سبية مستباحة

بارت 27

سبية مستباحة، بقلم الكاتبة ميامين الدليم
--

لاا تنسون التعليق بين الفقرات ولتصويت

حرير: يحجون وهمة متوجهين جوة للبيت طبو وسديت باب الكندور باوعت للمغسلة معلكة يمهة فرج الاسنان مالتي ومالت ابوية المناشف ثنين الي والة جنة نطلع نشتري اشياء البيت سوة ومن كل حاجة الي والة تنفست بتعب وحيرة وطبيت وراهم دخلة للصالة

- وشفنة عبير من شافتنة كامت بسرعة طبت جوة باوعت لمهڤ وكلي روحي وراها جبل راح كعد بمكان عبير واني طبيت يمهة

عبير: اريد ابقة وحدي حرير

حرير: خايبة ماتنجبين انتي شكد بطرانة

عبير: اني مو بطرانة اني وحدة فطيرة شكد اكول اصير وحدة حية بس ارجع فطيرة واسوي زين

حرير: شنو هلسوالف هاي عبير انتي سمعتي صوتة العالي بس ماشفتي خوفة عليج وليش حجة هيج ليش تتغاضين عن ايجابياتة وتركزين بس على سلبياتة

عبير: اني روحي ملچومة محد حاس بـ احساسي محد دخل مستشفيات بكدي منو يتحمل الشمرات الي تصير بية منو كليلي منو يتحمل الصار بية

حرير: زين هوة كلج اني ماصار بية شي كلج جنت فرحان بغيابج شوفي رغم هلشي حرام بس يدور رضاج مافهمتي منة وهوة كلج اكو سالفة محد يعرفهة لتحكمين علي قبل متعرفين هلسالفة ديربالج

عبير: ماريد اعرف ولا اريد اسمع منة شي ماراح يغير شي اذا تغير السبب كل واحد يرجع المكانة

حرير: سديلي بوزج وكومي يهل صكعة سمعي القصف بـ اي لحضة ممكن نموت منو ضامن نفسة يلا شوفيني طولج وكومي وياي نسوي ريوك

عبير: روحي اني اجي وراج

حرير: يلا سباعية انتضرج

-عفتهة وطلعت لكيت مهڤ بلمطبخ وعلاليك يمة

حرير: منين جبتهن اكو محلات مفتحة

مهڤ: بقو لسباع وراحو الجبناء وطبعا اكو عوائل ماطلعت

حرير: مهڤ

مهڤ: ياروح مهڤ سولفي بوية

حرير: اذا عفت كلشي ورحت شنو راح تكون ردة فعلك

مهڤ: ماا اضمن نفسي ما انهيج بيوم التروحين الكاج اكتلج واكتل روحي وراج

حرير: انتَ ماا تأذيني لاا تحجي هيج اصلا تخاف من الهوة يمسني

مهڤ: شسويتييي بية انتي شسويتي

حرير: شسويت لا تتهم حضك وبختك

مهڤ: لا عمي وين تاهم ،زين من طلعتيلي

حرير: من بطن امي

مهڤ: ههههههه يابوية طلعتي ام اللسان وين جنتي ضامة سوالفج