سبية مستباحة

بارت 30

سبية مستباحة "بقلم الكاتبة ميامين الدليم

- جانَت لحضة فتحت عيوني بيهة بـ امل وفرحة بعد اخر ضربة لراسي شفتة كدامي وهوة يدورلي ولخوف ولرهبة واضحة بملامحة ردت اكوم اروحلة حسيت كلبي فرفح لشوفتة ولحضنة بس المسة احس بـ الامان بس احس بروحي عايشة

- بس سبقنييي وهوة يشمر روحة بحضني

- لمني بحضنة وحسيت روحي راح ادخل بضلوعة شفت الخوف بتصرفاتة بحنيتة بحضنة بكلماتة الحنينة

- باوعلي وهوة يحضن وجهي بـ ادينة ونضرات الخوف ولقلق واضحة على ملامحة التعبانة ولمتغيرة بقيت بس ابجي ومن يحجي أشر براسي ايي او لاا من المواقف العشتهة وكلشي حسيتة

مهڤ: اجيتج ابوية انتي اجيتج اني كربج يعلة بروحي يلمدوهنتني

- اوفف حرير شسويتي بية بس كليلي شسويتي وين وديتي عقلي وين سلبتي منييي وسالبة كلبي هم شحجيلج حرير شحجيلج

تريدين اكلج اخذتي كلبي موبس احبج

- لو اكلج بلهجتنا ،حبيتوكي اول مشفتوكي

- لو اكلج احبج يمصكوعة

- شكلج شكلج دوهنتيني شكلج وين اضمج تعبت حرير وين اضمجج

- بوكتهة حسيت دخان يطلع من كل جسمي جبل واكف عبير محمد كلهم كدامنة بقيت اباوع ومفهية ماعرف شنو اكول بس حجة جبل ونقذ الموقف

جبل: مصاب عدنة بلاستقبال

- من كال هيج كام بسرعة وطلع للاستقبال توجهنة ورا ،دخل للاستقبال يباوع للرجال وعلينة

حرير: اني الي كلتلة خلينة نعالجة وهوة جان دخيل عدنة ماكدرنة نعوفة يموت واذا طلع لغير مكان راح يقتلو

مهڤ: ابوية انتي هسة اني كايللكم عوفو يموت لو ليش عالجتو بلعكس بوية بارك الله بيج ومن تربيتج بنت اصول بس اجيت اتاكد خفت تطلع خطة من يمج ماكدر اخاطر بشي

حرير: لاا اعرف الشخص من وجهة واعرف شنو نواياا وجبل جان موجود هم لتخاف كلشي ميخليني اسوي

جبل: بس انتي منو يوكف براسج واكفة فوك راسي بكلشي حاطة نفسج انتي عالجتي مو اني

حرير: ساعدتك بس لان متعودة اضمد جروح

مهڤ: اطلعو خلو يكعد ونشوف تاليتهة ومنين جاي نتواصل وية اهلة

- طلعنة وبعدنة ماتحركنة هواي صار صياح ابيت احد من الجيران

مهڤ: حرير اخذي عبير وطبو جوة

حرير: بس مهڤ

- حرير بدون عناد طبي بوية

- طلعو هوة وجبل بس ماكدرت اطب الجو جان بارد حيل وضباب وبس صوت الرمي ينسمع

عبير: شدتسوين لتطلعين حرير الدنيا مو امان انتي لييش متخافين