သိမ့်ဘက်လှည့်လိုက်တော့ အရင်က ဆုံဖူးသည့် အမျိုးသမီးဖြစ်နေသည်...
" ခင်သန္တာအောင်!!! နင်က ဘယ်လိုဖြစ်လို့ "
......
" အိုး နှုတ်ဆက်တာက ကြမ်းလိုက်တာ ရှင်ရယ် "
သိမ့်က ဘာမှမပြောပဲ ရုပ်တည်ကြီးနဲ့ ကြည့်နေတော့
" ကဲပါ ရှင့်အကြည့်တွေကြောင့် တို့တောင် ပြာကျတော့မယ်ထင်တယ် တို့ကိုယ်တို့ မိတ်ဆက်ပေးမယ်နော်
တို့က Solid Company ရဲ့ နောက်တက်မယ့် CEO သဘက်ခါ တို့ရဲ့ပွဲလေးရှိတယ် လာတက်နော် အာ...နောက်ပြီး... ရှင့်အမျိုးသမီးကိုပါ ခေါ်လာခဲ့ပေါ့ "
သိမ့်လက်ထဲကို ဖိတ်စာထည့်ပေးလိုက်သည်..
" သူ့ကို သိပ်တွေ့ချင်နေတာမို့ ခေါ်ဖြစ်အောင်ေခါ်ခဲ့နော် " သိမ့် နား နားကပ်ကာပြောလိုက်သည်..
" အလုပ်ကိစ္စတွေကိုတော့ အတွင်းရေးမှူးက တဆင့်ပြောပေးပါနော် တို့က အရမ်းအလုပ်များတာလေ အခုက သက်သက် ယူ့ကို လာနှုတ်ဆက်တာ တို့ အပ်ထားတဲ့ ၀တ်စုံလေး အခြေအနေဘယ်လိုလဲ သွားကြည့်ချင်လို့ တို့ကို ခွင့်ပြုပါအုံး "
ငယ့်ဆီသွားမယ်မှန်းသိတော့ စိတ်တိုသွားကာ သိမ့်က ခင်ရဲ့ လက်မောင်းနှစ်ဖက်ကို ကိုင်ညှစ်လိုက်ပြီး နံရံသို့တွန်းကပ်လိုက်သည်...
သိမ့်က ခင့်ကို ငုံ့ကာ စိုက်ကြည့်လိုက်ပြီး
" ဘာရည်ရွယ်ချက်နဲ့ ငါတို့အနားကို ပြန်လာတာလည်း ငါ့ဆီက ငယ့်ကို လုယူဖို့ကြိုးစားမလို့လား သူများအိမ်ထောင်ရေးကို ပျက်ဆီးအောင် လုပ်ဖို့ကြံနေတာမလား "
" အိုး...ဟိုး... စွတ်စွဲတာတွေက ကြမ်းလှချည်လား ဒေါ်သိမ့်မဟာမြိုင်ရယ်
ကျွန်မက ရိုးရိုးသားသား ခိုးစားချင်ယုံပါ "
" ဘာ!!!! "
ခင်က သိမ့်ကို တွန်းထုတ်လိုက်ပြီး...
" ကျွန်မက ဒီတိုင်းစလိုက်တာပါ ဒါနဲ့ အဲ့လောက်အနီးကပ်ကြီးတွေမလုပ်ပါနဲ့ တယောက်ယောက်မြင်ရင် ရှင်နဲ့ကျွန်မကို အထင်လွဲသွားပါအုံးမယ် နောက်ပြီး အခုလောလောဆယ်မှာ ကျွန်မတို့က လုပ်ငန်းပါတနာတွေ မလား တခုခုအချေအတင်ဖြစ်ရင်မကောင်းဘူးလေ စာချုပ်ပျက်သွားရင် ရှင့်ဘက်က နစ်နာမှု ပိုများမှာထင်တယ် အရင်က ကိစ္စတွေ မေ့ထားရအောင်လား "
YOU ARE READING
𝗠𝘆 𝗚𝘂𝗮𝗿𝗱𝗶𝗮𝗻 ( ကျွန်မရဲ့အုပ်ထိန်းသူ ) 𝗦𝗲𝗮𝘀𝗼𝗻-𝟮
Romance" ဘာလို့ ငယ့်ကိုမယုံကြည်တာလဲ!! ဘာလို့အမြဲတမ်းစွပ်စွဲနေတာလဲ!! ကိုမလုပ်ထားတဲ့ ကိစ္စတွေကို လုပ်ပါတယ်လို့ ပေါ်တင်စွပ်စွဲခံနေရတာ အရမ်းခံပြင်းဖို့ကောင်းတယ် မတကယ်ပဲ ဘာဖြစ်ချင်နေတာလဲ!! ငယ့်ကို ထွက်သွားအောင်လုပ်နေတာမလား!! " ...လမင်းငယ် " မင်းဖြစ်ချင်တာတွေလ...
