هذه البارت لعيون وحده اموره ❤✨.
زينب: شكرا
محمد: ماريد شكرا ماحبها
زينب: شكرا شكرا شكرا شكرا شكرا شكرا
محمد: الحمد لله ع نعمه العقل
زينب: قصدك اني خبله
محمد: لبعبه مطي يمعمع
زينب: يااااا والله بعد ماحجي وياك باي
محمد: هاي شبيج زمزم ولله اشاقه
لججج تعالي
اكلج شغله
مو احجي وياااج
ام الغيرهه
زمزم
حوبيبي
عيوني
خايبه تعااااي
زينب: شتريد محمد افندي
محمد: ههههههه افندي شنو ولج
زينب: ولج بعينك شهل اخلاق العندج
محمد: عاجبتج موو
زينب: لا ايعع
محمد: علينه سستت زينب
زينب: شلونها اموله(امه)
محمد: زينه انتي شلونه مريومه(امي)
زينب: تسلم عليك
محمد: اخخخ شكد احبها و احب خلفتها بوسيلياها ع هيج خلفه تشك
زينب: شووف شووف شلون ماعندك اخلاق تكلي بوسيلي امج بكدك هيه
محمد: ياريييت بكدي كبل ازوجها
زينب: ممممم
محمد: زمزم
زينب: ها
محمد: تذكرين غدير الابنيه الي جانت ويانه
زينب: يي شبيها
محمد: طلعت وحده كح** و تشتغل ب ملهى و مره كالتلي امها تريد تسوي عمليه و ماعدهم فلوس و العمليه تحتاج هيه و الادويه مليونين و بحكم اني جنت حبيبها لازم اساعدها اطيتها مليونين و حضرتني و راح فلوسي
زينب: هههههههههههه اللهم لا شماته يابه
محمد: والله فد ندمان لان حجيت ويه وحده مثلها معبالي هيه هيج جانت كدامي ملاك و تدرين من عرفت اني داحجي وياج كالتلي لو اني لو هيه بسس ربج خلاني اكول انتي لو كايل هيه جان شكيت نفسي و هاني (ابن عمته) كلي اختار غدير متفيدك زينب
زينب: هذه هاني من زمان مارتاحله
محمد: لا ولج حباب
زينب: اكلك حروح اسبح
محمد: يي فرحي الليفه
زينب: وانته شوكت ناوي تفرحها
محمد: من تكليلي احبك
زينب: بااي
محمد: بيباي
سديته من محمد و رحت يم اهلي شقه و ضحك اني و اخويه شويه ميانه، امي من النوع صديقه النه حتى لو جنه ب مصيبه تسمعنا و تنصحنا من نطلع منها يلا ترزلنه و كلش حلو هل شغله بيها، لان بهل زمن اكثر الامهات مبتعدات من بناتهن و هذه الشي اكبر غلط اذا وكعت البنيه ب مصيبه اذا امها متوكف وياها و تنصحها منو ينصحها و بهل زمن متعرف عدوك من صديقك يضحك بوجهك و بضهرك يتمنالك السوء،
اختي مسويه كيكه و خاله فوكاها ككو قطعتها امي و كعدنه ناكل باجر اول يوم مدرسه إلي و الحماس فووول بس اريد اروح اشوف صديقاتيي
كملت اكل و كمت سبحت و رحت الغرفتي انجطلت، مشاعري لمحمد(احب اهتمامه، احب صوته، احب عيونه، احي اخلاقه و تعامله ويايه و ويه اهله، خوش ولد، يضحك و يشاقه و اني احب هيج ولد مو وجه البومه، بس ماعتقد اسمي حب، نكدر نكول اعجاب فقط، وماريد اكله احبك و بعدين اورطه ويايه اتأكد من مشاعر يلا احجي)
السيئات إلي بمحمد يحب جنس الانثى و عنده كوومه صديقات و شقه و ضحك و ماكو هيج ميانه كلش قويه، عصبي كلش و من يعصب يحاول يخليني ابتعد عنه حتى ميجرحني ب الكلام، يعاند، عنده شويه طائفيه بس ميكولها ب الوجه لا بشقه، يغار، متملك وبس
لكيت منه رسائل كومه منها:
محمد: وينج يمعوده
لهل درجه بيج وصخ مديطلع من اول مره
خاف صار بيج شي
زمزم
وينج
حبيبي
بس جاوبي
يمعودهههههه
زينب: ها ها شبيييج بعدني عاييشه
محمد: وين صرتي كلتي بس اسبح ساعتين بس تسبحين
زينب: شبيك
محمد: مابيه انتي شبيج ليش تأخرتي
زينب: هيج
محمد: شنو هيج جاوبيييي
زينب: لتصيح لكك
محمد: لك بعينج بس اوكفي خل اكوم منا و اني اعلمج
زينب: شتعلمني و بعدين كوم ما تخوفني تره
محمد: يي اوكفي اوكفي
وره دقايق
محمد: دكي
زينب: لا ولله مادك سالمين وين احنه
محمد: وين يعني بالعراق، دكي اكلججج
زينب: ماا
محمد: تعاندين؟
زينب: يي و بكيفي
محمد: تمام
دك عليه و رفضته
محمد: لجج بومه جاوبي رح اشكج
زينب: تشك منوووو عيني احترم نفسك لا تخليني اهينك
محمد: زينب
زينب ها
محمد: روحي
زينب: كبدي لتخليني اضرب ع خدييي هههه
محمد: مداشاقه روحي
زينب: وين
محمد: مادري اي مكان
زينب: ليش
محمد: باي
زينب: تكلي باي و اني بعدني اسولف
ماشي ستاذ محمد روح اصلا اني بعد ماحجي وياك
روح لذنيج صديقاتك مدري منين لامهم من الزبل
اصلا كلكم هيج
و احجي و متجاوب
ماشي بعيني
باااااي
حضرته و قفلت التلفون وكمت انضف عندي كم شغله امي بقتها عليه و نسيت اسويها كملت و رحت نمت
ثاني يوم
كعدت هوسه ابيتنه و صياح رياجيل و هوسه
فتت للحمام و غسلت و رحت للمطبخ الي يربط ب الهول بينهم باب خشب، لكيت امي
زينب: ماما شكو هل صياح منو هنا
مريم(امي): رجعت ذيج العشيره مادري شيريدون من عدنه
زينب: استغفر الله، جيبي اني اكمل صب(جاي) روحي ارتاحي مبين تعبانه وجهج اصفر
مريم(الام): و شلون اعوفج يم النار
زينب: يااا قابل اني زغيره
مريم: يي زغيره طلعي اكل و اكلي اني اكمل
طلعت الاكل و كعدت اكل اجه اخويه
حسين(اخويه): صباح الضهر
زينب: مساء الصباح
حسين: ههههه شلونج
زينب: الحمد لله
حسين: اليوم ليش مداومتي
زينب: عزااااا نسيت الدوام
حسين: يلا ميخالف باجر عود داومي بعد كم يوم تصيحين اني صوجي داومت
زينب: يي ولله
اخذ الاستكاين و طلع يوديهم
خلصت اكل و عدلت غرفتي فتحت التلفونن
لكيت كومه اضافات من حسابات ماعرفها يطلع ب ١٥ حساب، يمكن صرت مشهوره
رديت المتابعه للكل، توني رديت المتابعه جان تجيني الرسالات ركعععع
... سويتيها صدك
لججج اخخ بس خل الزمج اذا ما طيح حضج
اني اعلمج
ثولهه
هاي عذراء يمي تريدج
زينب: تلزم منو لك حيوان اعرفك تعرفني و بعدين هاي يا نعال تريدني تره ماعرفك
... و طالعلج لسان
زينب: و انته طالعلك صوف
دك، جاوبت
محمد: منووو طالعله صوووف (بصياح)
زينب: يااا هاي انته محمد
محمد: ليش معرفتيني و جاوبتي ع اتصال و البارحه من اكلج دكي مدكين
زينب: بكيفي
محمد: عذراء تريدج
زينب: ماحجي وياها
محمد: ليشش
زينب: تغلط ع عمو رمووح
محمد: منو هذه
زينب: واحد بطل قصه و اني احبه و هيه محبته و تغلط عليه
محمد: لج عذراء ليش غالطه ع عمها رمح
عذراء: يمته
زينب: تسوين نفسج نسيتي منو ذاك اليوم غلطت عليه
عذراء: هذه لك مدري شلونه مرتاحيتله
محمد: زينب تحجين وياه
زينب: لا يابه منين احجي وياه
محمد: لعد شلون حبيتي
زينب: مو كتلك هوه بطل قصه ب الواتباد و حبيت شخصيته و حجيه و صوته و كله فديته اححح
محمد: و ماحبيتي كلامي و صوتي و شخصيتي حبيني انه
زينب: مادري
محمد: يعني بيج امل
زينب: امل امك هههههه
محمد: ادبسزز
زينب: يلا باي هوااي حجينه
محمد: باي زمزمي
سديته منه و قررت اسولف الامي عليه و اكلها كلشي اول مره بحياتي اضم شي ع امي، توجهت الغرفتها دخلت لكيتها تلعب ب التلفون
زينب: مامي
مريم: عيونها
زينب: اريد اسولفلج شغله
مريم: كولي حبيبتي
زينب: شوفي اني تعرفت قبل فتره ع ولد اسمه محمد ب البوبجي و صار النه فتره نحجي اول شي ع تيك و هسه صرنه نحجي ع سناب و يكلي احبج و هوه خوش ولد و حتى امه و اخته و بت عمه حاجيه وياهم و كال بس تكليلي احبك اجي اخبطج و مرتين راد يجي بس اني كتله بعدين خل اطلع من السادس و الله كريم
مريم: من شوكت هذه الحجي
زينب: قبل ل نروح الكركوك
مريم: وهسه يلا تكوليلي ليش ماما مو احنه صديقات
زينب: نسيت و خفت
مريم: ماكو بنيه تخاف من امها ب العكس لازم كلشي تسولفيلي، و اطيني خل احجي وياه هذه شسمه
زينب: محمد
مريم: شكد عمره
زينب: ٢٠
مريم: منين
زينب: ولاده بغداد و ساكن ب كربلاء و اصل ابوه بصره
مريم: لام محافظات العراق
زينب: هههه
مريم: يلا اطينياه
زينب: يي ماشي
راسلته و كتله امي تريد تحجي وياك و هوه كال حياها الله
دكيت و جاوب اطيت التلفون الامي و اشرتلي اطلع، طلعت بس خليت اذني يم الباب و كلشي ماسمعت وره نص ساعه تقريبا امي صاحتني
زينب: ها ماما شحجيتو
مريم: حجي عادي المهم هوه مبين خوش ولد و من حجيه مثقف و يستاهلج و انتي تستاهليه اني مراح احرمكم من بعض بس لا اطوخين وياه عين و خد و بس تحسين نفسج جاهزه للزواج ابد لا تترددين و تخجلين منه و اني هسه امنتج بيد واحد و رجال بس زينب صور ما صور ماكو حتى كامره حدج مكالمه و حجيكم كله ب احترام اي تجاوز منه لو وصلتي عاشقه بيه سحبي روحج منه و اي مكان تحسين وجودج غلط انسحبي منه و الله يسعدكم سوه و ميحرمكم من بعض و اذا بيه خير يارب يقربه و اذا شر بجاه النبي محمد(ص) يبعده.
الكاتبه: زههراء العبيدي ❤✨.
