شيخ كلبي

البارت الرابع

4

منا تبدي القصة

اخذني عمي وياه والطريق جان كلش طويل ودعت بغداد بعيون مليانة دمووع وگلب محروك

ودعت بابا ودعت احلامي ومستقبلي ودعت امي وبيتنة حسيت هاي اخر مرة اشوف بيها بغداد

جان عمي الطريق كلة يكسر علية ويخفف شكد حنين مثل ابوية ويشبها حيل اكيد اخو بعد وكل شوية يجيبلي اكل ومي وعصائر وخايف علية مثل بابا من جنةانسافر

الطريق كلة يسولفلي على اهل ابوية عمامي وولدهم وبناتهم وعيشتهم وع جديتي وجدي والعيشة هناك

بعدين وصلنة لمناطق اتخبل كلها خضار ومي وشط وريحة الزرع اتخبل حتى ااجو اتغير احس صار ابرد شوية
ورة شوي كلي وصلنة جانت البيوت متباعدة بين بيت وبيت مسافة جان بيتهم كلش جبير قصر ايخبل جبير كلش وحلوو جان كاعد حارس بالباب فتح الباب وفوت عمي السيارة بالكراج وهو بس الكراج 3 سيارات بي ووحدة احلى من الثانية
تلكتني مرة جبيرة الي هي جديتي ماتعرفت عليها بالفاتحة وماانتبهت لشكلها ورجال جبير الي هو جدي
اخذوني بالاحضان ويبجون
جديتي..هلا بالغالية بنت الغالي نور البيت حبيبة وتبوسني منا ومنا ودموعها مثل المطر اخذتني الحضنهة واتشم بية واتكلي من ريحة الغالي
جدي ..هم حضني وكلي نورتي حبيبة ابيتج وباسني

واخذوني جوة كامن يجن نسوان التمن علية يبوسن بية عماتي ونسوان عمي وبناتهم
وصافنين علية لأن لبسي مومثل لبسهم جاية من بغداد جنت لابسة كلة اسود قميص اسود طويل لأن ماعندي رداء ومو محجبة اصلا وبنطرون اسود وشعري  لامتة ذيل ححصان وهو طويل كلش جوة ظهري بابا مايقبل اقصة جان
فتت جوة كعدت كالولي ارتاحي وصعدولي الجنط وجوي كعدوا يمي بس صافنين علية
ماشاء الله همة كومة جيش بيتهم كلة صوت وحركة وناس طابة  ماتحس بوحشة

جتي كعدت يمي بنية تطلع من مواليد بداية ال90 حلوة وشكرة
سجى..تعرفيني
جوان..لا ولاصغرا بيج
سجى ..اني عمتج اصغر وحدة بيهم اكيد المرحوم جان يسولفلج عني
جوان..يي ..وبدت اتسولفلي عليهم وعلى عيشتهم وتعرفني بيهم
سجى..شوفي هاي بس بالليل ينجمعون يمنة بالنهار البيت فارغ تعرفين ديوان وشيوخ عشيرة عمامج يلتمون هنا بالبيت
بعدين صبوا عشة وبلگوة اكلت
سجى .اذا كملتي تعالي اعرفج على عمامج

وجرتني من ايدي فتنة للغرفة الكعدة مال الزلم جانو هستوهم مخلصين عشة كلهم زلم وشباب حيل استحيت عرفتني عليهم وعلى ولد عمامي كومة خرب وكلهم واحد احلى من الثاني دشاديشهم والهيبة
سجى..هذا عمج صالح وجاسم وعلي وحسين وحسن
وعرفتني على الشباب
ولد عمي صالح ..راشد ومثنى
ولد عمي جاسم ..ايوب وسرمد
وعلي..كامل وسلام ويعقوب
وحسين ..بس بنات عندة
وحسن..عندة اصغار بس جهال

سجى ..وبقة  فواز ابن عمج اكبر واحد بيهم كلهم ابن عمج صالح الجبير وفواز هو شيخ العشيرة جدج معتمد علي بكل صغيرة وجبيرة وهو عايش هنا ويانة بالبيت لأن لازم اربع وعشرين ساعه يكون بالديوان لأن عمامج كلمن شغلة مايهتمون لأمور العشيرة والمشيخة ولدهم هم بس فوازطلع ع جدج لأن جدج رباه

جوان..هاا
صعدتني فوك شوفتني البيت قصر مو بيت
شوفتني غرفتي
وبدلت وذبيت نفسي على جرباية ونمت نومة عميقة من التعب
كعدت الصبح ب7 حسيت هدوء مو مثل بالليل نزلت جوة ماكو احد شفت مرة بالمطبخ تسوي ريوك
جوان..صباح الخير
ام رياض ..صباح النور
جوان..منو انتي ماشفتج البارحة
ام رياض..اني اشتغل يم الشيخة اجي الصبح انظف واركب واروح
جووان.هاا

فتحت الثلاجة اخذت تفاحة
وانداريت وانضربت بواحد

فووواز...كعدت الصبح سبحت وبدلت لبست دشداشة بيضة ونزلت جوة شفت وحدة واكفة يم الثلاجة مندارة  استغربت منو هاي اللبس فري كلش تراك اسود والشعر طويل مفلول جوة الخصر ضليت صافن ماعدنة بنية هيج تلبس اندارت وشفتهة انضربت بية جنت واكف وراهة هاي بنت عمي محمد اتذكرتها من شفتها  نفسها بتشييع عمي وفوتتها جووة

جوان..اسفة ماانتبهت
ضليت صافنة طويل وضخامة وجسمة متناسق  و شواربه طوال عبالك ضابط وغترة ودشداشة بيضة وحنطاوي وعيون كبار و حواجبه ارتب من حياتي والعطر تارس المطبخ والسبحة بيدة يفر بيها

فواز..عادي ولايهمج ممكن تروحين تغيرين لبسج وتحطين شي على راسج بناتنة مايلبسن هنا هيج وولد عمامج يفوتون ويطلعون منا

جوان..ليش شبي لبسي وبعدين اني مو محجبة

فواز..كلشي مابي بس امفصل جسمج اتفصل

جوان...ضجت كلش منة هذا شبي منو يضن نفسة يتحكم بية هيج

صعدت فوك فتحت جنطتي ماعندي هدوم كلهن بجايم وبناطير شلبس هسة طلعت من الغرفة شفتة كاعد يفوت لغرفتة خزرني بعيونة هذا شبي كبرر

رحت لغرفة عمتي سجى ماكو هاي وينهم فتحت كنتورها ماعدها دشداشة سودة كلهن الوان احمر وبرتقالي واخضر غير ذوق عدها
رحت لغرفة جديتي لكيتها اتصلي كعدت يمها كملت بستها من راسها
جديتي..ها حبيبة شبيج ضايجة
جوان .بيبي هذا واحد بالمطبخ جان طويل ولابس دشداشة ايكلي غيري لبسج
جديتي..ههههه هذا الشيخ فواز ولد عمج
جوان...هاا شيخ على نفسة اني شكو حتى دشاديش ماعندي عمتي سجى دشاديشها بس الوان ماكو اسود
جديتي..فواز يغار على بنات عمة ويريدلهن الستر لاتضوجين اذا يخاف ع عرضة اخذي من كنتوري دشداشة ولبسيها مؤقت بين مااخذج لسوگ

لبست منها دشداشة سودة وطلع شكلي يخرب ضحك عريضة وبيها قصر خرب حضي
وشجابني ع الضيم جنت مدللة

للحكاية بقية .......