سبية مستباحة

بارت 33

سبية مستباحة "بقلم الكاتبة ميامين الدليم

- اذا ماشفت تفاعلكم للبارت وتصويت مثل عدد القارئين مينزل بارت يعني الديقرون شكاعد يسوون اشو اكثر من 15 الف قارئ للبارت بيوم واحد وينهم

- ول يابة حطو تصويت ترة ميكهرب شهلتفاعل هذا

-

مهڤ: صدك كيدهن عضيم

- كضينة الطريق ساكتين واني كاعدة عاقلة وهوة كل ميشوفني يستغفر ويكمل طريقة ادري بي ما زعلان مني بس حتة لاا اكرر هلتصرف سوة روحة ضايج

- من وصلنة للبيت شفنة سيارات طابكة يم بيتنة تقريبا 8 سيارات وقسم من النسوان ولزلم نازلين من سياراتهم باوعت المهڤ وهوة هم باوعلي ماا مفتهم شي نزلنة وتوجهنة كلنة يم الباب ماا مستوعبين الدنشوفة

- كلنة يجوز مو علينة بس الناس طابكة هناا بس من وصلنة يم الباب وشفنة جبل هجم ع شخص اتملكتنة الصدمة ولخوف بنفس الوقت

- مهڤ بسرعة صار بنصهم وصارت ضجة جبير وعياط النسوان بنص الشارع

جبل: لكك مستهتر طايح الحظ جايب زعاطيطك وجااي بدون لاا احم ولاا دستورر كنالك ماعدنة بنات للزواج

باقر: انتَ منو انتَ ماتقرب الهة بشيي شنو هاي التصرفات ياا محترم هيج تتعاملون وية ضيوفكم ياا ولد الغربية نسيتو اصولكم

- من كال هيج مهڤ دفع جبل وكمز على باقر لزمة من ياختة بعصبية

مهڤ: انتَ مجرد خنثة لاا تجيب اسم ولد الغربية على لسانك الزفرر احنة نتعامل وية ضيوفنة المحترمين موو واحد مثلك فهمت لو ارجع افهمك بطريقة ولد الغربية وعلى اصولهم

باقر: راح اندمكم واحد واحد ماراح تفلتون مني بهاي سالفتكم

جبل: دمشيي لك امشي يعلمنة ابو كذلة بس ناقصك محل نسائي يعلمنة ع الاحترام وهوة يدور حلوين

مهڤ: جبلل لتلطم وجوهنة منا العالم انطي مجال

- جان الوضع حيل متكهرب ولكل بحالة صدمة ونسوان تتهامس زلم كبار يحاولون يهدون الوضع ويلزكهم جبل بعياطة عبير لزمت ايدي حيل وترجف خفت عليهة ترجع نوبة الصرع عليهة

حرير: لتخافين لتخافين ديربالج احنة كلنة يمج وهمة هسة راح يروحوم وكلنة نفوت نرجع لوضعنة مثل ماجنة خوش

عبير: راح يفضحني جبل حرير الله يخليج لتخلونة يحجي شي يخصني كدام كل هاي العالم راح يسود وجهي لجج هذا ميستحي ادري بي

حرير: خلي نفتهم اسكتي بعدين مدي لسانج

عبير: المسودن ابو راس المصلبخ اني اذا ما اورك ور

- مهڤ سحب جبل وهوة معاند يريد يرجعلة ولولد الجايين وية باقر هم سحبو صعدو سياراتهم ومهڤ اخذ الزلم الكبار ع صفحة وماعرف شنو حجة وياهم سلمو علي باحترام ودعو وراحو