سبية مستباحة

بارت 29

سبية مستباحة" بقلم الكاتبة ميامين الدليم

حرير "
-للعقول الجبيرة

مشيت وباوعت للوحة الثانية

- جانت لوحة لكريستينا

- وحدة تشوفهة تريد توصل لمكان بعيد عليها بس جانت مشلولة بس جانت نضراتهة كافية تخليهة توصل للمكان التريدة ارادتهة جانت قوة بحد ذاتهة

- جمعت هاي اللوحة العجز والارادة

-كلش قريبة بكلبي وتشجعني اسوي هواي اشياء اتمناها بحياتي

- جنت من اشوف بكرات خياطة غريبة او لونهن غريب اشتريهن هواي مجمعة اشياء لطيفة تذكرني بهذا العصر المحتل كلبي

- طلعت من الغرفة واحس صدري ضاك علية طبيت للغرفة وماعرف لييش نمت بلكاع واني اسمع صوت الرمي الصار بعيد تقريباا بغير مناطق

- غصت بافكاري وذكرياتي وماتمنى ارجع للواقع وماعرف شوكت طب مهڤ للغرفة وكعد يمي باوعتلة وكمت بسرعة

- انتَ من اشوكت هناا

مهڤ: منو مضوجج فصوص عيني احجيلي

حرير: انتَ

مهڤ: انعل ساسي

حرير: لا تغلط

مهڤ: ابوس راسي

حرير: لا تبوس

مهڤ: انتي بدال الاكل تتغدين نكد

حرير: ماعاجبك

مهڤ: حرير مو اطيح حضج مصكوعة

حرير: هوة انتو الزلم ميعجبكم العجب من اندافع النفسنة تكولون نكد

مهڤ: عمي يتورط واحد يكعد ويحجيلة سالفة يطلع ام فور مو لسان

حرير: الفقير ياكلو

مهڤ: وللسان يكصووو بويةة يكصوو

حرير: ترة ادري يومية عايدهة علية دتشوفني حايرة بزماني

مهڤ: شعندج حايرة وايدج ع الخد

حرير: اريد اسوي شي

مهڤ: انتي يومية مدوهنة حالي يومية راطونة جديدة صكعتيني

حرير: احم شوصف جمالك، طولك شعرك سوادة الشعرك عيونك سمارك

مهڤ: بوية ماعندي ذهبات تبيعيهن دعبلي وليدي دعبلي جقمة

حرير: جمالك انباري اصيل طاغي للنخاع

مهڤ: انوب صار بيهة طاغي اويلي يابة احجي بوية

حرير: ايي هذا الحجي شيسمونة عادي ماا تلتحق للدوام

مهڤ: السبب

حرير: كلبي ماا مطمن ماعرف موجر كلبي

مهڤ: بوية قابل جديدة اول مرة التحق هذا شغلنة نروح ونجي بدون مانفكر اكو حرب المكتوب يصير لو اوكف كدام الموت اذا ماا مكتوبلي اموت ما اموت