البليهي : ايش صاير هنا ؟
ريم بعصبيه : اسأل صديقك المريض !!
طلعت وانا قافله معي ، مو طبيعي كل ماشفتهم لازم اعصب !!!
جلست بمكاني ولاحظت ان صالح عيونه علي ، نفس نضراته المربكة الي قبل شوي !!
ما ادري ليش انحرجت من لبسي .. ماكنت انحرج من ملابسي الي كذا كنت احب الستايل هذا !!!
جا البليهي من وراي وحط قدامي كاسة شاهي
البليهي : تفضلي ذوقيه صنع يدي
مافكرت اني اخذت هالشاهي من اخبث مخلوق
شربت منه وبغيت ارجع الله يكرمكم ... ملح !! حاط ملح بالشاهي !!!
طالعت فيه وهو كان يطالع فيني ويضحك وانا متوعده فيه ، البعير ذا مانسى !!!
المعيوف : ريم اي تخصص تدرسين ؟
ريم : امن سبراني
المعيوف : ماشاءالله الله يوفقك
حطو العشاء وتعشينا وابوي كثر سوالف معهم بعد العشاء وانا تعبت وجاني نوم .. من كثر الملل نمت على الكرسي وماحسيت بنفسي
انتبه لي ابوي وضحك وقال
سامي : انا استأذنكم دامها نامت باخذها وبنروح
سلمان : لا والله حلفت عليك تقعد ما امدانا سولفنا
قام صالح وفصخ جاكيته الي كان لابسة وغطاني فيه
صالح : اقعد يا عم خذلك ربع او نص ساعه بعدين امشو
بعد نص ساعة تقريبا قرر ابوي يمشي خلاص جا وقومني وانا اذا نمت وقومني احد ما استوعب اي شي
قمت و وقفت وقلت
ريم : ويننا فيه نحنا
ضحك ابوي وقال : هيا يا ريمي بنروح
جا بيشيل جاكيت صالح عني ويرجعة له بس انا تمسكت بالجاكيت وقلت
ريم : لا لا برد خليه
سامي : اعذرني ياصالح
صالح : لا ابد عادي
سامي : بترجعه لك بكرا ، يلا استأذنكم
ركبت السياره مع ابوي ورجعت للبيت بدون ما اغير ملابسي او امسح الميكب او حتى افصخ الجاكيت
نمت وكنت حاضنه الجاكيت .. كان فيه ريحه حلوه ، انا اساسا ماكنت ادري هو حق مين حتى
اليوم الثاني ..
صحيت وشفت جنبي جاكيت واضح انه حق اولاد ، حطيت ببالي انه لابوي ، بعدين استوعبت ستايل ابوي ابدا مو كذا
حذفت الجاكيت ب زاويه الغرفة وانا مصدومه ، وش ذا وحق مين !!
قمت بدلت ملابسي ومسحت الميكب ودق ابوي باب الغرفة
