشفته جالس يستناني
جلست عنده وقلت : ابغى افضفض بموضوع مضايقني
طالعني بنضرات استخفاف وقال : هذا الي مطلعتني عشانه ؟
استغربت من رده .. اشبه ذا !
