شيخ كلبي

البارت السابع عشر و الاخير

البارت السابع عشر والاخير

جوان...مر اسبوع على طلعة فواز من المستشفى حسيت صار احسن كلت لازم اكلة على قراري

فواز..كعدت الصبح فتحت عيوني لكيتهة كاعدة على حافة الجرباية من الجهة الثانية وتباوع ع ارض
صباح الخير حبيبتي

جوان..صباح النور

فواز..بيج شي

جوان..فواز انت صرت زين جنت انتظرك تتحسن حتى اكلك على قراري

فواز..شنو قرارج بخصوص شنو

جوان..فواز..اني مااكدر اعيش هنا خايفة كلش على نفسي. وعلى ابني ايسوولة شي

فواز..حبيبتي شكاعد اتكولين مستحيل يأذوج واني موجود وهذا بيتج

جوان..مااكدر اعيش هنا اسفة فواز لازم ارجع لبغداد ولدوامي

فواز..ما الج طلعة منا جوان

جوان...عوف كلشي وامشي انعيش ابغداد هم انت تخلص منا وهم اني اكمل دراستي

فواز..جوان سدي الموضوع

جوان...كام يتجاهل كلامي وكل ما اكلة ارجع لبغداد ايصير عصبي ويصيح واني هم بالفترة الاخيرة الحمل تعبني كلت اترك هاي السنة واداوم السنة الجاية وبطني كبرت صرت بالسابع

فواز..احسها متغيرة وبس ضايجة وعصبية

جوان.مرة كعدت الصبح فواز ماكو طلعت هدوء البيت

كاعدة انزل الدرج حسيت احد دفعني وكعت من. الدرج
وغوشت عيني وضلمت وماحسيت بعد

فواز..جنت بالديوان كاعد واسمع عياط نسوان طلعت لكيت سجى طلعت من جهة الحديقة واتكلي الحك راح اتموت نغزني كلبي وعرفت جوان بيها شي فتت اركض للبيت شفتهة يم الدرج والدم مغركها وتنزف

فواز..جووووان جووووان حبيبي كومي فتحي عيونج شلتها وركضت بيها للمستشفى

ضليت انتظر بصالة الانتضار طلع الدكتور

فواز..دكتور طمني بيها شي

الدكتور ..للاسف الجنين مات ووضعها خطر نزفت دم هواي
فواز..بجيت ونزلت دمعتي اني الي مااضعف ضعفت بهذا اليوم خسرت ابني ومرتي بخطر حياتها ليش مكاعد افرح

مرور يوم

جوان..فتحت عيوني حسيت بالمستشفى لزمت بطني ابني ماكو كمت اعيط واصيح فوووووواز

فواز..جنت احجي بالفون سمعت صوتها فتت لكيتها تبجي واتعيط ابني وين مات موو

فواز..الله يعوضنة بغيرة حبيبتي

جوان...كلة بسببك انت السبب لو مخليني ارجع لبغداد ماجان صار هيج بية وبأبني دفعوني من الدرج وخلوني اخسر ابني الشي الوحيد الي منطيني امل اعيش علمودة وخسرتة اكرهك دمرت حياتي همك بس نفسك وماتفكر بية