هلاو يحلوييينن
فلاش باك للسنه إلي انولدت بيها بطلتنه ❤
(في رمضان و تحديدا الساعه ٣ فجرا صوت مطر و برق و رعد و رياح شديده جان اكو عاصفه في هذه اليوم شهر ٩ يوم ٢ صراخ امرأه (ام زينب) و الخوف بكلبها لا تموت بتها دخلوها ل صاله العمليات و بنجوها بعد مده كعدت و لكت علي(ابو زينب) يم راسها يباوع عليها بحنان
علي: حبيبتي حمد لله ع سلامتج جبتيلي كمر ثالثه و حاجز ثالث للنار (نزل باسها من كصتها)
وره فتره دخلت خالت مريم(ام زينب) و بيدها طفله و ملفلفيها ب غطه صغيره وردي و ابيض و هدوم مال حديثي الولاده
جتي زينب ب صحه كلش زينه شالتها مريم باوعت عليها بحنان و دمعه ام اول مره تشوف ضناها جتي زينب قطه حمره هلكد ما بيضه و الشي إلي جذب العالم اصابيعها الاضعاف و اكثر الناس عبالهم بيها مرض من وره صغرهم وره مده اقل ال ٥ دقايق جتي ممرضه و كالت ال مريم (ام زينب)
الممرضه: عيني لازم ترضعيها
مريم: يي
طلعت الممرضه و طلعو إلي جانو موجودين بالغرفه و بقت بس مريم و اخت علي(عمتها) اسمها انتهاء بدت ترضعها و مو بسهوله اتقبلت صدرها بعد مده رضعت و خلصت وره كم ساعه رجعو للبيت بس فتحو الباب جد زينب ذبح جوه مريم خروفين واحد ل سلامتها و واحد ل زينب
عدنان(جد زينب): حمد لله ع سلامه و شكرا لان جبتيلي حفيده جديده و نورت عائلتنه تفضلي و اطيني حبيبه جدها
اخذ عدنان حفيدته و بس شافها كال بصوت عالي
عدنان: نورتييي بيتج حبيبه جدج و من اليوم و رايح إلي يمسج يمسني و إلي يضرج يضرني و اسمج رح يكون بطه لانج بيضه و اشوف بيج مستقبل حلوه تستاهلين اسم بطه يا جميله
دخلو للبيت
عدنان: شوف علي كل اللحم توزعو ماريد ولا لحمه اطب للبيت حك سلامه مرتك و حك حبيبه جدها بطه و شوف همه شيريدون غده جيب
ضلت زينب بيد جدها و ما ذبها ابد لحد ما جتي انتهاء
انتهاء: صدك جذب يا يابه اطيهت لامها ع الاقل خلي ترضعها مو ماتت جوع الابنيه
عدنان: يي صح تعالي مريم اخذيها رضعيها و جيبيها
ضلت زينب مدلله جدها و شحده إلي يأذيها كبل يطرده من البيت و يتبره منه و جان زعله ثكيل و كبرت زينب ع دلال جدها و جان ميقبل ابوها يعزل بيت وحد لخاطر زينب و هوه رجال جبيره منو يداريه)
الوقت الحالي
زينب:
كعدت ع صوت صياح و كرايبي الجهال داير مدايري ولا عبالك بشر نايم، باوعت عليهم
زينب: الله و اكبر متكولون بشر نايم حتى حرام عليكم
وحده من البنات: ولله اني هم امي كعدتني غصب و استحي انام هنا
زينب: يمعودين صدك جذب دنامو هنا قابل انتو غربه هيه الدنيا خربانه خربانه بس شكو صوت الصياح
كلهم سكتو
كمت رحت غسلت و سويت شعري لكيت تفاحه غسلتها و نزلت جوه اشوف شكو
لكيت من بدايه الدرج و الهول الكدامي كل البنات لابسات اسود و كلهااا تبجي و تعيط لكيت فاطمه بت انتهاء
زينب: فاطمه فاطمهههههههه يمعودهههه
فاطمه: ها ها
زينب: شكو ليش هل صياح
فاطمه: لججج زينببببب (ببجي)
زينب: شكووو
سمعت صوت عيطه عمتي سما من الهول عاطت بقوه كلششش
سما: ولللللكككككك يااااببههههههه ليشششش رحت و عفتنيييييي
زينب: ياعع هاي شبيها وينه جدو
فاطمه: مات ماااتتتت( ابجي)
زينب: تضحكين ع نفسج عليه
فاطمه: ولله و هسه رح يجيبون التابوت باليل تخربط و مكعدوج و هوه بالمستشفى رادج و عمج سلام مقبل تجين
زينب: بلا شقه لجج
اثناء مدنحجي صار صوت زلم
لا اله الا الله
لا اله الا الله
لا اله الا الله
و النسوان زاد عياطها
جتي امي ركض عليه و صعدتني فووك
مريم: زينب بنتي شبيج ليش وجهج اصفر
زينب: ما ماما صدك جدو مات
مريم: لا لا حبيبتي ماكو هيج شي
زينب: شلون ماكو لعد ساره و عمه سما يضحكون عليه
مريم: لا ماما روحي كعدي يم الجهال
زينب: لعد ليش لابسين اسود
محجت شي
زينب: احجي وياااااج جاوبيني
مردت
نزلت جوه اركض و لكيت بنص الهول تابوت و البنات داير مدايره
دفعت البنات و كعدت يم التابوت
زينب: جدو حبيبي صدك بعد ما شوفك
منو إلي غيرك
منو بعد يصيحني بطه
اني مو حبيبه جدها
هيج انته تعوف حبيبتك
يلا كوم لتعوفني وحدي
ولله اموت بدونك
يلاااااا كوووممم احجي ويياااااك
منو بعد يجي من الشغل و يصيحني بطهههههه
يلا حبيبي
مو ردت تشوفني خريجه يلا بعدني ما متخرجه
كوووووومممممم
صرت اضرب ع وجهي ب هستريه و اي شخص يلزمني ادفعه اريد بس اوصل للتابوت مره ثانيه و افتحه اريد اشم ريحته ولله مشبعت منه بعدني صغيره مو حمل الافراك تربيت ع ايده اكلي شربي كله هوه جان يحب شعري
اجه ابويه و حضني قويه و طلعني بره
زينب: رجعنييييي كلكم جذابين جدي ميعوفني يدري بيه شكد احبهههه حباب بابا رجعنيييي كلكم حقراء ما خليتوني اروح يمهههه رادني راد يودعني جان شميت ريحته و سولفت وياه كله من وراكمممم ما سامحكممم كلكم حسبي الله و نعم الوكيل ع كلمن حرمني من ريحته
سكتت و كوه اجر النفس احس جسمي كله ييطلع حراره ابويه جاب مي و صار يغسل بوجهي و يحجي ويايه بس ماسمعه وشه ب اذني قويه و بعدها محسيت بشي
كعدت اني بفراشي و ماكو احد يمي وره فتره دخلت امي وجها احمر و مبينه مخرمشه وجها
مريم: زينب ماما يلا حبيبتي كومي ادري ولله ادري شكد عزيز عليج بس كلنه ع هذه الدرب يجي يوم و محد يبقه هنا كلن نروح يم الخالق بس كلمن و يومه ان شاء الله تنجمعين وياه يم الخالق و تره من دتسوين هيج بروحج دتأذي زياده اقري اله قرآن صلي اله صلاه الوحشه تفيده البجي ميرجع ميت بس يأذي
زينب: بس ماما هوه اكيد يدري شكد احبه و اليحب ميعوف اليحبهم ليش عافني
مريم: مو بيده بنتي هذه بكيف ربج
زينب: اريده يمي اشتاقيتله
رجعت ابجي امي حضنتني و تبجي ويايه
وره فتره صار صوت مال سماعه
مريم: كومي ماما جتي الملايه لطمي و ابجي لا اتكتمين
هزيت راسي و كمت غيرت هدومي و بدلت اسود من وفاه جدي كلشي انكلب اسود
نزلت و كعدت بنص البنات بدت الملايه تنعي عن الاب و عمتي انتهاء كطعت نفسها اباوع عليها و ابجي لدرجه صدرها كام يطلع دم و شعرها كله وكع بالكع
وره فتره كامو يلطمون و اني وياهم من خلصت صارو البنات يعزلون كمت اعزل وياهم و صبو الغده و تغدو و بدت الناس تروح بي الكرايب جنه من ننجمع صوته يملي المكان هسه محد يملي المكان من بعده صعدت الغرفتي و سديت الباب صعدت الجربايتي و دموعي نزلت لا ارادي فتحت تلفوني و لكيت كومه رسائل من محمد قريتهم و اخير شي جان كاتب
محمد: جايج
تخبلت شنو جايج هذه شبيه دكيت عليه مره مرتين بالثالثه جاوب
زينب: محمد (الدمعه بطرف عيني)
محمد: البقيه بحياتج
زينب: عرفت موو
محمد: يي عرفت
زينب: شفت محمد شفت شلون عافني منو إلي من بعده ولله احبه و اموت عليه ليش عافنييييي ولله كسرني بروحته
محمد: تعالي وره البيت
زينب: وين انته
محمد: تعاي
سده التلفون نزلت جوه و رحت وره البيت
لكيته واكف و شكله جان كلش تعبان رحت ركض عليه فتح ايده و دخلت بنص صدره و دموعي نزلت ضليت فتره مجلبه بيه و ابجي لحد ما صارت شهكاتي كلش قويه وخرني منه و مسح وجهي ب ايده
محمد: خلص حبيبي خلص مو زين ع كلبج هيج
جرني و كعدنه ب مصطبه
زينب: جان يحب هاي الحديقه و تعاي اراويك شي..... شوف هاي الورده اول ماطلعت كال هاي تشبهج و كل يوم جنه نجي اني وياه و نطيها مي و كل ما جانت تكبر افرحح و اكول كبرت اني هسه منو يطيها مي غيري راح هوه و يمكن انساها و اذا نسيتها تموت شبيهة زينب... و ماتت زينب وره جدها
محمد: الله يرحمه تدرين اني هم مثلج هم مات جدي و جنت متعلق بيه مثلج بس الفرق اني جدي مات كبال عيني و هوه ينازع الموت كتلو ب طلقه الما يخافون ربهم جنت اني المقصود و هوه علمودي ضحه بروحه ماكلج اني اخره منج بس حمدي ربج ما شفتي و هوه تعبان او ما شفتي هوه ينازع الموت كبالج و متكدرين تسوين شي ولا الاكبر من هذه مات علمودج حتى يحميج من الموت
