سبية مستباحة

بارت 5

حرير : بعد ماراح مهڤ ضالة بالغرفة ما اطلع منها بس بعدين حاولت اجبر نفسي شيكولون علية العالم حتة ميعرفون ضروفي ثالث يوم ع روحت مهڤ سمعت حجي برة طلعت لكيت الحجية وبناتها كاعدات برة يشربن جاي شافتني وابتسمت هية ولبنات هم
-
الحجية : هلا يمة عاش من شافج ليش هيج عازلة نفسج تعاي اكعدي حبيبة
حرير : حبيبتي خالة اعذريني والله ماعرف شديصير بية نفسيتي حيل تعبت
-
جانن البنات حيل فقيرات هنة توأم وحده اسمها وردة والثانية عبير حجت وحدة منهن
-
وردة : احجيلنة شلون تعرفتي على مهڤ شنو قصتج
حرير : هية قصتي متتسولف بس لازم احجيلكم ولو متاخره
الحجية : على راحتج حبيبة
حرير : فدوا الگلبج خالة شكد حلوة سوالفج

حجيتلهم كلشي من البداية حسيتهم مندمجين كأنو متاثرين بمسلسل ديمثل الواقع بس للأسف اني هناا الواقعع نفسة مو تمثيل
اتمنيت هذا تمثيل اتمنيت حلم اي شي بس ميكون واقع مدا اتقبل حياتي بس دا اگول الحمدلله ما مصدكة الصار بس داكولل لحمدلله مداكدرر انطق جملة الله يرحمة ويةاسم ابوية ماكدرر اتقبلل انهاار روحي تتكطع غصة بكلبي تصير من اكول الله يرحمة شوكتت صار الله يرحمة ابوي الميهزة شيي البطلل الي ضحة بنفسة علمود شعبة
اكوو شيي مخليني مقاومة روحتة وهوة شهيد اتمنى ماخذني وياا امنيتي اموت شهيدة ماعندي بعد حياة بس اكيد ربي خلة سبب لكلشيي وعافنيي عايشة اكيد اكوو شيي كاتبلياا اعيشة لحد ميجي اجلي .
ترخصت وطلعت للغرفة الي ماعرف ليش حسيتهة قريبة الي وبنفس الوقت غريبة سرير نفر ميز وكنتور مكتب ولابتوب وصبغ الغرفة جان لون ماروني مضلم ماعرف لييش بس هادئ بيهة لوحات ممفهومة بس تعجبني كلشي بيهة يعجبني
كعدت افكرر بيني وبين نفسي من يرجع مهڤ وين راح اروح شلون راح اعيش وحدي شلون اتعايش وية ذكرياتنة وذكرى موتة كداميي بلبيت شلون شنوو مصيري انيي
ضليت كاعدة وافتر فكرة تجيبني وفكرة توديني لحد ماصار الفجر اذن الفجر كمت توضيتت وكعدت اصلي اخفف عن هلحملل الجبلل الي بكلبي اريدة يروحح.
بوكتهاا شكلتت
يارب عوضني عن كل هلمصايب عن كلل القرارات الخطوات و العثرات و الوكعات
عن كل طريق مشينا بي واحنا خايفين انو مايطلع هو الطريق الصح بس وثقنا بيك وبقينا نمشي
عن كل خطوة حسينه بعدها ان مانكدر نكمل من التعب وكملنا ..
يارب خلي نهاية كل هالسعي هو الوصول لمحطة راحة تكفي للي بقى من عمرنا مو أكثر يارب دليني للطريق الصحيح يسرر طريقي ومصيري يارب ارحم امواتناا الي برحمتك وصبرنيي ياا اللهي.
هذاا اليوم ماعرف لييش داحسة صعب علية اني هسة وحيدة من كلل الاطراف ايي صلة رحم مابقت عندي بهلعالم بقيت بس انيي اكيد مهڤ الي وكف وياي وعمري ماا انسى ولاا انسة ايشي سوا وياي بس بلنهاية لازم يرجع لاهلة منو يكول ماا مزوج يعني
زواجناا جان مجرد وسيلة حتة ينقذنيي حتة هذول الاشخاص الي طلعو بحياتي بعد مافقدت كلشي راح يختفون من حياتي راح تبقة بس حرير تنتضر ابوها يحن عليها وياخذها
بعد كلل هالتعبب الجسدي ولعقلي رحت لفراشي ماكدرت انام شكد حاولت بدون نتيجة كمتت دورت اي علاج يخلصنيي من هالحالة طبيت للمطبخ بعد مادورت لكيت علاج معزول بعيد عن العلاج بس لازم اشوف مال شنوو هذا دورت تلفون ولكيتة محطوط ع المجمدة اخذتة وكعدت اكتب عن العلاج نص منة طلع للدماغ ونص للاعصاب ولارهاق اني ماكملت كبل قريت هلجملتين
واخذت ثنين منة واخذتة وياي للغرفة ورحت لفراشي حاولت مافكر بلعلاج حتة انام وفعلاا مادريت شصار بعد ربع ساعة تقريباا. واخيراا غمضت عيونيي بتعب