هلاو يابه ❤❤
وره فتره من خطوبه محمد إلي صار ميحجي ويايه هوايه و يعاملني ب قسوه شويه و اني جنت متعلمه ع حبه و دلاله هيج بين يوم و ليله تغير الولد و ماعرف ليش و مديقبل يحجي
محمد: زينب
زينب: هاا (بحلكي لكمه داكل)
محمد: دتاكلين
زينب: يي اندومي
محمد: بلعيها و بعدين احجي
زينب: كول شنو
محمد: اني احس ممناسبين البعض الصراحه
زينب: منو و منو
محمد: اني و انتي
زينب: شلون يعني
محمد: يعني بطلت ماريد نزوج
زينب: سبب
محمد: هيج ماريد و بس سدي السالفه
زينب: براحتك، حروح امي تصيحني
محمد: لله وياج
زينب:
يعع خاف بدلوه هذه شبيه الولد اكيد بيه شي و مستحي يحجي بس المشكله اني ماعندي صديقات قريبات حتى احجي وياهم و ينصحوني ب الموضوع امشي وره كلبي ولله كريم، كملت اكل و رحت اغسل ماعوني، غسلته و رحت الغرفه امي لكيت اخويه و اختي من الروس صايره
زينب: هدو شباب
حسين(اخويه): وللج نعاله شلون تاخذين شي مو الجججج
نور(اختي): دنجب لك ع اساس انته متاخذ ب اكلي
حسين: اوكفيلي
راح جاب دولكه مي ثلج و طشه عليها و نور صارت ترافس
نور: خربب يوووومكككك اذا ماطيح حضك
حسين: ههههااايييي
زينب: زعاطيط
حسين: اشك حلكج
زينب: اني اشك حلكك
حسين: ديلا تعالي شكي حتى اشكج
زينب: اني اشكك
حسين: بومه
عفتهم و طلعت رحت الغرفتي جتي نور ورايه دتاخذ هدوم
نور: احممم
زينب: شعندج
نور: حبيبي زنوبتي الورد
زينب: شعجب عندج شي
نور: حبابه حبابه
زينب: شنو
نور: الله يخليج
زينب: شبييج
نور: خلي اخذ تراكج الاسود بليززززز
زينب: و هم توصخي لا عيني ملابسته بس مره اخذي غيره
نور: لا هذه اريد و اطيج مالتي الاسود
زينب: تمام
اخذت هدوم و طلعت من الغرفه،جتي عليه امي طبت و سدت الباب
مريم: زينب تعالي كعدي
زينب: ها ماما
مريم: صاير بينج و بين محمد شي
زينب: مثل شنو
مريم: تعاركتو هيج شي
زينب: لا
مريم: ابو دك ع ابوج و كله الغت الخطوبه
زينب: وووولللللههههه
مريم: صوووتج، يي ولله
زينب: هوه كلي مو مناسبين البعض و اني كتله براحتك
مريم: زينب
زينب: ها
مريم: انتي مغلطانه وياه بشي
زينب: لا ولله
مريم: تمام حبيبتي
طلعت امي و رحت اراسل محمد
زينب: محمد
محمد: هلا
زينب: ليش فصخت الخطوبه
محمد: هيج
زينب: لا مو هيج اوكف
دكيت عليه، جاوبني
زينب: محمد شووف صحيح اني حبيتك و تعلقت بيك بس ما الك اي حق تخليني احبك و اتعلق و تأملني ب امل انو نتزوج و بعدين تعوفني وانته تدري اني بدونك اضعف
محمد: مارييددج لعبت نفسي منج
زينب: ليششش
محمد: هيج ماريدج وبس و لتفتحين بعد هل موضوع
زينب: لا افتحه لحد ما تحجي ليش هيج دتسوي يلا اسكت
محمد: تمام تريدين تعرفين ليش مووو
زينب: يي
محمد: كرايبج اسمه عصام كلي اني و زينب واحد يحب الاخ من احنه و اصغار و هيه تريدني بس متريد تكسر كلبك و وافقت عليك و انتي وياه بينكم علاقه حميميه عودد شنو معنى من توافقين عليه و انتي متحبيني شفقه مووو مقهوره عليه لان احبج
زينب: لا ولله و انته هييج كبل صدكته
محمد: وليش حتى ما اصدك ماكو دخان بدون نار
زينب: لا اكو دخان بدون نار يمكن شخص يشرب نركيله
محمد: تحششين حضرتج
زينب: لا، وحتى لو عرفت غلطك اني بعد ماريدك شلون ازوج شخص و هوه ذره ثقه ماعنده بيه و اي شخص يحجي عني كبل صدقه و ميدافع عني روح محمد الله يسعدك بحياتك و يوفقك و تشوف الاحسن مني ان شاء الله، بااي
محمد: لله وياج
سديته من محمد و نهاريت ب البجي الفتره إلي عافني بيها محمد كلش تأذيت بيها و مصار فتره من تاركه اعز شخص بحياتي جدي و زادها محمد كلش انتكست حالتي و الامراض صارت تتراكع عليه كل يوم طالعلي مرض جديد (جاره الدرقيه صاعده، فقر دم، نقص فيتامينات، هبوط، اوجاع البطن و الضهر، و إلشي إلي زاده مرض اول مره بحياتي اسمعه...
صارت حياتي شبه عدم وره تقريبا شهر راسلني محمد و هوه يعتذر و يريدنه نرجع بس اني رفضت مستسلم و ضل كل فتره يراسل و يتوسل و بكل مره اضعف بس ارفض مستحيل اكدر اعيش ويه هيج شخص
بمرور الوقت اهلي او تحديدا ابويه لاحظ بدت رجلي تنعوج و وره فتره اي شخص يشوفني ينتبه الرجلي و يكول الاهلي
.. عبالك رجلها عوجه
.. عندج خلل ولادي لو شنو
.. شو اوكفي عدل خل اشوف رجلج
.. عدلي مشيتج
الخخخخ...
ابويه قلق مني و عندي كرايبي اسمها حنين هيه دكتوره تخدير و بطبيعه شغلها تعرف الدكتور الزين و المو زين ف ابويه سولف الها حالتي و كالت اكو طبيب ب ****اسمه******* كلها تمدح بيه و حالات اقوى من حالتي سواها، المنطقه إلي هوه بيها بعيده عن منطقتي، عرضو اله حالتي و اطاني تحاليل اسويها و بعدين اروحله، سويت التحاليل و طلعت مصخمه ملطمه، فيتامينات المفروض قليله اني عندي كلش صاعده و إلي المفروض تكون صاعده عندي كلش قليله ف الغده صارت تفرز اكثر حتى تعوض ع فيتامينات و وصلت نسبتي ٩٨٥ ب الغده، و راد اشعه ل رجلي من الحوض ل نهايه الرجل
سويتهن كلهن و رحتله
الدكتور: رجلج بسيطه يراد الها نحت فقط
اووووو هاي شنو تحاليلج ليش هيج بنتي تريدين تموتين نفسج العمليه مال رجلج كلش سهله بس التحاليل مالتج مو زينه رح ادزكم ع دكتور مال غدد و فيتامينات هوه يعدلج ياهم و بعدها يحولج عليه نسوي العمليه و تكدرين تستغنين عن العمليه هذه الشي خياري الج
حولني ع دكتور ثاني و جان ابعد من عنده اطاني ادويه كل يوم حبايه لمده شهرين اسمتريت ب الادويه و مراسلات محمد ما وكفت و رفضي مستمر
رحت بعد شهرين للدكتور و كال احسن من قبل بس ماكدر اسوي العمليه لازم بعد اعلى اقلل الجرعه و كال شهر ونص و تعالي
بهاي الفتره رجعت العب ببجي و حظرت محمد منها لان بس يشوفني فاتحه ينسبي يضل بس يدز
تعرفت ع ولد اسمه امير:
شاب وسيم جدا يجذب النظر متعلق في جده و فقده في احدى الليالي المشؤومه، صاحب جسم طويل و اكتاف عريضه، اشكر، ذو ذقن و شوارب، عينان كبيرتان و عسليه اللون، انف مستقيم، حلك مرسوم، شعر ثخين و يحب يطوله، يحب الليل، الضلام، الكهوه، الانعزال، نرجسي جدااا، عنده عائلته من الاوائل بحياته، يشتغل ب احدى شركات العراق، من سكنه البصره، عائلته متكونه من
الاب: علي
الام: ايات
الاخ: مصطفى
الاخت: نرجس
هوه اكبر واحد ب اخوانه بعدها مصطفى و نرجس
امه و ابوه ازوجو عن حب، امه من سكنه اربيل الحبيبه و ابوه بصراوي، شيخ لاحدى العشائر في البصره، محترف ب لعبه ببجي (😁)
اللقاء الاول
زينب: توني داخله ع لعبه ببجي شفت ب العام اكو تحدي روم دخلت ب التحدي و انتضر نبدي اللعب
بده اللعب و جان اكو ولد اسمه *** من اعدائي كلش محترف سحلنه كلنه تنرفزت و طلعت بنص الكيم دزلي طلب وافقت و دخلت كيم كملته و طلعت دزلي دعوه وافقت
... سلام عليكم
زينب: وعليكم السلام
.. ليش طلعتي من الروم
زينب: تنرفزت منك
... ليش بويه
زينب: سحلتنه غيرر
... هههه ميخالف ، عرفينه
زينب: شعليك انته بيه نلعب و اطلع
... براحتك
نزلنه كيم و اخذنه مركز الاول
زينب: كفو من شاربك
... كفو من شاربج انتي
جان يوم تعارفي ل امير ١٦/٨ ٢:٢٣ صباحا
مرتاحيتله ب البدايه بس بعد فتره شفته شكد خوش ولد محمد من جنت اكو عنه خوش ولد عنده بعض من الاشياء بس جنت اتغاضه نظر عنها منها محمد جان يحب كلش البنات يعني كلش عادي يراسل و يحجي ويه البنات و يكروبات و يدزون صور و من احجي ويه كرايبي يضوج و هوه ويه الرايحه و الجايه يحجي و ضحك و شقه
اما امير
جان ميحجي ويه اي بنيه و من يريد مثلا يكول شغله ل وحده يكلي و اني اكلها و اسلوبه كلش محترم و ثكيل و ولا مره سمعته فشر او غلط محمد جان شي جدا عادي يفشر و يغلط كدامي صرت اقارن بينهم و شفت هواي اشياء غلط ب محمد و جنت اكول ماكو ولد كامل بس تغيرت نظرتي من تعرفت ع امير، جان يخاف عليه من الهوه اي شخص يضوجني ابد ميعبرها اله و يردها اله و جان يصيحني (حُبليلي) اعشقه لهذه الاسم او (حُبحُبي) من يكوله صدك احس نفسي شي كلش حلو و عنده كومه كلمات احبها منه منها
ريجي، اهل بغداد يكولون ريكي ف جان شي غريب و حلو
بمرور الوقت و بعد فتره و نص من معرفتي ل امير
امير: حُبحُبي
زينب: هاا
امير: شوفي تدرين بيه اني صريح كلش
زينب: يي ادري
امير: احبج
زينب: مضحك
امير: مداشاقه
زينب: كول ولله
امير: ولله احبج و مغرم بيج و من زمان بس عبالي مشاعر عابره بس لا كبر هل حب بكلبي
زينب: امير انته تدري
امير: يي يي ادري بمحمد و اعرف الغلط مو منج ولله هوه محاول يفتهم منج السالفه بس ولله اني غير اثق بيج ثقه عمياء و احبج اكثر من روحي
زينب: تدري صارت عندي فوبيا من الحب
امير: يي
زينب: ولله هوه هم جان يظاهر ب الحب كدامي و طلع كله حجي بعمره ماحبني صوجي اني حبيته و تعلقت بيه بس ولله محسيت هوه ميحبني اهتمامه و خوفه خلاني اقتنع هوه يحبني بس طلع ممثل
امير: حُبليلي هذه مو زلمه إلي يوعد ب بنات الناس ولا الاخرى هوه خاطبج و امج تدري بيكم و ابوج يدري و انسحب من وره كلام واحد خنيث اكثر منه
كل هاي الفتره اني و امير اصدقاء و كلش مقربين صرنه احجيله كلشي و هوه يقابلني بهذه الشي وصلنه ل مرحله انام و اوقت تلفوني اكعد ب ٣ ونص اضل ادك عليه يكعد يبدل و يغسل يتريك و يروح للشغل طول ماهوه ب الشغل نحجي و هوه فاتح كامره شفت امه و اخته و اخو ب الصور و صرنه نثق ب بعض
زههراء❤.
