~عالم موازي~

8|لقد فعلناها.

لم أكُن قوية .. ناجحة .. الا بدعمك ، ووجودك بجانبي".
________
هجم عليها بقوة لتصرخ بشدة وهي تركض بعيد عنه وتضربه في بطنه راكضه وهو خلفها، حتي أمسكت المزهرية وهي تبكي بإرتعاشة

=طارق فوق طارق عشان خاطرى.. لو ق.. قربت منى هموتك هموتك بجد يا طارق..

لم يستمع لها فهو في حالة مرضية شديدة، تشجعت وهي تبكي بصعوبة وضربته بقسوة علي رأسه ليقع فاقدً للوعى، جلست بجانبه وهي تبكي بشدة وتضمه اليها مرددة

=انا اسفة اسفة أوى.

دقات علي جرس المنزل جعلتها تنتفض من مكانها ثم ابتلعت ريقها بهدوء وذهبت اليه قائلة بحذر

=م..مين؟

=انا اشرف افتحى يا فيروزة

فتحت بسرعة وهي تقول

=الحقني يا اشرف.. الحقني طارق أتصاب

=مفيش وقت لازم نمشي مش هينفع تبقى معاه في بيت واحد اكيد هيفوق وهيدمرك

=لاء انا مش هسيبه لوحده نهائي .. مش هسيبه

=فيروزة محتاجينك عشان العلاج ، لو عايزة تنفذي طارق فعلا .. احنا مسكنا واحد شغال في الشركة المصنعة للدواء إكس، ولازم نخليه يعترف.

تنهدت وهي تنظر ل طارق ثم قالت

=ماشى هاجى معاك بس بشرط، لازم نكتف طارق ونرجعله تاني عشان لو سيبناه ممكن يموت ويحصله حاجة مش كويسة.

=ماشي بينا بس خلي بالك.

سارا هما الاثنان بحذر وربطاه في المقعد بشدة وإحكام، واردف اشرف

=بينا بقي.

=روح جاية وراك

=مستنيكي برا متغبيش

اخذت مستلزماتها ولبس قوي وسكينة حتي تحتمي بطريقة جيدة، ثم مالت وأمسكت برأس طارق وهي تُقبلها برفق قائلة

=اوعدك هكمل اللي انت بدأته وهعمل كٌل اللي هقدر عليه عشان أنقذك .

غادرت المكان واغلقت الشقة بعدما أخذت المفتاح، وذهبت مع أشرف الي المعمل في حذر من مواجهة اي مُصابين، ولكن في طريقهم خرج اليهم مُصابين وهجموا علي السيارة بقوة صرخت فيروزة وهي بداخلها ثم بدأت تلفظ الشهادة، اردف أشرف

=انا هنزلهم، مش هيرتاحوا الا لما ياخدوا حد مننا كملي للمعمل يا فيروزة وساعديهم.. ارجوكي.

اردفت وهي تبكي بشدة

=لا يا أشرف ارجوك لاء متعملش كدا اكيد فيه حل

ازداد ضجيجم والسيارة أوشكت علي التكسير، فقال أشرف بسرعة

=مفيش وقت يافيروزة.. اهربي اهربي بقولك وانا هاخدهم