بارت العاشر
جووان..رجعنة للبيت واحس نفسي مو ذيج جوان الطلعت منة البارحة
حسيت احساس وشعور حلو احس شي بداخلي اتغير يمكن حبيتة او مجرد مشاعر مكبوتة بسبب وضعي والحرمان إلي اني بي صرت اهتم بكل تفاصيلة عجبني اكون زوجتة بديت اغسل وارتب ملابسة بأيدي اسويلة الاكل بأيدي
فواز..حسيتها اتغيرت حتى ضحكتها رجعت لوجهة احسها كامت تهتم بية زايد قررت ماطول الخطبة واتزوجها
جنة كاعدين ع عشة وكلهم ملتمين
فواز..ياجماعة الخميس الجاي عگب باچر عرسي
جووان..ضليت صافنة بعدني كلشي مامجهزة شعندة مستعجل
جوان..فواز اريد احجي وياك. شوية
فواز..كولي مرتي
جوان..ليش هيج مستعجل بعدني مامكملة تجهيز
فواز...من باجر الصبح كلشي انجهزة لاتخافين نلحك
جوان..واذا مالحكنة
فواز..شعندج هو ملابس تشترين وهاهية
الصبح
طلعنة اني وهو وجديتي وامة للسوك حاروا شنو اخذولي وصلنة لملابس النوووم ياكاع انشكي وبلعيني احس الحرارة صعدت براسي جديتي وامة يطلعولي وهو واكف يتفرج ويضحك واكلهم لا واحد اريد وشكو واحد مشلح وكلة تول وفضيحة اخذوه رحنة ع بدلات العرس والحنة اختاريت 3 بدلات يخبلن وردية ووزرقة للحنة وبيضة اكيد للعرس
رجعت تعبانة هلكانة هلاك فتت سبحت وبدلت ومددت ونمت ماحسيت لليل نزلت جووة
كعدت بالمطبخ وكل ساع اباوع ع باب ادري بي يفوت من باب المطبخ دائما
فواز..خلصت شغل بالديوان راحو الناس طلعت من الديوان من باب الحديقة وفتت للمطبخ شفتها كاعدة اول مافتحت الباب رفعت راسهة وابتسمتلي
جوان..اصبلك العشا
فوواز..انتي اتعشيتي ام جهالي
جوان...لا
فواز..ليش
جوان..مااشتهيت اكل
فواز..يلا تعالي وياي اكلي اريدج تسمنين هيج اريدجج مربربة اتصيرين
جوان...ههه لا اييع
فووواز...لج شوفي اشضعفج حتى لزمة مابيج
جوان...فواززز😡😠
فواز..جذب لعد
يوم الحنة
الصبح كعدت بدلت ورحنة كطعنة مهر محكمة وجابو الذهب
ب12 جتي ام الصالون للبيت مكيجتني ولبست البدلة الوردية
وكلهة اتباوع. علية طلعت تحفة فنية التسريحة بسيطة وخصل الجوة نازلة ومفلول وطولة امبين
وحنة الولد برة سووهة
فات هوو فدوة كشخة قاط اول مرة اشوفة بالقاط كلة دشداشة ووغترة يلبس
باسني من راسي وماشال عينة عني لبسني الذهب وحطولنة الحنة
شاورني
فواز..طالعه حلوة اتخبلين مثل العادة اوووف شوكت يجي باجر
جووان..😊☺
فوواز..باع خدودهة فدووة لتستحي
وراهة طلع وكامن يركصن النسوان ماصدكن طلع ويدبجن
وخلصت الحنة راحو المعازيم
رحت للغرفة فليت التسريحة ونزعت البدلة سبحت وطلعت دا نام
فواز..خلصت الحفلة وكلهة راحت فتت للبيت سبحت وبدلت مددت ماكدرت انام شكلها وجمالها ابالي مايروحن كمت رحت لغرفتها فتحت الباب لكيتها كاعدة ع حافة الجرباية وشعرها امبلل وكاعدة تظفر بي
فواز..احم ايصير افوت مرتي
جوان..لا مايصير زوجي روح نام وراك كعدة الصبح
فواز..دانام ومكدرت انام كلت اشوفج كاعدة نايمة
كعدت بصفها اخذت شعرها كملتلها الظفيرة
فواز...اوووف شنو هاي الريحة التخبل وخرت شعرها لجهة الثانية واشم بركبتها اووف مو ركبة فرولة
بستها من رگبتها ومن خدها باوعت عليها جمدت ابمكانها
فوازز..هههههه هاي شبيج صفريتي لعد باجر شلون شتسوين
جوان...فواز😒😡 كافي
فواز ..ههههه يلا نامي
وخر الفراش كلي نامي نمت وغطاني باسني من راسي وكلي
فواز ..نامي زين وارتاحي احبج ترة
جوان..من كلي احبج كلبي طلع من مكانة حسيت
اوف شكد حنون احسة علية
احبك والعشگ زايد
احبك يا احن واحد
احبك حتى من تزعل
ومن اتضوج وتعاند
اموت بشكلك وطبعك
اعشگ روحك وگلبك
عساني بعمري مامرتاح
اذا مليت من حبك
ماكو شي يبعدني عنك
يابشر ياخذني منك
اتصير هاي الدنيا جنة
ياحبيبي من احضنك
للحكاية بقية .....
YOU ARE READING
شيخ كلبي
Romanceفواز..جنت مستعد اخذها وانعيش ابغداد بس ماانطتني فرصة جوان..ننطيك فرصة شيخ فواز شنو ورانة فواز...جوان. .هاي شجابج فواز..سمعت صوتها بحلم اني جوان..عفت كلشي واجيتلك ياشيخ گلبي كلبي ماكدر يعوفك عبالك انحكم علية اضل بس إلك (و عسى ان تكرهوا شيئاً و هو خير...
