راحو بيت خالتي سبحت و نمت
رمت ثاني يوم للمحل و لكيت امير بوجهي كاعد ع الرصف بهل حر
امير: صباح الخير عيني ست مو عبالك متأخره ٣ دقايق
زينب: وانته كاعد هنا تحسبلي
امير: يي احسبلج شلونج
زينب: زينه انته شلونك
امير: بخير بشوفه عيونج يلا فتحي المحل تره انسلكت
زينب: بيضه حضره جنابك
امير: انطمي
زينب: انته انطم شلون ناس
امير: ان شاء الله معاجبيج ست زينب
زينب: لا ولله معاجبيني
فتحت المحل و هوه دخل قبليي
امير: فتحي السبلت
زينب: يااا شبيك انته من صباحيات الله
امير: وخري اني افتحه فاهيه
زينب: اللهم طولج ياروح
امير: يي ولله لازم اطولين شكدوتج
زينب: تيل
امير: ههههاااي كعدي داحجي وياج
زينب: نعععمم
امير: شكلتي ع موضوع الخطوبه
زينب: انته مو كلت اطيج وكت تفكرين شو ثاني يوم اجيت
امير: ٢٤ ساعه ما كفتج تفكرييين
زينب: لا ولله ما كفت
امير: هسه كولي لشلعين كلبي
زينب: مشالعه كلبك
امير: لا ولله دشلعي و تنعلين والديه
زينب: مادري
امير: شنو مادري
زينب: مو كتلي شكلتي ع موضوع الخطوبه جوابي هوه مادري
امير: لعد منو يدري
زينب: عفييهه لتلح ويايه ولله اضوج
امير: عيونج حلوه
زينب: شكرا عيونك هم حلوه
امير: بس عيونج احلى
زينب: لا ولله عيونك احلى
امير: لا مالتج احلى
زينب: لا مالتك
امير: مالتج
زينب: مالتك
امير: يبوووو عاندي بعد عانديي
زينب: مدري شبيك اشارب
امير: انجبي
زينب: دولي
عفته و كمت كملت شغل المحل من تنضيف و تعزيل و بدت الناس تجي و هوه اي ولد يشوفه يكابله و يكعد يقصقص وياه مابقه واحد بحاله
امير: يييييي إلي شاف مصيبه العالم هانت عليه مصيبته
زينب: شمسوي بيك الزمن الحجيت هيج
امير: ليش هيه شنيه حياتي لو حياتج لو حياتنه كلنه روتين ملل و نفس الشي و بين فتره و فتره تفقد عزيز تنوح و تبجي و تلطم و مراح يتغير شي
زينب: الله يرحم الجميع حي او ميت(حي لو ثعبان🙂)
امير: تدرين شكد ادمرت من وفاه جدي كلش جنت متعلق بيه و تقريبا حياتي مثل حياتج بس المختلف اني حبيت انسانه قبلج و طلعت وحده كلششش ماديه و همها كله بس فلوس بس ولله جنت اشوف لمعه حب بعينها مادري حب فلوس و فوك كل هذه خانتني و كبال عيني و ويه مني قطعه من روحي صديقي و اخويه الثاني و اخير شي تنكر اخخخ نكرت و همه كبال عيني شسوي و شحجي ع الم كلبي بذيج اللحضه صدك تمنيت لو ميت و مدفون جدي احسلي من هاي العيشه بس حبحبي من شفتج لونتي حياتي رجعتي امير القديم صدك رجعتيني شباب متت و انتي احييتي روحي و ولله اموت بدونج لتبعديني عنج احنه مخلوقين البعض لو بعد الف سنه بالنهايه تصيرين إلي
زينب: ذوق هاي النستله شكد طيبه و لتكبر اللكمه
امير: اني وين احجي و انتي وين
زينب: والنبي تجنن
امير: بالعافيه
زينب: مراح اذوك
امير: جيبي
زينب: ليش كبرت اللكمه
امير: هسه اجيبلج وحده لتبجين بوجه الله
زينب: الله لا يعوزني ع احد وبعدين انته شعندك كاعد هنا ماعندك خوات مكابلني و كاعد متستحي روح البيتكم لو الشغلك مو عندك شغل
امير:اخذت اجازه ع مودج
زينب: تقبل من اختك تتوظف ان شاء الله يجي ولد يكابلها و يكعد
امير: لا
زينب: لعد شعندك كاعد هنا لو حلال عليك و حرام ع ولد الناس
امير: كلامج صح يلا بيباي حُبليلي
زينب: الله وياك
كلامي ويه محمد مراح اذكره نفس إلي داكتبه اكوله لمحمد و محمد يسولفي ع يومه ماكو شي جديد
زههراء العبيدي ❤.
