هلاو..
كعدت من وكت ضليت فتره ب الافراش و كمت صحصحت رحت للحمام غسلت و فرجت و رحت اساعد امي ب البيت تغديت و كعدت اقره كتاب عندي قديم كلشش حلو (كيف تقرأ شخص مثل كتاب) وره فتره تعشيت و كعدت العب ب التلفون احب هيج وكت استخدم التلفون دخلت ع بوبجي و لكيت بس الابنيه فاتحه (غدير) دزتلي دعوه دخلت وياها و هيه فتحت مايك و جانت تبجي
غدير: زينبببب لحكيلي اكو ولد ديهددني ب صوري و اني ولله العظيم مو اني دازتها اله اصلا مادازه صوري الاي واحد(ابجي)
زينب: انتي متأكد صورج و محد يدري بيها غيرج
غدير: يي ولله متأكده
زينب: ع يا برنامج
غدير: ع التلكرام
زينب: تكدرين ادزيلي اليوزر مالته
غدير: يي يي
دزتلي اليوزر و رح راسلت شخص من كرايبي (مصطفى) هذه خبير ب هيج شغلات و دزيتله يوزر الولد
زينب: هدئي خلاص اني اعرف ولد هوَ رح يساعدج
غدير: ولله خايفه
زينب: حقج ولله
راسلني مصطفى هوَ يعرف هذه الولد و مو اول مره يسوي هيج ويه بنيه كومه بنات مهددهم ب صورهم عن طريق يعرف البريد و يكدر يخترق التلفون و ياخذ صورهم و اكو كومه بنات يتقشمرن بسرعه
وره تقريبا ساعه كدر مصطفى يمسح كل الصور مال الابنيه الي بتلفونه
مصطفى: بس اني مراح اسكت هل مره كلش طوخها مو اول مره يسوي هيج و شنو ذنب بنات العالم لا حول ولا قوه، رح ابلغ عليه و طبه مرض
زينب: يي خلي يولي ان شاء الله تطلع ب اخته او بنته
زينب: غدير عمري هاهيه امسحت صورج
غدير: ماعرف شلون اشكرج جان ادمرت حياتي ولله اهلي لو يدرون يموتوني
زينب: هذه درس الج
غدير: يي كتلج شكرا، هذه حمودي فاتح، هلاااو حمووودي
محمد: اهلا شلونكم
غدير: زينين شو اراسلك و انته ماكو
محمد: مو تدرين بالشغل يا عيني
غدير: حتى لو متكدر تشيل تلفونك و تراسل
محمد: لا ولله ماكدر
غدير: امممممم
محمد: يي شلونج زينب صح
زينب: يي زينب الحمد لله وانته
محمد: بخير
زينب: دوم
محمد: يديمج
غدير: اكولكم اني حروح اكووول (اكل) شويونه و اجي
محمد: براحتج، يي زينب تلعبين
زينب: شنو
محمد: اسئله
زينب: يي تمام منو يبدي
محمد: انتي
زينب: لونك المفضل
محمد: اسود، كم اخت عندج
زينب: ٤ و اني ٥ و اخ واحد
محمد: حلوو
زينب: اكلتك المفضله
محمد: دولمه، كم مره حبيتي ب حياتج
زينب: مره و جان من طرف واحد و الله يسعده
محمد: بعدج تحبي
زينب: لاا، شكد عمرك
محمد: ٢٠
زينب: العمر كله
محمد: عمري، الحب لو الصداقه
زينب: الصداقه
محمد: ممم
زينب: شنو اسم امك
محمد: ههههه شهل سؤال
زينب: جاوب ميصير
محمد: امل
زينب: الله يحفظها
محمد: و يحفظج، وانتي شنو اسم امج
زينب: مريم
محمد: عاشت الاسامي بت مريم
زينب: انته العايش ابن اموله
محمد: هههه شمدريج اني اصيحلها هييج
زينب: ولله مادري
محمد: ادرسين
زينب: يي
محمد: حلوو تعالي ننزل كيم
زينب: تمام
نزلنه كيم واخذنه المركز الثالث
محمد: هاي غدير راسلتني تكول طلعو خل ادخل وياكم
زينب: رح يخلص الكيم تريد انته اطلع
محمد: لا نكمل سوه
زينب: براحتك
كملنه و طلعنه
غدير: لكك حمووودي مو اني كوتلك اوطلع لويش ما طولعت
محمد: دحجي عدل
غدير: هاااي شبيككك
محمد: انتي شبيج براغييج راخيه يرادلها ضبب
غدير: انته يرادلك ضب امداك ماعندك اسلوب
محممد: ديلا عيني ع اساس انتي تخرخرين اسلوب
غدير: ولله بعد ماحجي وياك باااي
زينب: زعاطيط؟؟؟؟؟؟
محمد: منو
زينب: انتو من الحبه سويتو كبه ماله داعي صراحه
محمد: مشفتيها شلون اجر بحلكها عبالها اغراء وكذااا متدري لعبان نفسس كبر
زينب: انته هم ماعندك اسلوب ع الاقل خل اطلع و اتعاركو
محمد: مو غريب الا الشيطااان
زينب: هههه
محمد: دوم يابه
زينب: شكرا
محمد: اضوج منها
زينب: منيه
محمد: ال شكرا احسج اتفلين بوجهي
زينب: لعد تعلم كل حجايه و الثانيه اني اكول شكرا
محمد: يي زينب ماعندج برامج غير البوبجي
زينب: لا عندي سناب و تيك توك
محمد: اطيني السناب
زينب: لا ولله انته مو مرتبط و حتى لو مرتبط ماكدر اطي
محمد: براحتك، يلا اني اروح انام
زينب: بيبااي
محمد: بااي
