البارت السابع
مرت الايام ..
واني حالتي اتسوء اكثر نفسيتي متدمرة اتذكر بابا مو بس بابا عائلتي كلها امي واخوية
جنت كاعدة بالغرفة ضايجة اتذكرت فوني ماكو كمت اتدور علي بعدين اتذكرت بي عند فواز
اندكت الباب بهاي الاثناء
سجى ..شكاعد اتسوين وجاييج خطار جوة
جوان ..منو
سجى ..خالتج ام مروان
جوان..لاجذب
هاي الوحيدة من اهل امي علاقتنة زينة بيهم
نزلت اركض جوووة حضنتها وابجي
ام مروان..حبيبتي ليش تبجين
وكعدت اتسولف هي وجديتي ورة شوية فاجئتني
ام مروان..اني جاية اطلب ايد جوان لأبني مروان
من زمان حاجزتها الة وهسة كبرت وخطية مستقبلها يضيع هنا انريدها اتكمل دراستها
جوان ..كلش فرحت طرت من الفرح صارلي سنين انتظرهذا اليوم مروان دكتور ومايتفوت ابد
بس شفت بيبي ضاجت وعصبت خفت ترفض
جديتي..الشور شور جدها وعمامها
جوان..ضليت صافنة ليش هيج هاي حياتي واني اقرر
راحت خالتي واسمع صياح وحجي جوة بس مافتهمت
فواز ..اجتي خالتها وابن خالتها طلبوها من جدي وجدي ضل ساكت وباوع علية
فواز..البنية كاعدة ابيت جدها وعدها عمام كومة وولد عمام وتطلع للغريب مايصير ماعدكم نصيب يمنة
مروان..مو بكيفك البنية من هي صغيرة ويكولون إلي هسة صارت بنتكم واتذكرتوها
وتعاركنة شوي ونتضارب
ابو مروان..كوم ابني خل نمشي مانريد مشاكل
فواز ..من راحوا كعدت وية نفسي افكر ليش عصبت هيج وضجت من اجوي طلبوها اني الي جانت ماكو بنية تحرك شعرة بية هاي الزعطوطة جوان تهزني اووف سحرتني يمكن بس السانها الي هو يشيب المايشيب يجذبني ويحببني بيها
كاعد ودك فونها باوعت مروان رفضت المكالمة
ودز رسالة كاتب
مروان..احبج ومااتخلى عنج لاتخافين منهم اخذج واتصيرين مرتي عن قريب
فواز..اتخبلت معقولة اتحبة هي هم ..تحلم اتصير إلك دزيتلة رسالة
ماريدك ابن عمي خطبني
وقفلت الفون
وطلعت عصبي افوور رحت لصالة كلهم كاعدين ماكو هية
فواز....جوووووووان
جديتي..شبيك يمة اتصيح
جوان..هاا شكو شبيك
فواز...هاي كدام الكل راح اكولها ياجوان والكل تشهد اني ناهي عليج ماتطلعين من البيت الا على جنازتج فاهمة رضيتي وان مارضيتي واشهدوا كلكم اسبوعين واتصير مرتي
جووان..شنوو مو بكيفك هية اني مااتزوج واحد متخلف مثلك اعوف الدكتور واتزوج واحد شي9 عشيرة همجي يازمن عايشين اموت ومااصير إلك
فواز..عصبتني كلش بدون شعور ضربتها راشدي وكعت بالكاع وخشمها وحلكها كام ينزف
جوان..متخلف هذا الكادر علي تضرب واتمد ايدك على مرة
اخذتني سجى للغرفة
سجى ..شلون هيج تحجين وياه حقة يضربج شيخ والة هيبتة اتكليلة متخلف بنات عمج كلهن يتمنن لو بس يباوعلهن مو انتي
جووان..مو غصب الزواج واني ماحبة ولاريدة وكضيت عمري احلم بس بمروان يصير زوجي ومن يجي يحرموني منة
سجى..وافقي علي ترة نهى عليج احسن مايتزوج غيرج واتضل النهوة عليج واتضلين معلگة
جواان..لو يمووت
فواز ..ضجت منها وعصبتني حيل وانقهرت من ضربتهة ليش هيج سويت معقولة حبيتها بهل سرعه
الصبح كعدت شفتها بالمطبخ شفتها زركة ومشكوكة انقهرت كلش
بس ماحجيت شي وياهة
طلعت من البيت جنت معزوم مارجعت لليل لكيتها بالمطبخ واكفة ع طباخ شعرهة طالع من ورة مفلول مالابسة الحجاب زين ولد عمي فايتين طالعين للمطبخ
فواز..لبسي حجابج زين
جوان..مجاوبتة
فواز..سمعتي شكلت
جوان..لا اعذرني طرشة اني
فواز..لازم الراشدي مافاد وياج تعالي جريتها من ايدها اخذتها لمخزن بالمطبخ سديت الباب وخرت الشال لميت شعرها ولفيتة ولبستها الشال زين
ودموعها مطر
فواز..وحق هذا الله راح اشوفج ايام حلوة وياي وانسيج كل همومج وادللج دلال ماصار بس طيعيني وسمعئ الكلمة
جوان..ماحبك يااخي ارحمني
فواز..راح اتحبيني غصب عنج وهسة اتشوفين شلوون
للحكاية بقية..
YOU ARE READING
شيخ كلبي
Romanceفواز..جنت مستعد اخذها وانعيش ابغداد بس ماانطتني فرصة جوان..ننطيك فرصة شيخ فواز شنو ورانة فواز...جوان. .هاي شجابج فواز..سمعت صوتها بحلم اني جوان..عفت كلشي واجيتلك ياشيخ گلبي كلبي ماكدر يعوفك عبالك انحكم علية اضل بس إلك (و عسى ان تكرهوا شيئاً و هو خير...
